Свет
Белата куќа објави фотографии од Шји Џјинпинг, кои кинеските медиуми ги кријат
Кинескиот претседател Шји Џјинпинг ретко се појавува во јавноста насмеан, а државните медиуми внимателно го градат неговиот имиџ како исклучително сериозен и строг лидер со години.
Сепак, фотографиите што неодамна ги објави Белата куќа откриваат сосема поинакво лице на кинескиот претседател, лице што кинеските граѓани немаат можност да го видат. Тие се направени за време на самитот на Азиско-пацифичката економска соработка (АПЕК) во Јужна Кореја, каде што Шји се сретна со американскиот претседател Доналд Трамп, објавува „Си-ен-ен.
Додека светската јавност со нетрпение очекуваше како лидерите на двете најголеми економии во светот ќе ги решат несогласувањата за теми, како што се сојата, фентанилот и напредните компјутерски чипови, фотографиите од нивната билатерална средба доловуваат ретки спонтани моменти.

На една од фотографиите, направена во соба полна со дипломати, Трамп посегнува преку масата за да му покаже на Шји парче хартија, чија содржина останува непозната. На друга кинескиот лидер се смее со затворени очи, а министерот за надворешни работи Ванг Ји се смее покрај него.
Само два дена подоцна, Шји ја покажа својата порелаксирана страна за време на размена на подароци со јужнокорејскиот претседател, Ли Џе-Мјунг. Откако доби дрвена табла за древната игра „Го“ од Ли, кинескиот претседател им подари на својот домаќин и на неговата сопруга два паметни телефона „шаоми“. Официјалните лица забележаа дека телефоните имаат екрани произведени во Јужна Кореја, каде што се наоѓаат технолошки гиганти како „Самсунг“ и ЛГ.
🇨🇳🇰🇷 XI GIFTS AND JOKES
President Xi Jinping gifts two “flagship Xiomi phones” to the South Korean president Lee Jae-myung and his wife.
Lee asks: “How is it with security?”
Xi replies: “Check if the phones have a back door”
— Lord Bebo (@MyLordBebo) November 1, 2025
Потоа Ли на шега праша: „Колку е безбедна комуникацијата?“, што предизвика смеа кај публиката. Шји исто така се насмеа и одговори: „Можете да проверите дали има задна врата“.
Шегата се однесува на „задна врата“, скриен начин за пристап до уредот на корисникот без негово знаење, што беше предмет на многубројни обвинувања меѓу Кина и западните земји. Пекинг неодамна изрази загриженост во врска со предлозите на САД за следење на напредните чипови, а западните земји постојано предупредуваа за сајбер-безбедноста на кинеските уреди.
Снимките и фотографиите што го прикажуваат опуштениот Шји во друштво на американскиот и јужнокорејскиот претседател беа невозможно да се најдат на најпопуларните платформи на социјалните медиуми во Кина, „Доуин“ (кинеската верзија на „Тик-ток“) и „Сјаохонгшу“. Само неколку објави од медиуми што работат надвор од Кина се појавија на „Веибо“, платформа слична на X.
Овие објави имаа само неколку коментари иако беа споделени стотици пати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Германија им нуди пари на Авганистанците ако се откажат од доаѓање во земјата
Германската влада им понудила финансиска надомест на Авганистанците кои имаат одобрение за прием во Германија, доколку доброволно се откажат од тоа одобрение за влез во земјата.
Според документот на Германското друштво за меѓународна соработка, понудата се однесува на околу 660 лица кои сега се во Пакистан. Поединци што ќе прифатат, ќе добијат еднократна исплата — 1500 евра во Пакистан и дополнителни 5000 евра како „помош за нов почеток“, но со тоа ќе се откажат од сите идни побарувања кон германската влада.
Министерството за внатрешни работи објаснило дека не може да гарантира навремен завршеток на програмата за прием поради административни пречки и рокови што ги поставила пакистанската влада.
Хуманитарни организации ја осудија понудата, нарекувајќи ја „лоша“ и „недоволна“. Според нив, износот не го покрива ниту дел од трошоците што бегалците веќе ги направиле, а враќањето во Авганистан би значело ризик за нивниот живот под талибанскиот режим.
Во меѓувреме, неколку авганистански семејства што поднеле тужби против германската држава успеале да добијат дозвола за влез и пристигнале во Хановер.
Свет
Италија реагира на изјавата на Захарова за кулите во Рим
Италија денес го повикала заменикот на рускиот амбасадор на разговор во знак на протест поради изјавите на портпаролката на руското Министерство за надворешни работи, Марија Захарова, која го поврзала уривањето на средновековна кула во Рим со италијанската воена помош за Украина.
Романски државјанин загинал откако бил извлечен од урнатините на кула близу Колосеумот, која се срушила вчера. Додека траела спасувачката операција, Захарова на Телеграм напишала дека „додека италијанската влада ги троши парите на своите даночни обврзници за поддршка на Украина, локалната економија и нејзините кули ќе продолжат да се уриваат“.
Шефот на италијанската дипломатија Антонио Тајани ја осудил изјавата, нарекувајќи ја „вознемирувачка и неприфатлива“, додавајќи дека Италија „нема да ја менува својата надворешна политика поради безобѕирни вербални напади“.
Руската амбасада во Рим подоцна изразила сочувство поради смртта на романскиот работник, но истовремено ја обвинила Италија за „агресивна антируска кампања“ во медиумите.
Италија од почетокот на руската инвазија во 2022 година ја поддржува Украина со воена, обука и хуманитарна помош во рамки на напорите на НАТО и ЕУ. Сепак, јавното мислење во земјата останува поделено – поголемиот дел од Италијанците се против руската агресија, но не сите го поддржуваат испраќањето оружје.
Свет
Зеленски: Би сакале Орбан да нè поддржи или барем да не нè блокира
Украинскиот претседател Володимир Зеленски изјави дека би сакал унгарскиот премиер Виктор Орбан да ја поддржи или барем да не ја блокира кандидатурата на Украина за членство во Европската унија.
На форум за проширување на ЕУ во Брисел, Зеленски рече дека „Орбан има што да ѝ понуди на Украина, која во моментов ја брани цела Европа од Русија“.
Процесот за пристапување на Украина во ЕУ, започнат по руската инвазија, е во застој, бидејќи е потребна едногласна одлука од сите 27 членки. Орбан, кој одржува блиски врски со рускиот претседател Владимир Путин, го користи своето вето и смета дека членството на Украина би го „разурнало“ европскиот блок.
Прашњето добива дополнителна тежина во пресрет на претстојните парламентарни избори во Унгарија.

