Свет
Антонов: Стејт департментот ги поттикнува украинските власти да извршат терористички акт во Русија
Вооружените сили на Русија нема да остават неодговорени напади на државната територија, вклучително и на Крим, изјави рускиот амбасадор во Вашингтон, Анатолиј Антонов.
Вака дипломатот реагираше на изјавите на западните политичари за брза испорака на модерни оклопни возила во Украина, како и на изјавата на портпаролот на Стејт департментот Нед Прајс за прифатливоста на употребата на американско оружје во нападите на Крим.
– На сите мораше да им стане очигледно: какво и да е оружје што Американците или НАТО ќе му го достават на режимот , ние ќе го уништиме. Така беше за време на Втората светска војна, така ќе биде и сега – рече Антонов.
Пумпањето на Украина со оружје, вклучително и американско, само ќе доведе до поголеми цивилни жртви, посочи амбасадорот, повикувајќи да се внимава на зборовите на рускиот претседател Владимир Путин и министерот за надворешни работи Сергеј Лавров за неможноста да се победи Русија.
– Забележуваме дека реториката на американските претставници станува се повоинствена. Со изјавите кои се далеку од реалноста дека Крим е Украина, и дека вооружените сили на Украина можат да користат американско оружје за заштита на нивната територија, Стејт департментот всушност го турка режимот во Киев да изврши терористички акти во Русија – рече Антонов.
Тој предупреди дека ризиците од ескалација на конфликтот во тој случај ќе станат уште поголеми.
– Коментаторите наивно веруваат дека Русија нема да одговори на нападите на нејзина територија – заклучи Антонов,пренесе Новости.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Претседателот на Колумбија: Ги раскинуваме дипломатските односи со Израел
Колумбискиот претседател Густаво Петро изјави дека ќе ги прекине дипломатските односи со Израел поради војната во Газа.
Петро претходно силно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.
„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има претседател геноциден“, рече Петро на собир по повод Меѓународниот ден на трудот.
Светот не може да биде слеп пред настаните во Газа, додаде тој.
Во шестмесечната воена операција на Тел Авив загинаа 34.488 Палестинци, а ранети се 77.643, според здравствените власти во Газа. Војната ги расели повеќето од 2,3 милиони жители на Појасот Газа и го уништи најголемиот дел од крајбрежната енклава.
Најавата на Петро за прекин на дипломатските односи со Израел доаѓа во екот на се почестите шпекулации дека Израел наскоро ќе го нападне градот Рафах во јужниот дел на Газа, каде што се засолниле повеќе од милион Палестинци раселени од своите домови.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.
Свет
Хамас: Одговор за предлогот за примирје и ослободување на заложниците веројатно утре
Водачите на Хамас вечерва рекоа дека го проучуваат предлогот за примирје и ослободување на заложниците што им го претставија египетските посредници и велат дека се надеваат оти ќе го испратат својот одговор до утре, се вели во соопштението на палестинската милитантна група испратена до „Асошиејтед прес“.
Тековната рунда разговори за примирје меѓу Израел и Хамас изгледаат сериозни, но страните се во несогласување за едно клучно прашање – дали војната треба да заврши како дел од договорот, објави „Тајмс оф Израел“.
„Многу веројатно утре, односно четврток, ако даде Господ, посредниците ќе добијат одговор“, соопшти Хамас.
Преговорите меѓу Хамас и Израел, преку посредници како САД, Катар и Египет, траат со недели, а по Париз се водат нови рунди разговори во Каиро.