Свет
Бајден: Сè уште е можен прекин на огнот во Газа, САД нема да се откажат
Американскиот претседател Џо Бајден изјави дека прекинот на огнот во Газа е „сè уште можен“ и увери дека САД „не се откажуваат“ од своите напори додека американскиот државен секретар Ентони Блинкен ја почнува својата последна посета на Израел.
Палестинската група Хамас претходно објави дека новиот предлог, кој требаше да ги премости разликите меѓу Израел и палестинската вооружена група во врска со прекинот на огнот во Газа, е премногу близок до позициите на израелскиот премиер Бенјамин Нетанјаху.
Хамас го објави ова неколку часа откако американскиот државен секретар Ентони Блинкен пристигна во Израел во обид да обезбеди прекин на огнот во Газа и договор за ослободување на заложниците, намалувајќи ги надежите за напредок во разговорите.
Хамас доби нов предлог од посредниците Катар, Египет и САД по дводневната рунда преговори во Доха.
„Ние сметаме дека Нетанјаху е целосно одговорен за попречување на напорите за посредување и одложување на договорот, како и одговорен за животите на затворениците кои, како и сите наши луѓе, се под еднаков ризик поради агресијата и систематското таргетирање на сите аспекти на животот во Појасот Газа“, рече Хамас.
Претходно во неделата, Нетанјаху повика на „да се изврши притисок врз Хамас“ и го осуди нивното „тврдоглаво отфрлање“ на договорот за прекин на огнот во Појасот Газа.
„Хамас опстојува на своето одбивање и не испрати ниту свој претставник на преговорите во Доха. Затоа притисокот треба да биде насочен кон Хамас и (неговиот лидер Јахја) Синвар, а не кон израелската влада“, рече Нетанјаху.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Крај на драмата во Шпанија: мажот што ги избоде родителите пренесен во болница
Четириесетгодишен маж, кој се забарикадирал во населбата Сан Адријан во Билбао, откако ги избоде родителите, се фрли од балконот. По падот бил префрлен во затворската болница.
Двете постари лица, родители на дотичниот маж, рано попладне биле пренесени на лекување, пренесе Ел Мундо.
Според шпанскиот портал, мажот за кој се претпоставува дека е на психолошки третман, а кој ги нападнал родителите, а потоа скокнал од балкон, утрово доживеал необична несреќа кога со своето возило паднал од четврти кат на паркингот на аеродромот во Лоиу.
Автомобилот бил пронајден уништен, но возачот исчезнал без трага до моментот на нападот.
Свет
Папата ги критикуваше Харис и Трамп, на католиците им порача: Мора да го изберете помалото зло
Папата Франциско го критикуваше поранешниот американски претседател Доналд Трамп за неговиот план да депортира милиони имигранти и американската потпретседателка Камала Харис за поддршката на правата за абортус.
На прашањето за американските претседателски избори на летот од Сингапур до Рим, папата Франциско рече дека неприфаќањето мигранти е „тежок“ грев, а абортусот го спореди со „убиство“.
Тој рече дека американските католици ќе мора „да го изберат помалото зло“ на изборите во ноември.
Франциско им зборуваше на новинарите по исцрпувачката 12-дневна турнеја низ Југоисточна Азија и Океанија. Иако Папата не ги спомна Трамп и Харис по име, тој посебно се осврна на нивната политика. И покрај тоа што ги критикуваше двајцата кандидати, тој рече дека католиците треба да гласаат на изборите.
„Треба да го изберете помалото зло. Кој е помалото зло? Таа дама или тој господин? Не знам. Секој со совест (мора) да размислува и да го направи тоа“, рече 87-годишниот папа Франциско.
Тој претходно ја критикуваше антиимигрантската реторика на Трамп. Во 2016 година, Папата рече дека Трамп „не е христијанин“ во своите ставови.
А денеска рече дека политиките на двајцата кандидати е „против животот“.
„Без разлика дали е тој што протерува мигранти или тој што убива деца. И двајцата се против животот“, рече папата Франциско.
Регион
(Фото) Грчки нуркачи го чистеа морето кај Солун, пронајдоа „цел возен парк“
Тим од 20 нуркачи волонтери го чистеа брегот кај Солун и извлекоа неочекуван „улов“ од водата: цела флота возила, наведуваат на страницата Никана.гр.
„Дваесет нуркачи волонтери, со помош на други членови на тимот и механизација, го чистеа брегот кај Солун на потегот од Белата кула до првото пристаниште. Како што можете да видите на сликите, „фатен е“ цел арсенал на превозни средства“, скутери, велосипеди, па дури и помали мотори. Им честитаме на волонтерите и секако ги поддржуваме ваквите акции кои придонесуваат за почиста морска средина“, беше наведено заедно со фотографии од местото на настанот.
Многумина беа шокирани, на луѓето не им е јасно како и зошто сето ова се нашло на морското дно, а објавата брзо стана вирална како предупредување за околината.