Свет
Бомбашки напад во Мексико, најмалку шест загинати

Најмалку шест лица загинаа, а дванаесет се повредени во серија бомбашки напади насочени кон безбедносните сили во близина на мексиканскиот град Гвадалахара.
Мексиканските власти објавија дека осум рачно изработени експлозивни направи биле поставени на пат во државата Халиско, од кои седум експлодирале додека минувал полициски конвој. Загинаа четворица полицајци и двајца цивили, а повредени се 12 лица, меѓу кои три деца на возраст од 9, 13 и 14 години.
„Тоа е нешто што никогаш порано не сме го виделе овде“, рече гувернерот на Халиско, Енрике Алфаро, кој е на чело на една од најнасилните држави во Мексико со 1.095 убиства и 750 исчезнувања од почетокот на годината.
Гувернерот го осуди, како што рече, бруталниот терористички чин што претставува предизвик за целата мексиканска држава, а за овој чин обвини неименувана група за шверц на дрога. Во Мексико, навикнат на насилство, нападите со експлозиви сè уште се релативно ретки.
Главниот обвинител на државата Халиско, Луис Мендез, изјави дека експлозиите биле толку силни што оставиле кратери на патот и уништиле најмалку четири возила.
Сојузната држава во која се случија експлозиите е дом на групата за шверц на дрога Халиско нова генерација, моќна организација, која често се судира со други криминални групи. Групата Халиско беше обвинета и за претходни напади со помош на импровизирани експлозивни направи и дронови со бомби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Украинците објавија снимка: „За прв пат погодивме два руски воени хидроавиони“

Украинските сили за прв пат соборија два руски амфибиски авиони Бе-12 Чајка на окупираниот Кримски полуостров, објави утрава украинската воена разузнавачка служба (ХУР).
Нападот е извршен на 21 септември од страна на специјална единица на ХУР наречена Примари, се вели во соопштението. Објавено е и видео од нападот.
❗️For the first time in history, Prymary of the Ukrainian Defense Intelligence burned down two Russian Be-12 Chayka anti-submarine aircraft on the territory of Russian-occupied Crimea.
The Chayka aircraft are equipped with expensive equipment to identify and combat submarines.… pic.twitter.com/nAZsbz8WRf
— Anton Gerashchenko (@Gerashchenko_en) September 22, 2025
„Ова е првиот напад врз Бе-12 во историјата“, соопшти агенцијата. Бе-12 Чајка, советски амфибиски авион познат под НАТО ознаката „Mail“, е специјализиран за борба против подморници и е опремен со системи со висока вредност за откривање и уништување подморници.
Одделно, ХУР тврди дека украинските војници собориле и руски хеликоптер Ми-8. Еден ден претходно, истата агенција објави дека уништила три руски хеликоптери Ми-8 и радарска станица во Крим.
фото: принтскрин
Регион
Полуостровот Атос во Грција рано утрово погоден од четири земјотреси

Полуостровот Атос во Грција рано утрово беше погоден од четири земјотреси, од кои најсилниот беше 5,0 степени според Рихтеровата скала, објави Европско-медитеранскиот сеизмолошки центар (EMSC).
Како што е наведено, епицентарот на земјотресот бил на отворено море, на длабочина од пет километри, околу 10 километри јужно од манастирот Хиландар.
Засега нема извештаи за повредени или материјална штета.
Не е издадено предупредување за цунами.
Според изјавите на очевидци од веб-страницата на EMSC, земјотресот бил силно почувствуван во Неа Рода, на островот Амуљани и во Сарти.
Фото: принтскрин
Свет
Кир Стармер под притисок поради надворешната политика што ги фаворизира Русија и Кина

Британскиот премиер Кир Стармер се најде на удар на критики поради како што се оценува погрешните потези што водат до слабеење на меѓународното влијание на Лондон во Обединетите нации. Весникот „Дејли експрес“ ги објави наодите на Меѓупартискиот комитет за надворешни работи, во кои се предупредува дека сегашната влада несвесно им прави услуга на Русија и Кина.
„Владата на Сер Кир Стармер е предупредена дека Велика Британија им дава „подарок на Кина и Русија“ со ослабување на влијанието на земјата во Обединетите нации“, се истакнува во извештајот што го цитира овој британски дневен весник.
Комитетот предупредува дека недоследноста во надворешната политика, како и обидите да се задоволат одредени меѓународни актери, можат трајно да ја намалат дипломатската сила на Велика Британија. Ваквите случувања, се додава, директно им користат на Москва и Пекинг, кои со години се обидуваат да ги зајакнат своите позиции во глобалните институции.
Според анализата, ваквите чекори можат да имаат далекусежни последици врз способноста на Велика Британија да влијае врз одлуките на Советот за безбедност и другите тела на ОН, во кои интересите на Западот и евроазиските сили се повеќе се судираат.
Фото: принтскрин