Свет
Болница во Пакистан остана без кислород, починале седум пациенти
Седум пациенти починале синоќа во една од најголемите болници во Пешавар, Пакистан, затоа што таа здравствена установа останала без кислород, пренесува агенцијата „Асошиејтед прес“.
Фахрад Кан, портпарол на болницата „Кајбер“, рече дека пациентите починале синоќа кога добавувачот кој ја снабдува болницата со кислород доцнел да го надополни магацинот.
Провинциската влада започна истрага за случајот.
Болницата е втора по големина во Пешавар и ја снабдуваат добавувачи од градот Равалпинди, оддалечен 190 километри.
Болниците во Пакистан се борат да се справат со растечкиот број на лица заразени со коронавирус и губат пациенти за кои немаат кислород.
„Се наоѓаме во критична ситуација која се влошува секој ден со порастот на случаите“, изјави за агенцијата ДПА, Сиде Касиер, главен адвокат на Пакистанското здружение на лекари.
Касиер рече дека болниците се преполни со тешки случаи на Ковид-19.
„Нов пациент добива кревет ако има доволно среќа некој пациент да е отпуштен“, рече тој.
Бројот на потврдени случаи од почетокот на пандемијата во таа земја со повеќе од 220 милиони жители се зголеми на 416.499, а починаа 8.361 лице.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Жителите на Нови Пазар утрово ги разбуди слаб земјотрес, известуваат медиумите во Србија.
Јачината на земјотресот е 2,5 степена според Рихтеровата скала, а е регистриран во 7.37 часот.
Се проценува дека интензитетот на ударот во епицентарот е III-IV од Меркалиевата скала.
Свет
Генералното собрание на ОН би требало да ја поддржи кандидатурата на Палестина за членство
Генералното собрание на Обединетите нации денеска треба да ја поддржи палестинската кандидатура за полноправно членство во ОН со тоа што ќе ја признае како квалификувана за членство и ќе го испрати барањето назад до Советот за безбедност на ОН „да го преиспита прашањето во корист на Палестинците“.
Палестинците ја оживуваат својата кандидатура за полноправно членство во ОН, кое декларативно би ја признало палестинската држава, откако САД ставија вето во 15-члениот Совет за безбедност на ОН минатиот месец.
Гласањето на Генералното собрание од 193 члена се смета за испитување на светското мислење за палестинското прашање. Барањето за полноправно членство во ОН прво мора да биде одобрено од Советот за безбедност, а потоа и од Генералното собрание.
Но, иако самото Генерално собрание не може да даде полноправно членство во ОН, нацрт-резолуцијата за која се гласа денеска ќе им даде на Палестинците некои дополнителни права и привилегии од септември 2024 година, како што е место меѓу членките на ОН во собраниската сала, но тие нема да имаат право на глас во телото.
Дипломатите велат дека нацрт-текстот најверојатно ќе ја добие поддршката потребна за усвојување.
Свет
Двајца скијачи загинаа во лавина во САД, третиот успеал да се ископа од снегот
Откако вчера започна лавина во планините покрај Солт Лејк Сити, Јута, двајца скијачи загинаа, додека властите успеаја да спасат трет со хеликоптер.
Несреќата се случила во близина на Лон Пик, каде неодамна паднаа над 76 сантиметри снег. Центарот за лавина во Јута (UAC) ја потврди смртта на двајца мажи. Спасувачите досега не можеа да стигнат до нивните тела поради небезбедни услови. Центарот наведува дека фаталните лавини се ретки во овој период од годината.
Спасувачите со хеликоптер стигнале на местото на несреќата во кањонот Литл Котонвуд и потврдиле дека двајца скијачи загинале, пишува Би-би-си.
Третиот скијач успеал да се ископа од лавината и бил пренесен во болница. Имињата на загинатите мажи се уште не се објавени, но станува збор за скијачи на возраст од 23 и 32 години. Едниот бил од Јута, додека другиот пристигнал да скија од друга американска држава.