Свет
Бил Гејтс призна дека во 2016 година го известил Трамп за опасноста од пандемија

Основачот на „Мајкрософт“ и мултимилијардер Бил Гејтс изјави дека се обидел да го предупреди новоизбраниот претседател Доналд Трамп за опасноста од голема пандемија на вирус веднаш по претседателската трка во 2016 година, но истакна дека се чувствува виновен што не го сторил тоа дури и погласно.
„Кога се сретнав со луѓето од врвот во Европа, Соединетите Американски Држави, од светот, избрав да разговарам за овој ризик од пандемија“, изјави тој во интервју за „Волстрит џурнал“ објаснувајќи дека тој му кажал за пандемијата на американскиот претседател за време на состанокот во декември 2016 година во „Трамп тауер“.
„Се чувствувам страшно. Целта на разговорот беше да можеме да преземеме мерки и да ги намалиме штетите. Посакувам да сторев повеќе за да привлечам внимание на опасноста“, рече Гејтс.
Тој вели дека, иако многу светски лидери во принцип се согласиле со неговите совети, малкумина презеле какви било активности за да се подготват, што го натерало самиот да почне да бара потенцијални решенија.
Преку Фондацијата „Бил и Мелинда Гејтс“, основана во 2000 година, технолошкиот претприемач и неговата сопруга обрнаа внимание на голем број здравствени кризи во светот вклучително и финансирање за лекување ебола и за вирусот зика, а сега ги ублажуваат ефектите од Ковид-19.
Фондацијата издвои приближно 250 милиони американски долари за борба против оваа болест, која Гејтс ја нарекува – најдраматична работа во мојот живот, со надеж дека, конечно, ќе се најде вакцина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Путин го свика Советот за безбедност на Русија по разговорите со Трамп

Рускиот претседател Владимир Путин свика состанок на моќниот Совет за безбедност на Русија по телефонскиот разговор со американскиот претседател Доналд Трамп, објавија денес руските новински агенции, повикувајќи се на помошникот на Кремљ, Јуриј Ушаков.
Според Ушаков, Путин детално ги информирал членовите на Советот за безбедност за разговорот со Трамп.
Трамп и Путин се согласија во четврток да одржат уште еден самит за војната во Украина, изненадувачки потег што дојде откако најавата за нова американска воена поддршка за Киев предизвика загриженост во Москва.
Во Русија, Советот за безбедност е клучно тело за донесување одлуки за најважните прашања за националната безбедност на Русија.
фото: принтскрин
Свет
(Видео) Насилни протести против претседателот во Перу: еден мртов, прогласена вонредна состојба

Најмалку едно лице беше убиено, а десетици полицајци беа повредени во широките ноќни протести во Перу против претседателот Хозе Хери, кој ја презеде власта пред само неколку дена, соопшти канцеларијата на народниот правобранител.
Владата ќе прогласи вонредна состојба во главниот град Лима во рок од неколку часа и подготвува пакет мерки за справување со растечката несигурност, изјави премиерот Ернесто Алварез на прес-конференција доцна синоќа.
🇵🇪WATCH:
Visuals from Peru show Gen Z led protests turning violent in front of the Congress building in Lima, with clashes leaving at least one dead and over 70 injured, including police officers.
The demonstrations erupted less than a week after José Jeri took over as interim… pic.twitter.com/xWxkZGJKyP
— Aares (@aares0205) October 16, 2025
Протестот, свикан од демонстрантите од младата генерација Z, транспортните работници и граѓанските здруженија, беше најновиот во серијата демонстрации против корупцијата и растечкиот криминал во земјата што доведоа до драматично соборување минатата недела на поранешната претседателка Дина Болуарте, на која едногласно и беше изгласана недоверба и разрешување од функцијата од страна на перуанскиот Конгрес.
Илјадници демонстранти се собраа низ целата земја, а стотици се судрија со полицијата пред Конгресот во Лима. Полицијата испука солзавец, а некои фрлаа огномет, камења и запалени предмети. „Сите мора да си одат!“ извикуваа демонстрантите додека пристигнуваа во Конгресот и се обидуваа да ги срушат металните бариери што ја штитеа зградата, што доведе до судири.
Едуардо Маурисио Руиз, 32, беше убиен за време на протестот и неговата смрт ќе биде истражена, изјави Фернандо Лосада, портпарол на Канцеларијата на народниот правобранител. Канцеларијата на перуанскиот обвинител соопшти дека Руиз починал откако бил застрелан.
Претседателот го изрази своето жалење за смртта на Руиз во објава на Икс, велејќи дека смртта ќе биде истражена „објективно“. Тој ги обвини за насилството „деликвентите кои се инфилтрирале во мирните демонстрации за да посеат хаос“. „Врз нив ќе биде применета целосната сила на законот“, напиша тој.
фото: принтскрин
Регион
(Видео) На детско игралиште во Белград убиен маж

Едно лице беше убиено синоќа во пукотница на булеварот „Вудро Вилсон“ во Белград на вода, објави РТС.
Докторката Виолета Николиќ од Одделот за итни случаи потврди за РТС дека 35-годишен маж бил застрелан синоќа во 23:13 часот.
„Нашиот тим можеше само да заклучи дека 35-годишниот маж е мртов“, рече д-р Николиќ.
На социјалните мрежи се објавени снимки на кои се гледа телото на убиениот маж на детско игралиште и апсењето на друго лице.
фото: принтскрин