Свет
Би-би-си: Познато е кој ја нападнал американската база во Јордан

Проиранската група наречена Исламски отпор во Ирак ја презеде одговорноста за нападите врз три американски бази и за смртта на тројца американски воени лица, јавува Би-би-си.
Самата група се појави веднаш откако Израел почна да ја бомбардира Газа како одговор на нападот на Хамас врз Израел на 7 октомври.
Се верува дека Исламскиот отпор во Ирак е група за различни шиитски милитанти како Катаиб Хезболах, Нуџаба и Катаиб Саид ал-Шухада, кои имаат долга историја на гаѓање на американските бази во Ирак и Сирија. Поентата на создавањето толку многу групи е да им се отежне на Американците да ги прикачат нападите на одреден виновник, според Би-би-си.
Без разлика, секогаш има вообичаени осомничени за вакви напади, пишува дописникот на Би-би-си. Катаиб Хезболах е една од најтајните и најелитни шиитски милитантни групи кои се во сојуз со Иран од почетокот на конфликтот меѓу Израел и Хамас во октомври. Соединетите Американски Држави веќе ја нападнаа групата неколку пати по нападите врз американските војници.
„Ирачките вооружени групи имаат тенденција љубоморно да ги чуваат своите индивидуални идентитети и заслугите што ги добиваат од нападите, така што нивната подготвеност да ги прикријат тие идентитети, па дури и да ги негираат тврдењата за индивидуален групен напад сугерира дека тие се координирани од повисока сила“, се вели во извештајот на произраелскиот Институт за блискоисточна политика од Вашингтон.
Од нападот на Хамас врз Израел на 7 октомври, милициските групи нападнаа американски воени објекти во Ирак и Сирија најмалку 160 пати со беспилотни летала, ракети, минофрлачи и балистички ракети.
Исламскиот отпор во Ирак објави дека ги започнал нападите како „одговор на масакрите извршени од ционистичкиот ентитет (Израел) врз народот на Газа“ и додаде дека ќе продолжи со напади врз „непријателските упоришта“.
Американскиот претседател Џо Бајден рече дека нападот врз американските војници го извршиле радикални милитантни групи поддржани од Иран и активни во Сирија и Ирак, а министерот за одбрана Лојд Остин додаде дека ќе ги преземе „сите неопходни активности за да ги одбрани САД и американските трупи“. Остин не откри од која земја е извршен нападот.
Портпаролот на иранското Министерство за надворешни работи, Насер Канани, на прес-конференција во понеделникот рече дека милитантните групи не примаат наредби од Иран и дејствуваат независно. Тој исто така рече дека обвинувањата дека Иран го наредил нападот се „неосновани“ и ги обвини Израел и САД за поттикнување нестабилност во регионот.
„Ова е заговор на оние кои ги гледаат нивните интереси во влечење на САД назад во нов конфликт во регионот“, тврди Канани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.