Свет
Британското разузнавање открило фабрика за бомби на Хезболах во Лондон

Британските разузнавачки агенции заплениле тони експлозивни материјали поврзани со либанската милитантна група Хезболах на голем број имоти на периферијата на Лондон, пренесува „Дејли телеграф“.
Весникот вели дека британската домашна разузнавачка служба МИ5 соработувала со полициските сили за да изврши четири рации на имоти во северниот дел на Лондон, при што заплениле три тони амониум нитрат, честа состојка што се користи во домашните бомби.
Во извештајот се забележува дека количеството откриен амониум нитрат е поголемо од она што го користел Тимоти Меквј во бомбашкиот напад во Оклахома Сити во 1995 година, во кој загинаа 168 лица.
За време на рацијата еден човек во четириесеттите години бил уапсен под обвинение за тероризам, но подоцна бил ослободен бидејќи заговорот бил прекинат од тајната операција на разузнавачки операции. Идентитетот на човекот се чува во тајност како и целата операција, која се случила во 2015 година, но обелоденета е дури сега.
Извештајот на „Дејли телеграф“, сепак, шпекулира дека британската влада останала нема во врска со инцидентот за да помогне во одржување на нуклеарниот договор во 2015 година, кој беше потпишан со главниот поддржувач на Хезболах, Иран.
„Тоа покренува прашања за тоа дали високи претставници на британската влада избрале да не го откриваат заговорот делумно затоа што тие биле позаитересирани за зачувување на нуклеарниот договор со Иран”, се прашува весникот.
Според извештајот, тогашниот премиер Дејвид Камерон и тогашниот министер за внатрешни работи, Тереза Меј, биле лично информирани за она што било откриено во имотите на периферијата на Лондон бидејќи тоа укажувало на голема терористичка закана за Велика Британија. Бен Валас, министерот за безбедност на Обединетото Кралство, се обиде да објасни зошто инцидентот намерно се чувал во тајност од јавноста.
„Службата за безбедност и полицијата неуморно работат за да ја одржат безбедноста на јавноста од бројни безбедносни закани. Често е потребно нивните напори и успеси да останат непознати за јавноста”, рече тој.
Иако голем број британски медиуми тврдат дека британската разузнавачка служба добила дојава од странска земја, „Џерусалем пост” е многу поексплицитен, велејќи дека израелски официјални лица потврдиле оти Мосад стои зад дојавата.
„Дејли телеграф“ забележува како лондонскиот заговор може да едел од поширока агенда на Хезболах за воспоставување глобална структура за напад, на што укажуваат и осуетените операции на Хезболах на Тајланд, Њујорк и Кипар. Сите три плана биле откриени во јавноста, а се верува дека таргетирале разни израелски интереси.
Оваа вест станува централна по одлуката на британската влада за ставање на црната листа на политичката крило на Хезболах, кое се наоѓа во либанскиот парламент, како нелегална терористичка организација во февруари 2019 година, откако со години се разликуваше од военото крило на групата.
Во однос на таа одлука, британскиот министер за надворешни работи, Џереми Хант, рече дека Велика Британија сега верува дека не постои никаква разлика меѓу политичкото и военото крило на Хезболах.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Израел со одговор на Британија: Промената на ставот го наградува Хамас и им штети на мировните напори

Министерството за надворешни работи на Израел реагираше на најавата на Велика Британија дека ќе ја признае Палестина доколку Израел не преземе конкретни чекори кон прекин на конфликтот во Газа и обновување на мировниот процес што води кон решение за две држави.
„Промената на ставот на британската влада во овој момент, по францускиот потег и внатрешниот политички притисок, претставува награда за Хамас и им штети на напорите за постигнување прекин на огнот во Газа и рамка за ослободување на заложниците“, се вели во соопштението на израелското Министерство за надворешни работи на X.
Британскиот премиер Кир Стармер го објави потенцијалниот потег неколку дена откако францускиот претседател Емануел Макрон изјави дека Париз ќе ја признае палестинската држава на Генералното собрание на Обединетите нации во септември.
Во официјалното соопштение од Даунинг стрит се наведува дека признавањето на Палестина е „неотуѓиво право на палестинскиот народ“ и дека ставот на британската влада отсекогаш бил дека признавањето ќе биде дел од поширокиот мировен процес, според медиумите.
Сепак, се наведува дека поради „сè понеподносливата ситуација во Газа и намалената надеж за мировен процес“, сегашниот контекст бара порешителна акција.
Стармер истакна дека признавањето ќе следи ако израелската влада не се согласи на итен и траен прекин на огнот, јасна посветеност на мировен процес што води кон решение за две држави и недвосмислена посветеност дека нема да има анексија на територија на Западниот Брег.
Тој, исто така, повтори дека „нема еквивалентност меѓу Израел и Хамас“ и дека барањата на Велика Британија кон Хамас остануваат: ослободување на сите заложници, прифаќање на прекин на огнот, откажување од каква било политичка улога во идното управување со Газа и целосно разоружување.
Фото: принтскрин
Свет
Велика Британија: Ќе ја признаеме Палестина во септември ако Израел не се согласи со нашите услови

Велика Британија ќе признае палестинска држава во септември ако Израел не се согласи на прекин на огнот во Газа, не дозволи помош од ОН и не преземе други чекори кон долгорочен мир, објави британскиот премиер Кир Стармер, според светските медиуми.
Стармер свика редок летен состанок на кабинетот за да се разговара за ситуацијата во Газа.
Тој им рече дека Велика Британија ќе ја признае државата Палестина пред Генералното собрание на Обединетите нации, „освен ако израелската влада не преземе значајни чекори за да ја заврши ужасната ситуација во Газа, не постигне прекин на огнот, не вети дека нема да има анексија на Западниот Брег и не се обврзе на долгорочен мировен процес што ќе обезбеди решение за две држави“.
Тој исто така рече дека Хамас мора да ги ослободи сите заложници што ги држи, да се согласи на прекин на огнот, „да прифати дека нема да игра никаква улога во владата на Газа и да се обврзе на разоружување“. Во телевизиска изјава, Стармер рече дека неговата влада ќе го процени „степенот до кој страните ги исполниле овие чекори“ во септември пред да донесе конечна одлука за признавање.
Велика Британија долго време ја поддржува идејата за постоење на независна палестинска држава покрај Израел, но верува дека признавањето треба да дојде како дел од договореното решение за конфликтот.
Притисокот за формално признавање на палестинската државност се зголеми откако францускиот претседател Емануел Макрон објави дека неговата земја ќе стане првата голема западна сила што ќе признае палестинска држава.
Повеќе од 250 од вкупно 650 пратеници во Долниот дом потпишаа писмо со кое ја повикуваат британската влада да признае палестинска држава. Стармер истакна дека и покрај условите што ги поставил, Велика Британија верува дека „државноста е неотуѓиво право на палестинскиот народ“, пренесуваат агенциите.
Фото: принтскрин
Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.