Свет
Бројот на жртви од циклонот Идаи се искачи на 750
Бројот на загинати од циклонот Идаи се искачи на 750 лица низ јужна Африка, а пристанишниот град Беира, во Мозамбик, кој беше најпогоден од бурата, полека го започна своето бавно закрепнување.
Невремето од категоријата 2 го погоди градот на 15 март, со ветрови од 175 км/ч што доведоа до огромни дождови и поплавени села, додека се движеше кон внатрешноста на Зимбабве и Малави.
Мозамбискиот министер за земјиште и животна средина, Челсо Кореиа, во неделата рече дека досега се регистрирани 446 загинати лица во земјата. Повеќе од половина милион се погодени во земјата, а 110.000 од нив се безбедни во кампови.
„Ја следиме ситуацијата на теренот“, рече Кореиа.
Според агенциите за помош, околу 90 проценти од Беира биле уништени од циклонот. Речиси две недели подоцна, ѓубрето и паднатите дрвја се расчистуваат од патиштата. Голем дел од телекомуникациската инфраструктура на градот беше уништена од невремето, но две телефонски мрежи повторно беа пуштени во функција.
Главниот пат што води кон градот беше повторно отворен во неделата, а неколку помали продавници продаваа производи во мали количини.
Но, во подалечните делови од Мозамбик, пристапот сè уште беше отежнат, а во Беира се регистрирани и случаи на колера и маларија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.