Свет
Блискиот Исток е жариште што може да експлодира, кажа шефот на европската дипломатија Борел

Треба да се избегне ескалација на судирот на Блискиот Исток и да не се дозволи ситуацијата да стане „експлозивна“, предупреди шефот на европската дипломатија Жозеп Борел по синоќешните американски напади во Сирија и Ирак.
„Сите треба да се обидат да избегнат ситуацијата да стане експлозивна“, одговори Борел на прашањето за американските напади, пред почетокот на неформалниот состанок на министрите за надворешни работи на ЕУ во Брисел.
Зборувајќи за ситуацијата во Газа, јужниот дел на Либан и ударите во Ирак и Сирија, Борел предупреди на ризикот од ескалација.
Блискиот Исток е жариште што може да експлодира. Затоа ги повикуваме сите да избегнуваат ескалација, рече Борел.
САД објавија дека „успешно“ извршиле одмазднички напади против елитните ирански сили и проиранските групи во Ирак и Сирија, а американскиот претседател Џо Бајден предупреди дека нападите ќе продолжат.
Белата куќа повтори дека не сака војна со Иран, но оти ќе реагира во секое време и на секое место каде што ќе бидат загрозени американските сили и интереси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.