Министерот за внатрешни работи на Обединетото Кралство, Саџид Џавид, е подготвен цеосно да ја криминализира либанската терористичка група Хезболах, спонзорирана од Иран, изјави висок извор од британските конзервативци. Според извештајот во „Џуиш кроникл“, Џавид ќе преземе одлучна акција по маршот на Ал-Кудс минатиот викенд во Лондон, на кој еднаш беа развеани терористичките знамиња на Хезболах.

Хезболах е нелегална антисемитска организација, означена во целост како терористичка организација од страна на Арапската лига, Бахреин, Канада, Франција, Израел, Австралија, Холандија и од САД. Но, Европската Унија, како и Обединетото Кралство, прават разлика меѓу военото и политичкиото крило на групата барајќи да се криминализира само првото.

„Саџид е многу поинаква ѕверка од онаа што министерот за внатрешни работи тукушто ја замени. Амбер Руд постојано зборуваше за преземање акција против Хезболах, но од некоја причина не можеше да се обиде да направи нешто. Саџид вети дека ќе преземе одлучна акција за ова прашање“, изјави изворот од ториевците.

Според извештајот на „Џуиш кроникл“, пратеничката Џоан Рајан, претседател на лабуристичките пријатели на Израел, по митингот, му пишала на Џавид да му каже дека е вчудовидена што владата треба повторно да дозволи овој фестивал на омразата инспириран од Иран да се одржи на улиците на Лондон.

„Не успеав да разберам зошто Министерството за внатрешни работи не ги послуша повторените предупредувања од пратениците на лабуристите од градоначалникот на Лондон изминатата година. Денес побарав итна средба со министерот за внатрешни работи за да разговарам за ова прашање“, вели таа во писмото.

Повиците беа направени пред маршот на Ал-Кудс за владата да го забрани стандардниот настан на Хезболах, но реакцијата беше придушена. Командирот на метрополитенската полиција, Џејн Конерс, изјави дека и таа и комесарката Кресида Дик се загрижени оти подигнувањето на антиизраелското знаме на улиците на Лондон може да се толкува како чин на терористичка организација.

„Развевањето знаме не мора да поттикнува верска или расна омраза. Зборовите и постапките на лицето што го држи знамето може да ја поттикнат омразата“, вели таа.