Свет
„Беше фино и мирно девојче“ – трансродовото лице што изврши масакр во Нешвил оставило манифест
![](https://makfax.com.mk/wp-content/uploads/2023/03/masakr-uchilishte-sad.jpg)
Трансродовата жена, Одри Елизабет Хејл, уби три деца и тројца возрасни кога упадна во приватно христијанско училиште во понеделникот утрото.
Лицето што упадна во приватно христијанско училиште во Нешвил во понеделникот наутро, убивајќи три деца и тројца возрасни, е идентификувано како тивка 28-годишна поранешна ученичка по уметност, која некогаш одела во училиштето.
Полицискиот оддел во Нешвил ја идентификува осомничената како Одри Елизабет Хејл, која беше застрелана и убиена од полицајци само 14 минути откако училиштето „Ковенант“ повика полиција да пријави активен пукач. Извор близок до семејството Хејл за „Дејли бист“ во понеделникот вечерта изјави дека Хејл е високофункционална аутистична личност.
„Релативно неодамна таа објави дека е трансродова идентификувајќи се како тој/него“, рекол изворот барајќи да остане анонимен за да избегне понатамошни семејни расправии.
Осомничениот пукал со огнено оружје преку заклучениот страничен влез во училиштето, соопшти полицијата.
Додека полицијата првично го опиша осомничениот како 28-годишна бела жена, профилот на LinkedIn, за кој извор за „Дејли бист“ потврди дека ѝ припаѓа на Одри, вели дека таа користи машки заменки.
Началникот на полицијата во Нешвил, Џон Дрејк, на прес-конференција изјави дека Хејл е трансродова.
При претресот на домот на осомничениот се пронајдени „нацртани мапи на училиштето, со детали за надзорот, влезните точки и слично“, рече Дрејк, како и манифест и некои списи во врска со овој датум, вистинскиот инцидент, како ќе се одвива сето ова.
Внатре во автомобилот што Хејл го возела и паркирала во училишниот кампус во петокот утрото полицајците пронашле дополнителен материјал напишан од Хејл, објави полицијата.
Дрејк рече дека иследниците имаат работна теорија за можниот мотив, но дека не е потврдена. „Ковенант“ беше единственото училиште што беше цел, според Дрејк.
Хејл била вооружена со пушка и пиштоли – и го користела оружјето за да пука низ заклучениот страничен влез во училиштето, рече Дрејк. Двата пиштола се „добиени легално, локално овде“, рече тој.
Мајката на Одри, Норма Форт Хејл, изјави за „Еј-би-си њуз“ дека ѝ е тешко.
„Сега ни е многу тешко, бараме приватност. Навистина не можам да зборувам во моментот, мислам дека денес ја изгубив ќерка ми“, изјавила таа.
Профилот на LinkedIn вели дека Хејл почнала хонорарен бизнис со илустрација и графички дизајн минатата година откако присуствувала на Факултетот за уметност на Колеџот Носи во Медисон, Тенеси. Хејл во „Носи“ ја освои наградата во 2015 година, според веб-страницата на училиштето.
Неколку часа по пукањето, полицијата изврши претрес во куќа на само пет километри од училиштето. Сосетката Сенди Дурам, која е и семејна пријателка на Хејлс, рече дека се познавала со Одри уште од мала.
„Ја познавам Одри, ја познавам од бебе. Само што излегов од тушот кога сето ова почна да се случува. Не знаев ништо повеќе од тоа. Нешто се случуваше во соседството. Тоа е трагично за сите. Слатки деца, кои беа повредени, убиени, пораснати“, изјави таа за „Дејли бист“.
Прашана дали имало знаци на предупредување за Одри Хејл, сосетката рече: „Никогаш. Беше многу слатка. Не знам што се случи. Многу е страшно“.
Соседот Шон рече дека Хејл била „нормална, фина личност“.
„Можеби малку тивка“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Шефот на агенцијата на ОН: Борбите во Газа и Рафа продолжуваат и покрај израелските најави
![](https://makfax.com.mk/wp-content/uploads/2024/04/izraelska-vojska.jpg)
Борбите во градот Рафа и во јужниот дел на Газа продолжуваат и покрај вчерашната најава на израелската армија за тактички паузи во операциите за да се дозволи влез на хуманитарна помош, изјави денеска во Осло шефот на Агенцијата на Обединетите нации за помош на Палестинците (УНРВА).
Израелскиот премиер Бенјамин Нетанјаху вчера ги критикуваше плановите на армијата да воведува дневни прекини на огнот долж еден од главните патишта до палестинската енклава.
Филипе Лазарини, шеф на УНРВА, сепак, рече дека немало пауза. „Имаше информации дека е донесена таква одлука, но политичкото ниво вели дека таква одлука не е донесена“, рече Лазарини на прес-конференцијата.
„Затоа, засега можам да ви кажам дека борбите во Рафа и на југот на Газа продолжуваат и дека оперативно ништо досега не е променето“, додаде тој.
Израелската војска во понеделникот објави дека нејзините сили ги продолжуваат операциите во областа Рафа, кои вклучуваат тесна борба со милитантите и заплена и уништување оружје.
За викендов, армијата најави дневни паузи од 7 до 18 часот во областа од преминот Керем Шалом на југот на Израел до патот Салах ал-Дин, а потоа и понатаму кон северот. Подоцна појасни дека нормалните операции ќе продолжат во Рафа, главниот фокус на неговите операции во јужниот дел на Газа.
Свет
(Видео) Авион на „Боинг“ почна да гори, му откажа моторот, мораше итно да слета
![](https://makfax.com.mk/wp-content/uploads/2024/06/Screenshot-2024-06-17-143908.jpg)
Патнички авион безбедно слета на аеродром во Нов Зеланд откако избувна пожар и откажа еден од моторите, соопшти националната противпожарна служба, пренесува Асошиејтед прес.
Боингот 737-800 на Virgin Australia летал за Мелбурн, Австралија, но на крајот слетал во новозеландскиот град Инверкаргил. Инцидентот можеби е резултат на „удар од птица“, изјави Стјуарт Агс, главен оперативен директор на авиокомпанијата.
Последиците од ударите на птиците варираат по сериозност во зависност од големината на птиците, реакцијата на пилотот и кој дел од авионот бил погоден. Пламенот во авионот бил забележан веднаш по полетувањето од аеродромот во Квинстаун.
A burning plane makes an emergency landing in New Zealand.
People in Queenstown saw flames sparking from the engine of a Boeing 737 as loud explosions were heard after a bird strike incident. pic.twitter.com/jZhpx7M7Kc
— Vexwift (@vexwift) June 17, 2024
Нема дополнителни информации за тоа што се случило во моментот на инцидентот, изјави Кетрин Нинд, портпаролка на аеродромот. Во инцидентот нема повредени. Во авионот имало 67 патници и шест членови на екипажот. Агс најави дека патниците ќе бидат сместени преку ноќ во Инверкаргил и дека ќе се договорат нови летови.
Ова е само последниот во серијата инциденти со авиони Боинг. Вчера се дозна за случајот на 11 април, кога Боинг 737 Макс 8 на Southwest Airlines почна забрзано да паѓа, запирајќи го падот на околу 120 метри над Тихиот Океан.
Свет
Путин оди во посета на Северна Кореја
![](https://makfax.com.mk/wp-content/uploads/2024/06/kim-putin.jpg)
Рускиот претседател Владимир Путин утре и задутре ќе ја посети Северна Кореја, објави Кремљ, а тоа е исклучително ретко патување кое го истакнува сè посилното партнерство на Москва со таа нуклеарна држава.
Во септември минатата година, севернокорејскиот лидер Ким Џонг Ун, за време на неговата посета на Далечниот исток на Русија, го покани рускиот претседател да ја посети неговата земја.
Путин не го посетил Пјонгјанг од јули 2000 година.
„На покана на претседавачот за државни работи на КНДР, Ким Џонг Ун, Владимир Путин ќе престојува во пријателска државна посета на Демократска Народна Република Кореја од 18 до 19 јуни“, се вели во соопштението на Кремљ, во кое се додава дека, по Северен Кореја, Путин на 19 и 20 јуни ќе го посети Виетнам.