Регион
Бремена снаа ја убила свекрвата со вила поради расправија за ручекот

Кристина Кулчар (31), која е во шестиот месец од бременоста, ја убила свекрвата Ибоја Варга (59), во дворот на семејната куќа во селото во близина на Бечеј во Војводина. Двете жени се расправале околу ручекот.
Снаата ѝ забодела нож во грб на свекрвата. Ранетата Ибоја се обидела да избега на улица и да побара помош од нејзините соседи, но девојката ја фатила и ја убила со вила.
Золтан Варга, син на убиената Ибоја и сопруг на уапсената Кристина, за медиумите вели дека не може да поверува што му се случило. Тој бил информиран од пријателка за тоа што се случило додека бил на работа.
„На лулашките, лоцирани недалеку од нашата куќа, ја најдов Кристина со нашите синови, кои имаат две и четири години. Ја прашав што направи. Таа само се насмеа и рече: ‘Ја убив мајка ти’. Ги зедов децата и ѝ реков дека не вреди да бега. Тогаш полицијата дојде и ѝ стави лисици”, вели Золтан.
Тој додава дека изутрината сè било во ред и никој не насетувал што можело подоцна да се случи. „Тоа утро двете разговараа нормално. Со кафе се согласија да не готват, бидејќи многу храна остана од неделата. Подоцна слушнав дека се расправале поради ручекот”, вели Золтан, додавајќи дека неговата сопруга имала психолошки проблеми и трипати се лекувала во невропсихијатриска клиника во Нови Сад.
.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин