Свет
„Брејтбарт“: Иднината на Израел зависи од реизборот на Доналд Трамп
Не е претерување да се каже дека ако Хилари Клинтон победеше на изборите во 2016 година, а американската политика кон Израел продолжеше во насоката што ја водеа претседателот Барак Обама и потпретседателот Џо Бајден, Израел ќе се соочуваше со растечка терористичка закана на секоја граница, неизбежна опасност од војна со Иран и можност за дипломатска изолација и осакатувачки бојкоти од меѓународната заедница, пишува „Брејтбарт“.
Претседателот Трамп го смени сето тоа – драматично.
Трамп го посети Западниот ѕид во 2017 година станувајќи првиот претседател на САД што го стори тоа и потврдувајќи ја еврејската врска со Ерусалим откога Обама дозволи Советот за безбедност на ОН да донесе резолуција со која се прогласува за незаконско присуството на Израел во Стариот град. Се шпекулира дека Бајден лично лобирал во Украина за поддршка на резолуцијата.
Подоцна истата година Трамп го почна процесот на преместување на американската амбасада во Ерусалим признавајќи го како главен град на Израел. Кога во мај 2018 година официјално беше отворена новата амбасада, Институтот за надворешна политика предвидуваше дека другите амбасади ќе бидат цел на терористи, а САД ќе ја изгубат дипломатската моќ во регионот.
Ништо од тоа не се случи и кога Трамп го призна израелскиот суверенитет над Голанската Висорамнина. Наместо тоа, стоејќи цврсто до Израел, Трамп демонстрира дека САД ќе ги поддржат своите регионални сојузници.
Денес, Израел ужива мир и нормализирани односи со сè поголем број арапски држави, особено ОАЕ и Бахреин. Трамп исто така ја намали заканата од терор кон Израел кратејќи ги средствата што ги поддржуваа палестинските терористи.
Хамас, кој трипати влезе во војна против Израел по изборот на Обама (2008, 2012 и 2014 година), беше релативно тивок. ИД, која некогаш му се закануваше на Израел на северот, беше збришана од САД во Сирија. И Хезболах, на кој Обама му помогна дозволувајќи му да пере пари преку криминал, е сè понепопуларен во Либан по масовната експлозија во Бејрут во август.
Најважно од сè, Трамп се повлече од иранскиот нуклеарен договор, што ќе му овозможеше на Иран да стане нуклеарен вооружен режим по речиси една деценија, дури и ако Иран ги почитуваше условите.
Како што покажа израелскиот премиер Бенјамин Нетанјаху, користејќи украдени досиеја од Иран, режимот ја продолжил својата нуклеарна програма и покрај договорот. Иран исто така продолжи да развива нуклеарни балистички ракети и користеше милијарди средства од договорот за финансирање на своите воени операции.
На местото на договорот Трамп повторно воведе строги економски санкции за Иран, кои го доведоа режимот до работ на колапс.
Трамп исто така им помогна на американските Евреи во борбата против антисемитизмот, особено преку извршната наредба што им овозможува на Евреите да уживаат во целосната заштита на законите за граѓански права. Денес, Израел стои на прагот на новата ера на мир и просперитет.
Ако Трамп биде реизбран, Иран ќе остане под силен притисок. Повеќе арапски држави ќе склучат мир со Израел. И Палестинците ќе треба да го изберат патот на мир наместо да се залагаат за антиизраелска демократска администрација.
Ако победи Бајден, тој ќе ја врати неуспешната политика на дистанца кон Израел. Неговите советници за надворешна политика ги вклучуваат истите луѓе што посредуваа во договорот со Иран; неговиот преоден тим вклучува демократи, кои отворено се заканија дека ќе ја намалат помошта за Израел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Москва: Европа го блокира мирот и поттикнува војна во Украина
Неонацистичкиот режим во Киев продолжува со нападите врз цивилни објекти, тероризирајќи го мирното население на Русија, изјави Марија Захарова, портпаролка на Министерството за надворешни работи на Русија, на денешниот брифинг за медиумите.
Таа истакна дека во текот на изминатата недела, како резултат на украинските напади, 113 руски граѓани претрпеле последици, од кои 19 биле убиени – меѓу нив и едно дете. 94 лица биле повредени, вклучувајќи десет деца.
Захарова изјави дека руските повици за мирно решавање на украинската криза со елиминирање на нејзините причини наидуваат на сè поголемо разбирање меѓу странските лидери и политичари, и дека претставниците на земјите од Глобалниот Југ и Исток континуирано покажуваат поддршка за Москва.
„Во исто време, се слушаат оправдани критики против земјите од ЕУ, кои го спречуваат процесот на преговори и со сета своја сила поттикнуваат понатамошна ескалација на конфликтот“, додаде таа.
Како што наведува, таков став неодамна изрази, меѓу другите, премиерот на Унгарија Виктор Орбан, членката на Претставничкиот дом на Конгресот од редовите на републиканците Ана Паулина Луна и многу други.
Регион
Вучиќ: Најмоќните сили сакаат да ни ја украдат територијата, во следните 10 дена ќе имаме нешто што ќе ги направи среќни
Српскиот претседател Александар Вучиќ денес се обрати до јавноста од Самарканд, каде што присуствуваше на отворањето на 43-та сесија на Генералната конференција на УНЕСКО.
Тој изјави дека разговарал со претседателот Пелегрини за европскиот пат на Србија, но и за билатералните односи, за кои верува дека можат да се подобрат.
Вучиќ, исто така, изјави дека е многу важно што Генералната конференција на УНЕСКО за прв пат се одржува надвор од Париз, честитајќи им на домаќините за организацијата.
Кога станува збор за средбата меѓу Трамп и Џјинпинг, Вучиќ очекува работите да почнат да се менуваат дури од јануари.
„И јас тогаш реков дека е важно Кина да се вклучи бидејќи без неа е тешко да се постигне голем договор. Мислам дека е добро за светот. За нас е важно што помина добро, а не ни треба ни да ги знаеме сите важни детали. Имаме многу добри односи со Кина и би рекол дека се обидуваме да изградиме подобри односи и со Америка“, рече Вучиќ.
Во врска со веста дека Сирија го признала Косово, тој рече дека тоа била очекувана вест.
„Ја зачувавме нашата позиција во УНЕСКО и позицијата на меѓународното јавно право. Веста дека Сирија го призна Косово беше очекувана и сега разбираме колку ни значеше слободарскиот пристап на Башар Ал Асад кога беше на власт. Јасно е кога доаѓа некој што е под огромно влијание на една од клучните земји во регионот, како што е Турција. Тоа е истиот ракопис како минатата година од Анталија. Го повикаа нашиот министер за надворешни работи, немаа време за билатерален, а потоа Судан ја призна независноста на Косово“. Добиваат наредба и се однесуваат соодветно, но бидејќи гледам дека се премногу среќни, ќе имаме нешто да им угодиме во следните 10 дена. Ова е маратон, а не трка на 50 метри“, рече Вучиќ, пренесуваат медиумите во соседството.
Свет
Џ. Д. Венс се надева дека неговата сопруга ќе стане христијанка
Потпретседателот на САД, Џ. Д. Венс, рече дека се надева оти неговата сопруга Уша, која е хинду, еден ден ќе стане христијанка. Тој ја сподели својата лична желба за време на говорот на настан за конзервативната организација Turning Point USA на Универзитетот во Мисисипи, објави „Њузвик“.
„Се надевам дека таа го гледа евангелието на ист начин“, рече тој.
Венс им откри на присутните дека неговата сопруга веќе го следи во црква, иако не е христијанка. „Сега, повеќето недели, Уша доаѓа во црква со мене“, рече потпретседателот.
Потоа јасно ги искажа своите очекувања. „Како што ѝ кажав и јавно изјавив, а ќе кажам и сега пред 10.000 мои најблиски пријатели: Дали се надевам дека на крајот ќе биде трогната од истото тоа што мене ме трогна во црква? Да, искрено се надевам. Бидејќи верувам во христијанското евангелие и се надевам дека мојата сопруга на крајот ќе го гледа на ист начин“.
Сепак, тој бргу додаде дека ја почитува нејзината одлука, каква и да била. „Но, ако не, тогаш Бог вели дека секој има слободна волја, па тоа не е проблем за мене“, заклучи тој.
Митингот на кој зборуваше Венс беше посветен на чествувањето на убиениот конзервативен активист Чарли Кирк, а присуствуваше и неговата вдовица Ерика.
Фото: ЕПА

