Свет
Бајден патува во Британија, ќе се сретне со Сунак и кралот Чарлс
Американскиот претседател, Џо Бајден, ќе оствари кратка посета на Велика Британија во која ќе се сретне со британскиот премиер Риши Сунак и ќе разговара со кралот Чарлс за климатските промени пред самитот на НАТО.
Белата куќа соопшти дека целта на посетата е дополнително зајакнување на блиските односи меѓу двете земји. Бајден утре ќе ја посети Даунинг стрит за да одржи средба со Сунак, нивна петта во последните неколку месеци и само еден месец откако во Вашингтон се договорија за „Атлантската декларација“ и заедничката работа на напредните технологии, чистата енергија и клучните минерали.
Портпаролот на Сунак рече дека нивните разговори најверојатно ќе го вклучат претстојниот самит на НАТО и Украина.
„Додека се соочуваме со невидени нови предизвици за нашата физичка и економска безбедност, нашите сојузи се поважни од кога било“, рече Сунак во изјавата објавена од неговата канцеларија вчера.
„Обединетото Кралство е водечки сојузник на Европа во НАТО, ние сме најважниот трговски, одбранбен и дипломатски партнер на Соединетите држави и го водиме патот во обезбедувањето на Украина со поддршката што и е потребна за да успее на бојното поле“, рече Сунак.
Сунак се обидува да ги поправи врските со Бајден откако односите се влошија во времето на неговите претходници Борис Џонсон и Лиз Трас поради нивниот цврст став за договорот со Европската унија по Брегзит и поблиските врски на Џонсон со Доналд Трамп.
Бајден ќе го посети и кралот Чарлс во замокот Виндзор западно од Лондон, каде што покојната мајка на монархот, кралицата Елизабета беше домаќин на Барак Обама во 2016 година и на Трамп во 2018 година.
Претседателот и кралот треба да разговараат за климатските прашања, тема на која кралот (74) води кампања повеќе од пет децении.
Кога двајцата се сретнаа на климатскиот самит на ОН COP26 во Шкотска пред две години, Бајден го пофали неговото лидерство по ова прашање, велејќи му: „Многу ни требаш“. „Многу е љубезно од твојата страна да го кажеш тоа“.
По средбата, Бајден и Сунак ќе отпатуваат за Литванија, каде што лидерите на НАТО ќе се соберат на клучниот самит. Потоа се очекува Бајден да отпатува во Хелсинки на средба со нордиските лидери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.