Свет
Бродот што удри во мостот во Балтимор пред несреќата неколкупати изгубил струја
Контејнерскиот брод Дали изгубил струја неколку пати пред да се удри во мостот Френсис Скот Ки во Балтимор во март, при што загинаа шест лица, парализирајќи голема сообраќајница на источниот брег на САД.
Националниот одбор за безбедност на транспортот (NTSB) соопшти во прелиминарниот извештај дека околу 10 часа пред да исплови од Балтимор, Дали ја изгубил струјата за време на одржувањето во пристаништето непосредно пред судирот.
Одборот соопшти дека контејнерскиот брод имал и други прекини на струја, вклучително и еден околу четири минути пред несреќата кога електричните прекинувачи на бродот неочекувано се активирале, што предизвикало губење на моќта на целото осветлување на бродот и на поголемиот дел од опремата кога бродот бил на километар од мостот.
Екипажот на бродот го врати напојувањето, но на околу 320 метри од мостот се случи уште едно губење на струјата, кое ги запре сите три управувачки пумпи и екипажот не можеше да го помести кормилото.
НТСБ соопшти дека „сè уште ја истражува електричната конфигурација по првичниот прекин на електричната енергија на пристаништето и потенцијалното влијание врз настаните за време на несреќното патување“.
Извештајот ги вклучува првите објавени наоди од истражувањето откако целосно натоварениот контејнерски брод Дали предизвика уривање на мостот во реката Патапско. Претседателката на НТСБ Џенифер Хоменди ќе сведочи пред комисијата на Претставничкиот дом за федералната реакција на тој колапс.
Извештајот не откри проблеми со квалитетот на горивото на бродот.
Во април, ФБИ отвори кривична истрага за уривањето на мостот, а безбедносните иследници ја открија „црната кутија“ на бродот, која обезбедува податоци за позицијата, брзината, насоката, радарот и аудио и радио комуникацијата на мостот, како и алармите.
Осигурителот на мостот објави овој месец дека се подготвува да плати 350 милиони долари на државата Мериленд, што би можело да биде првата голема исплата поврзана со уривањето на мостот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Голема штета на аеродромот во Јамајка
Екстремно моќниот ураган Мелиса стигна до копното на Куба откако вчера ја опустоши Јамајка. Тоа е најмоќната бура со која островската нација некогаш се соочила.
Нема потврдени смртни случаи, но голем дел од Јамајка е без струја и интернет, а со оглед на силата на бурата и обемот на штетата, се очекува да биде така. Агенциите за помош велат дека „се подготвуваат за најлошото“.
Има голема штета на меѓународниот аеродром Сангстер во Монтего Беј, Јамајка.
Свет
Вештачката интелигенција под лупа: звучи уверливо, но често греши
Студија на Европската радиодифузна унија (ЕБУ), во која учествувале 68 јавни радиотелевизии од 56 земји, покажала дека најпопуларните системи со вештачка интелигенција – како ChatGPT, Claude и Gemini – измислуваат и до 40 отсто од своите одговори, претставувајќи ги како факти, пренесе Дојче веле.
Истражувањето утврдило дека системите често даваат уверливи, но неточни информации, особено кога станува збор за регионални теми, актуелни настани или сложени прашања што бараат поврзување повеќе извори. Експертите овој феномен го нарекуваат „халуцинација“, односно создавање на лажни, но звучно уверливи податоци.
Последиците, според анализата, се сериозни: корисниците несвесно шират дезинформации, ученици и студенти внесуваат неточни податоци во своите трудови, а граѓаните може да донесуваат политички или други важни одлуки врз основа на невистини.
EBU препорачува никогаш да не се верува слепо на chatbot-ови, да се проверуваат сите важни информации и да се користат проверени медиуми за факти. Технологијата може да биде корисна за креативни задачи, но не е погодна како проверувач на факти или замена за новинарство.
Европа
Белгиски министер: Ќе ја срамниме Москва со земја ако го нападнат Брисел
Белгискиот министер за одбрана, Тео Франкен, тврди дека НАТО ќе ја „срамни со земја Москва“ доколку Русија некогаш го нападне Брисел. Во опширно интервју, Франкен се осврна на низа итни стратешки прашања, вклучувајќи ја војната во Украина, европската одбрана и нуклеарното одвраќање, објави „The Brussels Times“.
Кога директно го прашаа дали се плаши дека рускиот претседател Владимир Путин може да започне конвенционален ракетен напад врз Брисел, неговиот одговор беше недвосмислен: „Не, бидејќи тогаш тој би го погодил срцето на НАТО, а потоа ние би ја срамниле Москва со земја“.
Франкен изрази силна поддршка за американското лидерство во рамките на НАТО и ја повтори својата доверба во Член 5, клаузулата за заемна одбрана што е основа на Алијансата.
На прашањето дали американскиот претседател Доналд Трамп би го почитувал Член 5, Франкен одговори потврдно. „Секако дека би го сторил тоа. Во Европа има многу предрасуди против американската влада. Зошто не би го почитувал Член 5?“

Франкен рече дека е повеќе загрижен за употребата на хибридно војување од страна на Русија отколку за заканата од конвенционален напад. „Крстосувачки проектил врз Брисел? Јасно е дека тоа би го активирало Член 5, без разлика која дефиниција ја користите. Путин нема да го стори тоа“, рече тој.
„Повеќе сум склон кон сценарио со сива зона: ‘мали зелени луѓе’ кои го поттикнуваат рускојазичното малцинство во Естонија против „нацистичкиот режим“. Пред да се свестите, тие анексираа дел од Естонија“, објасни министерот.
Министерот за одбрана не покажа ентузијазам за идејата за заедничка европска армија. Тој ги критикуваше поголемите европски земји за „максимизирање на сопствените пазари“ и праша како земјите кои во моментов не можат ниту да соработуваат во набавката на одбранбена опрема би можеле да ги интегрираат своите национални армии.
„Секој што верува во европска армија продава магла“, рече тој. „За среќа, го имаме НАТО, кој повторно ја докажа својата ефикасност со воздушната одбрана во Полска и Естонија“.
фото: принтскрин

