Свет
Бомбардиран воен аеродром во Сирија, има и жртви

Сирискиот воен аеродром Тајас, кој се наоѓа во близина на градот Хомс, утрово е бомбардиран, објавија државните медиуми, пренесе Би-Би-Си. Ракетирањето се случува по наводниот хемиски напад, во кој загинаа стотици луѓе, меѓу кои и деца и жени. Според информациите, во нападот има и загинати и повредени.
Официјален Дамаск, за денешниот напад, веднаш ги обвини САД, кои заедно со Франција се заканија дека ќе возвратат на хемискиот напад. Американскиот претседател, Доналд Трамп им се закани на Русија и Сирија дека ќе платат висока цена за хемискиот напад во Дума, во регионот на источна Гута. Тој го нарече животно, сирискиот претседател, Башар ал Асад.
Many dead, including women and children, in mindless CHEMICAL attack in Syria. Area of atrocity is in lockdown and encircled by Syrian Army, making it completely inaccessible to outside world. President Putin, Russia and Iran are responsible for backing Animal Assad. Big price…
— Donald J. Trump (@realDonaldTrump) April 8, 2018
….to pay. Open area immediately for medical help and verification. Another humanitarian disaster for no reason whatsoever. SICK!
— Donald J. Trump (@realDonaldTrump) April 8, 2018
Во меѓувреме, бунтовниците во Дума се предадоа и беа извлечени од енклавата откако постигнаа договор со сириската влада. Претседателите на САД и Франција, Доналд Трамп и Емануел Макрон, вчера во заедничка изјава, се заканија со заеднички и координиран одговор по наводниот хемиски напад. Сепак, американските власти ги отфрлија обвинувањата за вмешаност во денешното ракетирање во Сирија.
„Во овој момент, Министерството за одбрана не изврши напад во Сирија. Ние и натаму ќе продолжиме да ја следиме ситуацијата и ќе продолжиме со дипломатските напори во спречување на оние кои користат хемиско оружје во Сирија и на други места“ соопшти Пентагон.
И Франција ги негира обвинувањата за вмешаност во денешниот напад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.