Свет
Арапските земји го осудија израелскиот напад
Нападите на Израел врз Иран предизвикаа осуда од голем број арапски држави, кои изразија загриженост поради можна ескалација на конфликтот во регионот.
Обединетите Арапски Емирати (ОАЕ) и Саудиска Арабија изразија противење на воената акција против Иран, осудувајќи го кршењето на иранскиот суверенитет. Катар, Кувајт и Египет исто така ги осудија израелските напади и повикаа на воздржаност за да се спречи ескалација на Блискиот Исток.
Земјите од Заливот, како Саудиска Арабија и ОАЕ, ја насочија својата надворешна политика кон дијалог и дипломатија, настојувајќи да се намалат конфликтите во регионот. Дипломатскиот советник на ОАЕ, Анвар Гаргаш, ја истакна потребата од политички решенија наместо натамошна воена ескалација. Ова е интересен аспект на настанот, со оглед на ривалството на земјите од Персискиот залив предводени од Саудијците и Иран, во последната година дојде до затоплување на односите.
Пред нападот, Иран интензивно работеше на дипломатските односи со арапските земји, вклучително и состаноци на иранскиот министер за надворешни работи Абас Арагчи со регионалните лидери, каде што беше уверен дека Израел нема да го користи нивниот воздушен простор за напади.
Осуда за нападот стигна и од Пакистан и Либан. Нападот врз Иран го осуди и Хамас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Иран: Израелците нападнаa од ирачкиот воздушен простор, тоа значи дека Американците се соучесници во злосторството
Израелски воени авиони го нападнаа Иран од ирачкиот воздушен простор, објави иранската мисија во ОН, која ги обвини САД за соучесништво.
„Ирачкиот воздушен простор е под окупација, команда и контрола на американската војска“, објави иранската мисија на ОН на социјалните мрежи, заклучувајќи дека учеството на САД во, како што велат, ова злосторство е сигурно, а нападот бил извршен од позиција на околку 70 километри од иранската граница.
1. The Zionist regime’s warplanes attacked several Iranian military and radar sites from Iraqi airspace, approximately 70 miles from Iran’s border.
2. Iraqi airspace is under the occupation, command and control of the U.S. military.
Conclusion: The U.S. complicity in this crime…
— I.R.IRAN Mission to UN, NY (@Iran_UN) October 26, 2024
Во објава на апликацијата за пораки Телеграм, новинската агенција „Тасним“ објави дека иранскиот систем за противвоздушна одбрана спречил израелски авиони да влезат во неговиот воздушен простор, повикувајќи се на командата на вооружените сили на земјата.
Иранскиот министер за надворешни работи Абас Арагчи, претходно изјави дека неговата земја е решена да се брани откако израелските напади погодија воени цели во Иран рано утринава.
Во интервјуто што го објави АФП, Арагчи рече: „Мислам дека покажавме дека нашата решеност да се браниме нема граници“.
Свет
(Видео) Израел објави снимки од пилотите додека се подготвувале да го нападнат Иран
Израелската армија синоќа објави фотографии и видеа од нејзините воздушни сили кои се подготвуваат да го нападнат Иран.
هكذا أقلعت طائرات سلاح الجو لتنفيذ الضربات المحددة والموجهة بدقة ضد الأهداف العسكرية في إيران pic.twitter.com/B07Xgdwy4H
— افيخاي ادرعي (@AvichayAdraee) October 26, 2024
„Вака полетаа авионите на воздухопловните сили за да извршат прецизни и насочени напади врз воени цели во Иран“, рече портпаролот на ИДФ, Авичај Адраи во објавата на „Икс“.
شارك في الضربة الموجهة بدقة التي استهدفت أهدافًا عسكرية إيرانية الليلة الماضية خيرة أبنائنا وبناتنا في سلاح الجو وجيش الدفاع pic.twitter.com/6lDKpKKUZF
— افيخاي ادرعي (@AvichayAdraee) October 26, 2024
Израел објасни дека нападите се одмазда за „месечните континуирани напади“ на Иран, но и напади од милитантни групи поддржани од него.
Свет
ЕУ повикува на најголема воздржаност по нападот на Израел врз Иран
Европската унија денеска ги повика сите инволвирани страни да покажат најголема воздржаност за да се избегне неконтролирана ескалација на конфликтот на Блискиот Исток, откако Израел погоди цели во Иран.
„Опасната спирала на напади и одмазда создава ризик да предизвика ново продолжување на регионалниот конфликт“, објави Европската унија.
„Признавајќи го правото на Израел на самоодбрана, ЕУ ги повикува сите инволвирани страни да покажат најголема можна воздржаност со цел да се избегне ескалација надвор од контрола која не е во ничиј интерес.
Иран предупреди дека ќе се брани по последните израелски напади, чии цели, според Израел, биле ракетни фабрики и воени објекти во неколку ирански региони. Иран објави дека загинале двајца војници.
Израел предупреди дека Иран ќе плати „висока цена“ доколку одговори на тие напади, кои пак беа одговор на нападите на Иран врз Израел на 1. октомври.
Европската унија нагласи дека овие напади се случиле во контекст на „сериозни и растечки регионални тензии“.
„ЕУ останува целосно посветена на намалување на тензиите и придонесување за деескалација и, за таа цел, останува во близок контакт со сите релевантни актери“, се заклучува во соопштението.