Свет
Бела куќа: Нема индикации дека Русија се подготвува да употреби атомско оружје

САД не гледаат знаци дека Русија активно се подготвува да употреби нуклеарно оружје во Украина, соопшти во петокот Белата куќа.
„Немаме причина да го прилагодуваме нашиот стратешки нуклеарен став, исто како што немаме индикации дека Русија се подготвува да употреби нуклеарно оружје во блиска иднина“, изјави портпаролката на Белата куќа.
Ова појаснување на Карина Жан-Пјер доаѓа по особено силните изјави на претседателот Џо Бајден во четвртокот, во кои тој оцени дека светот се соочува со опасност од нуклеарен „армагедон“, односно апокалипса, за прв пат од Студена војна.
На прашањето дали оваа поголема загриженост е поврзана со новите разузнавачки информации достапни за Соединетите држави, портпаролката рече „не“, кратко одговарајќи на прашања на новинарите во авионот што претседателот Џо Бајден летал од Вашингтон.
„Не бевме соочени со заканата од „армагедон“ од Кенеди и кубанската ракетна криза“ во 1962 година“, рече Бајден по повод собирањето донации во Њујорк, оценувајќи дека неговиот руски колега Владимир Путин „не се шегува“ кога тој се заканува со атомско оружје.
Од 14 до 28 октомври 1962 година, ракетната криза што Советскиот Сојуз ја постави на Куба и која САД ја открија го држеше целиот свет во неизвесност поради стравот од нуклеарна војна.
Владимир Путин, кој се соочи со силен украински отпор поддржан од западната воена помош, ја спомена употребата на атомско оружје во телевизискиот говор на 21 септември.
Тој рече дека е подготвен да ги искористи „сите средства“ во неговиот арсенал и го обвини Западот дека сака да ја „уништи“ Русија, пренесе н1.инфо.хр.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Аеродромот во Загреб затворен за сообраќај – мал авион слета надвор од пистата

Аеродромот „Фрањо Туѓман“ во Загреб денеска попладне беше затворен за сообраќај поради инцидент со приватен авион кој се излизгал од пистата, пишува Индекс.
Инцидентот се случил околу 15:21 часот, при слетување на приватен авион од типот Cessna 525.
Леталото проклизнало и завршило на тревната површина покрај пистата.
Според информации од авиокомпанијата, авионот бил празен и во инцидентот нема повредени.
Во моментот се преземаат мерки за отстранување на леталото од пистата, а аеродромот останува затворен до понатамошно известување.
Од Аеродромот „Фрањо Туѓман“ се извинија на патниците за доцнењата на пристигнувачките и поаѓачките летови и најавија дека јавноста ќе биде навремено информирана кога сообраќајот повторно ќе биде воспоставен.
Свет
Масовни протести во Шпанија против корупција

Повеќе од десетици илјади луѓе се собраа денес во Мадрид на демонстрации организирани од главната конзервативна опозициска партија, против владата на социјалистичкиот премиер Педро Санчез, обвинувајќи ја за корупција.
Демонстрантите се собраа на Шпанскиот плоштад во центарот на главниот град, велејќи му на Санчез да „поднесе оставка“.
Народната партија го свика собирот откако протечените аудио снимки наводно покажуваат дека член на Социјалистичката партија води кампања за клевета против полициска единица што истражува обвинувања за корупција, во која наводно се вклучени сопругата, братот и поранешната десна рака на Педро Санчез.
Социјалистичката членка ги негираше обвинувањата, кажувајќи им на новинарите дека спроведувала истражување за книгата и дека не работи во име на партијата или на Педро Санчез, а потоа ја напуштила Социјалистичката партија.
Лидерот на Народната партија, Алберто Нуњез Феихо, ја обвини владата за „мафијашки практики“ во аферата, тврдејќи дека Санчез е во центарот на повеќе корупциски скандали.
Народната партија процени дека повеќе од 100.000 луѓе присуствувале на денешниот митинг под слоганот „Мафија или демократија“.
Владин претставник во Мадрид процени дека на демонстрациите имало помеѓу 45.000 и 50.000 луѓе.
Свет
Тропската бура Барбара се формираше покрај брегот на Мексико

Тропската бура Барбара се формираше покрај југозападниот брег на Мексико, соопшти Националниот центар за урагани во Мајами рано утрово. Не се издадени предупредувања за крајбрежна опасност.
Брзината на ветерот беше околу 75 километри на час со повремени силни налети. Се очекува бурата да прерасне во ураган во понеделник.
Во делови од мексиканските држави Гереро, Мичоакан, Колима и Халиско можни се обилни врнежи од дожд од 5 до 10 сантиметри, а на некои места и до 15 сантиметри. Врнежите од дожд можат да доведат до поплави и лизгање на земјиштето.