Свет
Берни Сандерс: Трамп секојдневно го поткопува нашиот устав, тоа е диктатура

Американскиот социјалист, 84-годишниот Берни Сандерс им се обрати на приврзаниците собрани во рамките на неговата кампања „Борба против олигархијата!“
„Не само што се соочуваме со олигархија, туку и со претседател кој буквално секој ден го поткопува нашиот устав. Тоа го загрозува правото на слобода на говор, слободата на собирање. Неговите агенти (Имиграција и царина) во моментов земаат невини луѓе на улица, ги ставаат во неозначени комбиња и ги носат во центри за притвор“, рече тој.
„Луѓе со маски трчаат по луѓе, ги ставаат во камиони“, вели тој, а на социјалните мрежи има бројни видеа за тоа.
„Тоа се случува само во диктатури“, рече поранешниот претседателски кандидат на Демократската партија, Берни Сандерс.
Берни Сандерс во последно време активно учествува во американската политика како сенатор од Вермонт. Иако повеќе не се кандидира за претседателска номинација, тој останува еден од најпрепознатливите гласови на прогресивното крило на Демократската партија.
Продолжува да се залага за универзално здравствено осигурување, зголемување на минималната плата, борба против климатските промени и намалување на економската нееднаквост. Сандерс редовно коментира за актуелните политички настани и поддржува прогресивни иницијативи и кандидати низ САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.