Свет
Асистентка во САД уапсена за сексуални односи со тројца средношколци

Ешлин Фаје Бел (24), асистентка за настава во средно училиште во Тексас, е уапсена поради тоа што наводно имала секс со тројца тинејџери, нејзини ученици.
Бел имала секс со свои ученици во три одделни ситуации. Тоа се случило минатиот ноември во нејзиниот дом во Њу Бостон, Тексас. Двајца од учениците тогаш имале 17 години, а еден 16.
Бел, мајка на едно дете, во тоа време работела како асистент и во библиотеката на тоа средно училиште.
Полицијата отвори истрага откако еден од наставниците слушнал разговор меѓу група тинејџери од кои еден спомнал дека Бел можеби забременила од сексот со него.
Истиот ученик наводно во полицијата открил дека Бел имала секс и со други. На почетокот не било јасно дали Бел забременила за време на некои од овие односи или порано била бремена.
Од полицијата додаваат дека еден од двајцата 17-годишници комуницирал со Бел преку социјалната мрежа „Снепчет“, која ја користеле за да договорат каде ќе се сретнат. Се случило околу Денот на благодарноста, тие се нашле на камионска станица пред да отидат во нејзината куќа. Тинејџерот рекол дека нејзиното дете во тоа време се наоѓало на задното седиште на нејзиниот автомобил и дека прво го заспала детето, а потоа наводно тие двајца имале секс.
Другиот 17-годишник ѝ кажал на полицијата дека Бел била учителка додека имале секс во нејзиниот дом. 16-годишникот, наводно, признал во полиција дека имал секс со Бел двапати, исто така кај неа.
Таа е уапсена и обвинета по две точки: нелегална врска меѓу наставник и ученик и сексуална злоупотреба на дете.
Ден по нејзиното апсење, Бел била ослободена откако била платена кауција од 150.000 долари. Таа се соочува со затворска казна и до 20 години по секоја точка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин
Свет
Орбан: Не ја признаваме пресудата против Додик

Унгарија не ја признава конечната пресуда на Апелациониот совет на Судот на Босна и Херцеговина, со која беше потврдена првостепената одлука од февруари оваа година, објави премиерот на таа земја, Виктор Орбан.
„Унгарија не ја признава судската пресуда против претседателот Милорад Додик. Обидите на супервизорите назначени од ЕУ да го отстранат поради спротивставување на нивната глобалистичка агенда се неприфатливи. Тој е легитимен, избран лидер на Република Српска – ние цврсто се спротивставуваме на мешањето на Брисел во суверените прашања. Ништо не може да биде над волјата на народот“, напиша Орбан на социјалната мрежа Икс.
Медиумите во регионот потсетуваат дека Апелациониот оддел на Судот на Босна и Херцеговина во петокот ја потврди првостепената пресуда против претседателот на Република Српска, Милорад Додик, со која тој беше осуден на една година затвор и шестгодишна забрана за политичка активност поради непочитување на одлуките на Кристијан Шмит.
Свет
(Видео) Пукање во Лос Анџелес: има загинати и повредени

Најмалку две лица се убиени, а шест се ранети денес во пукање за време на забава по музички фестивал во центарот на Лос Анџелес, објавија властите.
Полицијата изјави дека едно лице осомничено за пукањето е уапсено.
LOS ANGELES MASS SHOOTING: Mass shooting after Hard Summer Music Festival afterparty in Inglewood, LA. 2 killed, 6 injured. pic.twitter.com/Rgra9sY59O
— Breaking911 (@Breaking911) August 4, 2025
Забавата беше промовирана на социјалните мрежи како неофицијална забава по фестивалот „Hard Summer”, викенд фестивал на техно музика што се одржува во Холивуд Парк, објави АП.
Нема информации за мотивот на нападот.
Полицијата објави дека отворила истрага.