Свет
Бајден назначи нов министер за здравство на САД
Новоизбраниот американски претседател, Џозеф Бајден (62), го номинира адвокатот од Калифорнија, Ксавиер Бекер, за министер за здравство, пренесува „Њујорк тајмс“.
„Ројтерс“ известува дека Бекер, кој е и поранешен конгресмен, ќе го преземе здравствениот сектор, кој се бори со зголемувањето на бројот на луѓе заболени од коронавирусот, како и бројот на смртни случаи, кој надмина 2.000 во последните неколку дена.
Изборот на Бекер, кој има латиноамериканско потекло и беше и на други позиции, вклучувајќи ја и позицијата државен обвинител, следуваше по притисокот врз Бајден да внесе поголема етничка разновидност во неговиот кабинет, според британската агенција.
Меѓу тие притисоци беа и поплаките на пратеничката група на шпанскиот конгрес за недостиг на Латиноамериканци во федералната извршна власт, додава „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Ураганот на Флорида преврте мали авиони, објавена снимка
Снимките од Флорида сликовито го покажуваат ефектот на разорниот ураган Милтон врз делови од американската држава.
Venice, FL took a wallop from #HurricaneMilton as it rushed ashore on Wednesday evening.
Here’s a look at some of the sights and sounds our field correspondents caught on camera. pic.twitter.com/00El1bQTlA
— WeatherNation (@WeatherNation) October 10, 2024
На видеото се гледа мал авион, кој очигледно бил превртен од силен ветер. Излозите и улиците се преплавени со вода од зголеменото ниво на морето што ги придружува разорните урагани како Милтон.
Свет
Гутереш го назначи Том Флечер за нов шеф на хуманитарната помош на ОН
Генералниот секретар на Обединетите нации Антонио Гутереш го назначи поранешниот британски дипломат Том Флечер за нов шеф на ОН за хуманитарна помош.
Флечер, кој моментално е директор на колеџот Хертфорд во Оксфорд и потпретседател на Советот на универзитетскиот колеџ во Оксфорд, го замени Мартин Грифитс, кој поднесе оставка од функцијата на крајот на јуни поради здравствени причини, пренесе АП.
Заменик портпаролот на ОН, Фархан Хак, кој го објави назначувањето, рече дека вршителот на должноста шеф на хуманитарната помош, Џојс Мсуја, ќе остане на функцијата додека Флечер не ја преземе функцијата.
Свет
Путин го разреши Анатоли Антонов од функцијата руски амбасадор во САД
Претседателот на Русија, Владимир Путин, со указ го разреши досегашниот амбасадор во Соединетите Американски Држави, Анатолиј Антонов, од таа позиција, како и од позицијата постојан набљудувач на Руската Федерација во Организацијата на американските држави.
Како што пренесе Интерфакс, претседателскиот декрет од 10 октомври е објавен на официјалниот интернет портал за правни информации.
Руското Министерство за надворешни работи минатата сабота соопшти дека Антонов ја завршил службата во Вашингтон. Дипломатот беше назначен за руски амбасадор во САД во август 2017 година.