Свет
Апликацијата за следење на пандемијата на коронавирусот ги откри најчестите симптоми
Губењето на осетот за мирис и вкус можеби е најдобриот начин да знаете дали страдате од коронавирус, се вели во анализата на податоците собрани од интернет-апликацијата за следење на пандемијата на коронавирусот, каде што корисниците ги пријавуваат симптомите, а ја изработија британски и американски научници.
Ресиси 60 проценти од корисниците, за кои подоцна беше потврдено дека страдаат од коронавирусот Ковид-19, пријавиле губење на мирисос и вкусот, покажа анализата. Ова е споредено со 18 проценти од оние што пријавиле исти симптоми и кои биле негативни на коронавирусот.
Од 1,5 милион корисници на апликацијата од 24 до 29 март, 29,26 проценти пријавиле барем еден симптом преку таа апликација.
1.702 пријавиле дека се тестирани на Ковид-19, кај 579 лица болеста била потврдена, а кај преостанатите 1.123 не била потврдена болеста.
Со помош на собраните податоци, тим научници развија математички модел за да идентификуваат која комбинација на симптоми – од губење на мирисот и вкусот, треска, постојана кашлица, замор, дијареја, болка во стомакот до губење на апетитот – е најточен показател на Ковид-19.
„Според нашите податоци, луѓето што во комбинација со други симптоми пријавиле и губење на мирисот и вкусот се чини дека имаат трипати поголеми шанси да страдаат од Ковид-19 и затоа треба седум дена да се самоизолираат за да го намалат ширењето на инфекцијата“, вели водителот на истражувањето, професорот Тим Спектор од Кинг колеџот во Лондон.
Тимот на Спектор го применил откритието на повеќе од 400.000 луѓе, кои пријавиле симптоми на апликацијата и сè уште не биле тестирани на Ковид-19, и откри дека речиси 13 проценти од нив, веројатно, ќе бидат заразени.
Тоа би сугерирало дека околу 50.000 Британци може да имаат непотврден Ковид-19, вели Спектор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Два брода со мигранти се превртеа кај Мадагаскар, 25 лица загинаа
Два брода со мигранти се превртеа во Индискиот Океан кај Мадагаскар, а бројот на жртви се зголеми на 25, соопштија денеска локалните власти.
Вкупно 48 луѓе беа спасени од водите во близина на северниот дел на Мадагаскар, а официјални лица велат дека мигрантите биле на море речиси еден месец со надеж дека ќе стигнат до француската територија Мајот.
На 2 ноември чамците ја напуштиле плажата во близина на главниот град на Сомалија, Могадишу, со 73 луѓе.
Не е јасно што го предизвикало превртувањето на чамците, а истрагата е во тек.
Свет
Обвинителите се откажаа од случајот против Трамп поради напорите за поништување на изборните резултати
Американските специјални обвинители денеска побараа од судот да отфрли две кривични постапки против новоизбраниот претседател на Соединетите Американски Држави, Доналд Трамп – за обид за промена на неговиот пораз на изборите во 2020 година и за задржување доверливи документи, се вели во судската пријава.
Во предлогот од шест страници за отфрлање на случајот за мешање во изборите во 2020 година, обвинителите рекоа дека додека Трамп сè уште не е претседател, канцеларијата на генералниот совет на одделот, која обезбедува внатрешен правен совет, им кажала да го откажат случајот пред неговата инаугурацијата во јануари.
„Одамна беше ставот на Министерството за правда дека Уставот на САД забранува поднесување федерално обвинение и последователно кривично гонење на актуелниот претседател“, напиша главната заменичка на Смит, Моли Гастон.
Свет
Масакр во Турција: Убил седум лица, меѓу кои и сопственото дете
Турција ја потресе страшен семеен масакр во кој загинаа осум лица. Бахтијар Аладај уби седум лица, меѓу кои сопругата, детето, мајката, таткото, свекрвата и ја повреди сестра си, пред да се самоубие.
Телата на неговата сопруга, дете и свекрва, кои беа пријавени како исчезнати, се пронајдени покрај езерото Бујукчекмеџе. Наводно, Аладај претходно имал конфликти со сопругата поради љубомора и вежбал пукање со воздушен пиштол во својот фризерски салон во Авџилар, пренесува „Хуријет“.
Се започна во неделата, околу 16 часот и 30 минути, во квартот Јелалија на улица Чајир 1. Според информациите, 33-годишниот Бахтијар Аладај дошол во станот на неговото семејство, кој се наоѓа на приземјето на зграда на четири ката. По расправија со семејството, тој ги застрелал татко му Мухамед Аладај (65), мајката Нејмија Аладај (55) и сестрата Букет Аладај (30).
На лице место лекарски екипи ја констатирале смртта на Мухамед Аладај, додека Букет и Нејмија со повреди се пренесени во болница. И покрај напорите на лекарите, мајката на Нејми им подлегнала на повредите.
Околу 17:00 часот Аладај со автомобил се упатил до фризерскиот салон на улицата Чемил Мерич во Авџилар. Тој пукал во вработените, убивајќи го 30-годишниот Мехмед Салих Озсокук, додека неговата сопруга С.А и шурата Гохан Сојлу (34) се тешко ранети. Потоа Аладај со автомобил побегнал во Есенјурт.
Во 17:30 часот Аладај пристигнал на улицата 853 во Есенјурт, каде што го застрелал својот братучед Шадан Сердар Буке (33). Буке бил пренесен во болница, каде што починал. После тоа Аладај влегол во својот автомобил и се самоубил пукајќи си во главата.
По масакрот истанбулската полиција ја извести јавноста дека Бахтијар Аладај бил пронајден мртов во автомобил, каде што бил пронајден и пиштол. Наведено е и дека Аладај имал бројни криминални досиеја за употреба на наркотици.
Според медиумите, последни биле пронајдени телата на детето, сопругата и свекрвата. Тројцата се исчезнати, а полицијата дури подоцна ги откри телата на сопругата на Бахтијар Севим Аладај, десетгодишниот син Арсал Аладај и свекрвата Туркана Сојла во областа Тепекент покрај езерото Бујукчекмеџе.