Свет
Британија ќе ослободи 40 отсто од затворените терористи до крајот на годинава
Повеќе од 40 отсто од терористите осудени и затворени во изминатата деценија ќе се вратат на улиците во Британија до крајот на 2018 година откако отслужија прилично лесни казни, пренесува британски „Дејли експрес“.
Податоците собрани од страна на Советот за изрекување казни и анализирани од левичарскиот либерален „Гардијан“ покажуваат повеќе од 80 од 193 затворски казни изречени за тероризам во периодот од 2007 и 2016 година што ќе завршат до крајот на годината, но вистинската бројка може да биде многу поголема бидејќи британскиот затворски систем автоматски ги помилува криминалците кога ќе ја издржат половина од казната.
Така, на пример, проповедникот на радикалниот ислам, Анџем Чудари, беше затворен на пет и пол години поради повикот муслиманите да ја поддржат Исламската држава во септември 2016 година, но, всушност, ќе биде меѓу 80-те терористите ослободени до крајот на годинава.
„Терористичките затвореници пуштени на условна слобода ги оптоваруваат ресурсите и на специјалистичките противтерористички детективи и на стандардната полиција. Процесот на управување со ризици се користи за следење на оние што се на условна слобода, а следењето на високоризичните престапници е исклучително интензивно. Поранешните осудени терористи претставуваат загрижувачки ризик за МИ5 и за контратерористичкото полициско работење. Разузнавањето често е недоволно за да се утврди дали тие повторно имаат намера да го извршат делото. Оние што имаат намера да го повторат делото често се притајуваат извесен период по ослободувањето кога знаат дека се под засилен надзор,“ вели Ричард Волтон, кој пет годинија водеше антитерористичката команда на Скотланд јард.
„Напо“, синдикатот на службениците за условна слобода, исто така изрази загриженост поради капацитетот на нејзините членови за адекватно следење на напливот од поранешни терористи што излегуваат од затвор и се мешаат со пошироката јавност.
„Нашите служби се презафатени и немаат доволно вработени што резултира со огромни притисоци врз нив за да извршат исклучително предизвикувачка работа“, предупреди генералниот секретар на „Напо“, Јан Лоренс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Поплави во Драч: евакуирани 180 лица, поплавени околу 800 домови
Министерот за одбрана на Албанија Пиро Венгу го свика Комитетот за цивилни вонредни ситуации за регионот Драч поради поплавите, каде состојбата е најкритична. Според него, поплавени се околу 800 домови, а 180 лица се евакуирани.
Венгу информира дека сите надлежни структури се на терен и дека состојбата континуирано се следи, додека опасноста сè уште не е помината. Институтот за геолошки науки предупреди дека и денеска се очекуваат интензивни врнежи од дожд, со можност за дополнително зголемување на поплавите.
Фото: илустрација (ЕПА)
Свет
Русија нудела размена на Венецуела за Украина, тврди поранешна советничка на Трамп
Уште во 2019 година, руски функционери наводно му сигнализирале на Вашингтон дека се подготвени за необичен договор: ќе им дозволат на САД слободно дејствување во Венецуела, доколку за возврат им се овозможи непречена контрола над Украина. Ова го тврди Фиона Хил, поранешна советничка на Доналд Трамп, која повторно се најде во фокусот на јавноста по неодамнешниот американски напад врз Венецуела, пишува „Киев индипендент“.
Фиона Хил, тогашна главна советничка на Белата куќа за Русија, ги изнела овие детали за време на сведочењето пред Конгресот во ноември 2019 година, во рамки на истрагата за импичментот на претседателот Трамп. Според неа, Кремљ во април истата година ја изнел можноста да се откаже од своето влијание во Венецуела, во замена за целосна контрола над Украина.
Руски функционери, како што навела Хил, „многу силно сигнализирале дека сакаат некако да направат многу чуден договор за размена меѓу Венецуела и Украина“. Иако предлозите од Москва биле „неформални“, пораката била недвосмислена: „Знаете, вие ја имате вашата Монро доктрина. Нè сакате надвор од вашиот двор. Па, знаете, и ние имаме наша верзија на тоа. Вие сте во нашиот двор во Украина“. Хил додала дека била испратена во Русија за да го отфрли тој предлог.
Свет
Би-би-си: Европските лидери стравуваат да не ја изгубат поддршката на Трамп поради Гренланд
На состанокот на таканаречената „Коалиција на подготвените“ во Париз, посветен на мировниот план за Украина, во фокусот неочекувано се најде зголемената тензија околу Гренланд, кој американскиот претседател Доналд Трамп сака да го стави под контрола на САД, пишува Би-Би-Си.
Иако украинскиот претседател Володимир Зеленски тврди дека планот за мир е „90 отсто завршен“, европските лидери избегнувале директна конфронтација со Трамп, стравувајќи од губење на американската поддршка. По заедничка изјава на шест европски земји дека иднината на Гренланд треба да се решава колективно во рамки на НАТО и дека одлуката ѝ припаѓа на Данска, Белата куќа возврати дека „разгледува низа опции“, вклучително и купување на островот.
Дополнителна загриженост предизвика изјавата дека употребата на американската војска „секогаш е опција“. Европските лидери предупредуваат дека ваквите закани ја доведуваат во прашање довербата во трансатлантскиот сојуз и ја откриваат слабоста и поделеноста на Европа. Според експерти, ситуацијата околу Гренланд претставува сериозен тест за ЕУ и егзистенцијална дилема за НАТО.
Фото: Depositphotos

