Свет
Била жртва на злоставување, а пред смртта го загубила синот – животната приказна на Шинејд О’Конор

Ирската пејачка Шинејд О’Конор почина на 56-годишна возраст. Зад себе остави богата музичка кариера, но и тешка животна приказна од детството до последните денови од животот.
Шинејд О’Конор е родена на 8 декември во Даблин. Во текот на растењето доживеала разни видови на малтретирање, за кои јавно зборуваше.
На тринаесетгодишна возраст, имала погрешен медицински третман поради дијагноза на гранично растројство на личноста. Нејзиниот живот го одбележале бројни кризи, борба со менталното здравје, обид за самоубиство и социјално вклучување, така што како јавна личност, иако и самата се борела со тешките психички состојби, во јавноста им помагаше на оние на кои им беше потребна помош и го сврте вниманието кон важни теми.
„Злоупотребата на децата е, што се однесува до мене, е причина за сите проблеми во светот“, изјави еднаш Шинејд и додаде:
„Доколку детето е малтретирано, тоа ќе реагира на различни начини. Јас се повлеков во себе. Не можев да комуницирам со никого, не можев да учам. Можев да читам и пишувам, но тоа не ме интересираше. Не можев да се изразам“, изјави Шинејд О’Конор пред новинарот Боб Гучионе во интервју за магазинот „Спин“.
Како што еднаш истакна пејачката, таа ги надминала тешките животни периоди „живеејќи во земјата на имагинацијата“.
„Преживеав злоупотреба на секој начин што можете да замислите. Мајка ми беше многу несреќна жена и беше многу, многу насилна и тешко се справуваше со животот, поради очигледните искуства што ги имаше како дете. Таа ме тепаше брутално со кој било предмет со кој можете да замислите да ве тепаат. И гладував, бев затворена во соба со денови без храна, без облека. Морав да спијам во градината во дворот. Целото лето го поминав во градината на мојата куќа“, изјави тогаш Шинејд О’Конор, наведувајќи дека низ истото поминувале и тројцата нејзини браќа и една сестра.
Нејзината мајка ја обвинила за разводот со нејзиниот татко. Била охрабрена да краде од продавница и, ако таа и нејзината сестра се вратат дома со украдени пари и работи, тоа би значело дека нема да бидат претепани.
Во 2018 година, Шинејд О’Конор одлучи да ја промени својата религија, кога премина во ислам. Тогаш пред медиумите рече дека го сменила името во Шухад, и дека е горда на својата одлука.
„Сакам да објавам дека сум горда што станав муслиманка. Ова е природен заклучок за секое интелигентно теолошко патување“, напиша тогаш пејачката на Твитер.
Само 18 месеци пред нејзината смрт, Шинејд О’Конор го погреба својот син Шејн, кој почина на 17-годишна возраст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.