Свет
Бајден и Нетанјаху разговараа телефонски

Американскиот претседател Џо Бајден денеска телефонски разговараше со израелскиот премиер Бенјамин Нетанјаху за развојот на ситуацијата во Израел и Газа, соопшти Белата куќа, додека израелската армија ја продолжува воената операција во јужниот дел на Појасот Газа.
Засега не се објавени детали од разговорот, но Белата куќа соопшти дека подоцна ќе објави соопштение.
Разговорот на Бајден со Нетанјаху дојде откако претставници на Црвената полумесечина пријавија „интензивен оган од израелски беспилотни летала врз цивили во болницата Ал-Амал“ во Кан Јунис, главниот град на јужниот дел во Газа.
Израел започна голема акција против Кан Јунис оваа недела за да го освои градот за кој вели дека сега е примарна база за борците на Хамас кои ги нападнаа израелските градови на 7 октомври, убивајќи 1.200 луѓе и предизвикувајќи војна што го опустоши Појасот Газа.
Министерството за здравство на Газа соопшти дека 142 Палестинци се убиени, а 278 се повредени во Газа во изминатите 24 часа, со што бројот на загинати од повеќе од три месеци војна се искачи на 24.762.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Свет
Хотелите во Британија сo заканa дека ќе избркаат стотици баратели на азил

Хотели во Велика Британија се закануваат со бркање на стотици баратели на азил откако не ја добиле договорената исплата од сместувачката компанија „Stay Belvedere Hotels“ (SBHL), објавија британските медиуми.
Хотелите, претежно во лондонската област, најавија дека минатиот месец требало да добијат исплати од СБХЛ за сместување на баратели на азил, објави британски „Телеграф“.
Британското Министерство за внатрешни работи минатиот месец го отповика договорот на SBHL поради наводни неправилности.
Се проценува дека моментално има околу 38.000 баратели на азил сместени во хотели во Велика Британија.
Британското Министерство за внатрешни работи одвојува 5,5 милиони фунти дневно за нивно сместување, пренесува Танјуг.
Свет
(Видео) Севиља на удар: силниот ветер срамни фарма, три тела извлечени од урнатините

Најмалку три лица загинаа при уривање на магацин на фарма во близина на Севиља, а властите истражуваат дали колапсот е предизвикан од торнадо, пренесува Ефе.
Heavy rainfall causes floods in Seville, Spain 🇪🇸 (04.04.2025) pic.twitter.com/QOQBN6A3k1
— Disaster News (@Top_Disaster) April 4, 2025
Неименуваниот граѓанин кој алармирал во повикот објаснил дека ветрот го однел покривот и дека биле зафатени ѕидовите, а во последните неколку часа во околината на Севиља се забележани силни ветрови и врнежи.
Меѓу жртвите има двајца браќа на возраст од 61 и 59 години, како и еден 40-годишен маж.