Свет
Бајден: На митингот на Трамп убиен татко што си го штител своето семејство

Пензионираниот шеф на противпожарната служба Кори Комператоре беше убиен при обид за атентат врз поранешниот претседател Доналд Трамп.
„Тој беше татко кој го штитеше своето семејство од испуканите куршуми“, напиша Џо Бајден на својот официјален претседателски профил, оддавајќи му почит на 50-годишниот Кори Комператоре, кој беше на митингот со своето семејство.
Jill and I extend our deepest condolences to the family of the victim who was killed at Donald Trump's rally – he was a father protecting his family from the bullets being fired.
We're also praying for the full recovery of those who were injured.
— President Biden (@POTUS) July 14, 2024
Членовите на семејството го опишаа Комператоре како херој кој загинал штитејќи ги своите ќерки.
„Она што моите драги девојки мораа да го сведочат е непростливо“, напиша неговата сопруга Хелен Комператоре на Фејсбук.
Комператоре беше еден од повеќе од 10.000 луѓе кои присуствуваа на митингот на Трамп во Батлер.
„Митингот на Трамп во Пенсилванија го одзеде животот на мојот брат Кори Комператоре. Омразата на еден човек му го одзеде животот на човекот што најмногу го сакавме“, рекла сестрата на жртвата во објавата.
Според извештајот на Питсбург Пост-Газет, Комператоре претходно служел како началник на волонтерската противпожарна служба на градот Бафало.
Гувернерот Џош Шапиро вели дека наредил знамињата да се спуштат на половина копје во спомен на Комператоре.
Комператоре умре како херој, рече гувернерот. „Неговата сопруга ми кажа дека се фрлил на своето семејство за да го заштити“, рече Шапиро.
Комператоре зад себе ги остави сопругата и двете ќерки.
„Кори беше татко“, рече Шапиро.
„Кори беше пожарникар. Кори одеше во црква секоја недела. Кори ја сакаше својата заедница, а особено го сакаше своето семејство”, додаде тој.
Шапиро го опиша „како страстен поддржувач на поранешниот претседател“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Голем број верници се собраа во Рим за да му оддадат почит на папата: „Тој беше посебен, на сите христијани ќе им недостига“

Голем број граѓани на Италија и од други земји се собраа во базиликата „Света Марија Велика“ во Рим, каде што ќе бидат положени посмртните останки на папата Франциско, за да му оддадат почит на починатиот поглавар на Римокатоличката црква.
На тоа место се собраа голем број медиуми од целиот свет, а има и такви на плоштадот пред базиликата „Свети Петар“, каде што ќе се одржи погребот на папата Франциско в сабота, 26 април.
Меѓу собраните е и Евертон Коелјо од Бразил, кој моментно живее во Германија.
„Вчераутро пристигнавме во Рим. Кога вчера шетавме во градот, ја слушнавме многу тажната вест дека папата Франциско починал. Бевме изненадени и многу тажни. Тој беше харизматичен папа. Беше од Аргентина, Јужна Америка. И ние доаѓаме од Јужна Америка, па затоа чувствуваме дека е уште поблизок до нас. Беше приземен, многу близок до луѓето. Не живееше во замок, живееше едноставен живот“, изјави Коелјо за „Танјуг“.
Коелјо понатаму наведува дека ова е најголемата порака што папата Франциско ја остава зад себе.
„На христијаните многу ќе им недостига. Пред да дојдеме се обидовме да присуствуваме на мисата. За жал, минатата недела добивме порака дека папата нема да може да присуствува и дека ја откажале. А сега кога слушнавме дека нè напушта, многу е тажно“, рече Коелјо.
Друг Бразилец, кој денес беше во Рим, за „Танјуг“ вели дека го памети папата Франциско како едноставна личност, но и како некој што го сака фудбалот.
„Се сеќавам дека папата беше навивач на ‘Сан Лоренцо’ во Аргентина. Папата беше одлична личност за мене“, рече соговорникот.
Жителка од Рим за „Танјуг“ вели дека се сеќава на многу од она што го кажал папата Франциско оценувајќи го како неверојатно.
„Мислам дека ќе биде тешко да се најде замена за него“, рече тој.
Погребот на папата Франциско ќе се одржи в сабота, 26 април, во 10 часот наутро на плоштадот пред базиликата „Свети Петар“.
Претходно денес, беше објавено дека телото на починатиот папа ќе биде однесено во базиликата „Свети Петар“ в среда во 9 часот наутро.
Свет
ММФ: Светската економија значително ќе забави, на САД драстично

Меѓународниот монетарен фонд (ММФ) ги намали своите прогнози за економски раст за 2025 година велејќи дека зголемувањето на царините и општата неизвесност ќе доведат до значително забавување.
Во својата најнова глобална прогноза,ММФ предвидува дека светската економија ќе порасне за 2,8 процента оваа година, што е намалување во однос на претходната проценка од 3,3 проценти.
Најголем пад меѓу развиените економии забележаа Соединетите Американски Држави – сега се очекува раст од 1,8 процент во споредба со претходната процена од 2,7 процента.
Прогнозата за раст за Обединетото Кралство е исто така намалена – од претходните 1,6 процент на 1,1 процент во 2025 година.
Свет
Италија прогласи петдневна жалост за смртта на папата Францискo

Советот на министрите на италијанската влада денес прогласи петдневна национална жалост за смртта на папата Францискo.
Периодот на жалост почнува денес, потврдија владини извори, пренесува „Анса“.
Советот на министрите денес свика вонредна седница за да разгледа неколку прашања, вклучително и прогласување ден на жалост.
Папата Францискo почина во понеделникот во ватиканската резиденција „Санта Марта“ во 7.35 часот наутро од мозочен удар, проследен со кома и неповратен кардиоваскуларен колапс.
Погребот на папата Францискo ќе се одржи в сабота, 26 април, во 10 часот наутро на плоштадот пред базиликата „Свети Петар“, објави „Анса“ повикувајќи се на соопштението од Ватикан.
Телото на папата Францискo моментно е изложено во капелата на резиденцијата „Санта Марта“, каде што тој живееше во текот на 12-те години додека беше на чело на Римокатоличката црква, објави „Ројтерс“.
На плоштадот Свети Петар во Рим, денес, во 19.30 часот, ќе се одржи молитва предводена од деканот на Колеџот на кардиналите, кардиналот Џовани Батиста Ре.