Свет
Бил Гејтс: Пандемијата на коронавирус ќе биде последната што ќе го погоди светот

Американскиот мултимилијардер Бил Гејтс верува дека пандемијата на коронавирус ќе биде последната пандемија што ќе го погоди светот.
Гејтс се обрати на конференцијата ТЕД, каде потсети дека предупредил на пандемија и дека мора да бидеме подготвени за тоа.
– Многу луѓе го гледаа предупредувањето, но 90 проценти откако беше предоцна. Не постои група експерти за превенција од пандемија. Затоа предлагам да се формира Одговор и мобилизација против глобалната епидемија (ГЕРМ).
Таа група би работела само на превенција од пандемија и би била составена од различни експерти. Треба да се состои од 3.000 луѓе, а неговата работа би ја координирала Светската здравствена организација (СЗО) и би функционирала ширум светот – рече Гејтс.
– Би работеле со земјите за зајакнување на здравствените системи кои се на првата линија. Првите 100 дена се клучни, бидејќи вирусот се шири експоненцијално. Во оваа пандемија, да дејствувавме во првите 100 дена, ќе ги спасевме животите на 98 отсто од луѓето кои ги загубија животите – објасни американскиот мултимилијардер.
Тој рече дека треба да дејствуваме пред да стигнеме до фаза кога ни требаат вакцини.
– Потребни ни се вакцини кои ќе бидат ефективни против различни варијанти на вирусот. Треба да се инвестира на три нивоа: во контрола на заразните болести, истражување и развој на овие здравствени системи. Нема да биде евтино, но долгорочно ќе спасува животи и ќе заштеди пари – рече Гејтс и додаде дека ќе чини десетици милијарди долари.
– Да погледнеме наназад низ што поминавме. Меѓународниот монетарен фонд (ММФ) во својата проценка соопшти дека коронавирусот го чинел светот 14 трилиони долари.
На крајот од своето обраќање, тој ги коментираше „теориите на заговор дека е виновен за коронавирус“.
– Фондацијата Гејтс е вклучена во развојот и финансирањето на вакцините, бидејќи спаси животи на милиони луѓе. Иронично е кога некој вели дека користиме вакцини за да убиваме луѓе, да заработиме пари и дека сме предизвикале пандемија – рече Гејтс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Еден загина откако се урнаа два воздушни балони над долината Ихлара, дел од познатата туристичка област Кападокија

Два воздушни балони се урнаа во централна Турција, при што загина најмалку едно лице, а 19 се повредени, јави турската државна телевизија ТРТ.
Загинатиот бил еден од лицата што управувале со балоните.
Несреќата се случила при лет над долината Ихлара, дел од познатата туристичка област Кападокија, која е позната по балонските летови и живописниот пејзаж.
Свет
Израел испрати предупредување за евакуација

Израел започна нови напади насочени кон нуклеарната програма на Иран, а Иран возврати со ракетни напади во кои загинаа најмалку осум лица во Израел, третиот ден од невидена воена ескалација меѓу двете непријателски земји.
Иранскиот министер за надворешни работи се обрати до јавноста. Абас Арагчи рече дека одговорот на Иран на израелските напади бил чин на самоодбрана.
Тој додаде дека израелските напади, кои беа извршени први, не би биле можни без одобрение од САД. Вашингтон, рече тој, треба да ги осуди израелските напади врз нуклеарните постројки на Иран, додавајќи дека разговорите со САД можеле да доведат до договор.
Но, Израел, тврди тој, сакал да ги саботира тие преговори, кои САД ги сметале за клучни за ограничување на нуклеарната програма на Иран. Тој, исто така, изјави дека Иран не сака да ја прошири војната, освен ако не е принуден да го стори тоа.
Портпаролот на израелската војска издаде предупредување за евакуација до сите ирански граѓани во близина на воени објекти. Авичај Адрае објави „итно предупредување до сите ирански граѓани“ на социјалните мрежи.
„Сите лица што моментално или наскоро ќе се наоѓаат во или околу објектите за производство на воено оружје и сродните институции мора веднаш да ги напуштат тие области и да не се враќаат додека не се издаде понатамошно известување“, напиша тој.
Свет
Трамп: Секоја друга земја ги слави своите победи, време е и САД да почне да го прави тоа

Американскиот претседател Доналд Трамп, во говор за време на воената парада во Вашингтон по повод 250-годишнината од основањето на американската војска, ја одбрани својата одлука за организирање на настанот, истакнувајќи дека парадата е прослава на војската, и покрај критиките дека станува збор за личен спектакл поврзан со неговиот 79-ти роденден.
– Секоја друга земја ги слави своите победи. Време е и САД да почне да го прави тоа, рече Трамп.
Тој ја опиша американската војска како „најстариот огранок на најголемата борбена сила што човештвото некогаш ја познавало“ и испрати предупредување до глобалните противници: „Американските непријатели постојано учат – ако го загрозите американскиот народ, нашите војници доаѓаат по вас. Вашиот пораз ќе биде сигурен. Вашиот крај конечен. Вашиот пад целосен и потполн“.
Нашите војници никогаш не отстапуваат, никогаш не се предаваат и никогаш не попуштаат. Тие се борат, борат, борат – и победуваат, победуваат, победуваат, додаде американскиот претседател.
Тој изрази благодарност до припадниците на вооружените сили и ветераните. – Благодарение на нивната извонредна служба и посветеност, 250 години – Америка стои исправено, Америка стои гордо и Америка стои слободно, истакна Трамп.
Парадата, во која учествуваа над 6.000 војници, 150 воени возила и 50 авиони, вклучуваше воздушен спектакл, коњичка единица и завршен падобрански скок со американското знаме пред Трамп.