Свет
Блинкен и Столтенберг се уверени дека Турција нема да го кочи членството на Шведска и Финска во НАТО

САД и НАТО изразија уверување дека Турција нема да го одолговлекува членството на Шведска и Финска во Алијансата.
„Убеден сум дека ќе можеме да одговориме на загриженоста што ја изрази Турција и дека нема да има одложување на приемот на нови членки“, изјави генералниот секретар на НАТО, Јенс Столтенберг.
Американскиот државен секретар, Ентони Блинкен, не сакаше да зборува за деталите од разговорите одржани зад затворени врати во Берлин, но изрази став сличен на Столтенберг и изрази уверување дека ќе се постигне консензус бидејќи НАТО е „место за дијалог“.
Претходно, финскиот претседател Саули Нинисто потврди дека неговата земја ќе поднесе барање за членство во НАТО, додека владејачката Социјалистичка партија во Шведска соопшти дека ќе го поддржи барањето на земјата за влез во Алијансата.
Турција во текот на неделата ги изненади сојузниците изразувајќи резерви за членството на Финска и Шведска, а денеска ги претстави своите барања на маргините на состанокот на министрите за надворешни работи на НАТО во Берлин. Анкара соопшти дека сака нордиските земји да престанат да ја поддржуваат Курдистанската работничка партија и да го укинат турското ембарго за оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Вучиќ: Само обединети можеме да одиме напред, да создадеме посилна Србија

Српскиот претседател Александар Вучиќ објави ново видео на својот Инстаграм профил.
Само со обединување можеме да одиме напред, да создадеме посилна и помоќна Србија“, вели претседателот на Србија во описот на видеото.
Свет
Легионерска болест во Париз: во становите се исклучува топлата вода поради ризик

Жителите на три згради во 19-тиот арондисман во Париз не смеат да користат топла вода во изминатиот месец, откако во нивниот систем за топла вода е откриено покачено ниво на бактерија легионела, која предизвикува легионерска болест, објави денеска телевизијата БФМ.
Предупредувањето се однесува на 488 станови, кои оттогаш не смеат да користат топла вода за туширање или одржување хигиена во домаќинствата.
Легионерската болест е сериозна инфекција на белите дробови, која се пренесува на луѓето преку респираторниот тракт, со вдишување на микрокапки и аеросоли од контаминирана топла вода.
Луѓето кои веќе имаат хронична болест, пушачите, лицата со ослабен имунитет и повозрасните се изложени на поголем ризик од инфекција со овие бактерии. Смртноста на пациентите е 5-10%.
Изложеноста на легионела не секогаш води до болест. Секоја година, повеќе од 1.000 патници се заразуваат со оваа болест, но ризикот од легионерска болест во сместувачките капацитети може да се намали.
Легионерската болест се пренесува со вдишување на микроскопски капки вода (аеросоли) кои содржат бактерии од родот Legionella кои живеат во вода и се размножуваат во соодветни услови – во застоена вода на температура од 20 °C до 50 °C. Аеросоли во кои е присутна легионела може да се создадат, на пример, кога тече вода од чешма или туш, кога се создаваат меурчиња во водата во хидромасажни базени или преку некои системи за климатизација.
Температурата на водата помеѓу 20°C и 50°C обезбедува поволни услови за развој на легионела.
Ризични места се: цистерни или резервоари за топла или ладна вода, цевки со мал или никаков проток на вода, бигор, корозија и нечистотија на внатрешните површини на цевките, резервоарите, тушевите и славините.
Симптомите на болеста обично започнуваат два до десет дена по изложувањето, а во ретки случаи, потребни се и до три недели за да се развијат.
Најчести симптоми на болеста се: висока температура, треска, главоболка и болки во мускулите.
После тоа, се појавува сува кашлица и проблеми со дишењето кои можат да прераснат во тешко воспаление на белите дробови, често се јавува дијареа или повраќање, а половина од заболените доживуваат конфузија или делириум. Повеќето пациенти имаат потреба од болничко лекување со соодветни антибиотици.
Свет
Зеленски: Има добри шанси да се стави крај на војната со Русија

Украинскиот претседател Володимир Зеленски денеска изјави дека има добри шанси да се стави крај на војната со Русија, откако Украина и Америка предложија 30-дневен прекин на огнот, на кој Москва рече дека ќе се согласи само доколку се исполнат одредени услови.
Зеленски истакна дека рускиот претседател Владимир Путин ќе се обиде да ги одложи преговорите за прекин на огнот и ги повика Америка и другите сојузници на Украина да извршат притисок врз Русија, пренесува Ројтерс.
По разговорите во Џеда, Украина го прифати предлогот на САД за 30-дневен прекин на огнот, а Путин рече дека начелно се согласува со предлогот, но дека „има нијанси“, пренесува Танјуг.