Илјадници Севернокорејци се испраќаат да работат во Русија во услови слични на ропство за да го пополнат огромниот недостиг на работна сила, влошен од руската инвазија на Украина, дознава Би-Би-Си.

Москва повеќекратно се обратила до Пјонгјанг за помош во војната, од која набавува ракети, артилериски гранати и војници. Сега кога многу руски мажи загинале, на бојното поле или избегале од земјата, постои зголемена зависност од севернокорејските работници, според јужнокорејските разузнавачки служби.

Би-Би-Си разговараше со шест работници кои избегале од Русија од почетокот на војната, како и со владини претставници, истражувачи и активисти кои им помагаат. Тие сведочеа за ужасните услови за работа и сè построгиот надзор за да се спречат бегства.

Еден од работниците, Џин, опиша како, по пристигнувањето на рускиот Далечен Исток, веднаш бил однесен на градилиште под надзор на агент на севернокорејската безбедносна служба. „Надворешниот свет е наш непријател“, му рекол агентот. Џин работел 18 часа на ден на изградба на станбени облакодери.

Сите испитаници опишале подеднакво исцрпувачка рутина – будење во 6 часот наутро и работа до 2 часот наутро, со само два дена слободни во целата година. Спиеле во валкани, преполни контејнери или на подот од недовршени згради, често без греење и само со церади над отворите.

Работниците биле под постојан надзор на агенти од Пјонгјанг, а прекршоци како што е земање слободно време од работа се казнуваат со тепање. „Беше како да умираме“, рече Чан, еден од работниците.

Одењето на работа во Русија во Северна Кореја се смета за престижна можност бидејќи носи подобра заработка отколку дома. Сепак, поголемиот дел од платата веднаш се пренасочува кон државата како „надомест за лојалност“, а на работникот му остануваат само 100 до 200 долари месечно, и тоа дури откако ќе се врати дома, со цел да се спречат бегства.

Тае, кој успеал да избега, рекол дека се чувствувал „како во работен логор, затвор без решетки“ кога дознал дека работниците од Централна Азија заработуваат пет пати повеќе за три пати помалку работа.

Во 2019 година, ОН го забрани вработувањето на Севернокорејци во странство со цел да се намалат приходите за нуклеарната програма на Пјонгјанг, но забраната сега се заобиколува. Според јужнокорејски извори, повеќе од 13.000 Севернокорејци пристигнале во Русија во 2024 година – 12 пати повеќе отколку претходната година, а многумина дошле со „студентски“ визи.

Се очекува оваа година да пристигнат повеќе од 50.000 работници. Повеќето од нив работат на големи градилишта, а некои во текстилната и ИТ индустријата, што е исто така прекршување на забраната на ОН. Рускиот министер Сергеј Шојгу потврди дека 5.000 Севернокорејци ќе бидат испратени за обнова на Курск, а некои може да работат во окупираните делови на Украина.

За да се спречат бегствата, севернокорејските власти воведоа почести идеолошки обуки и „сесии за самокритика“ и речиси целосно ја укинаа можноста за напуштање на градилиштето. Порано, работниците можеа да излегуваат еднаш месечно, сега речиси никогаш, а дури и тогаш во групи од по петмина со постојан надзор. Бројот на оние што успеваат да избегаат од Русија и да стигнат до Јужна Кореја е преполовен од 2022 година, од околу 20 на 10 годишно.

Според професорот Андреј Ланков, работниците ќе останат „траен симбол на воениот сојуз“ меѓу Ким Џонг Ун и Владимир Путин, дури и кога ќе престане испраќањето војници и оружје.

Во топлинскиот бран кој вчера ја зафати Европа, едно дете почина од топлински удар во Италија, додека шумските пожари закануваа на локалитет на УНЕСКО во Шпанија, а француските градови забележаа рекордни температури.

Во многу градови во Франција, Италија и на југоистокот на Европа беше прогласено црвено предупредување поради топлина. Пожарите разгорени од силни ветрови принудија на евакуација илјадници луѓе ширум континентот и го загрозуваа популарните туристички места во Турција и Шпанија.

Четиригодишно дете од Романија почина во Италија кога беше пронајдено без свест во автомобил на островот Сардинија. Веста стигна со предупредување од италијанското Министерство за здравство за опасноста од високите температури во седум поголеми градови, вклучувајќи ја и Болоња и Фиренца.

Во 11 италијански градови важи црвено предупредување за денес, а во 16 градови за утре. Црвени предупредувања се прогласени и во јужна Франција, како и на јадранскиот и јонскиот брег.

„Топлинскиот бран кој во моментов ги погодува Франција, Шпанија и балканските земји не е изненадување. Причинет е од упорна топлинска купола над Европа“, изјави за „АФП“ Акшај Деорас, научник на метеоролошкиот оддел на Универзитетот во Редин, Велика Британија. „Топлинските бранови не се како невремиња, тивко се приближуваат, но можат да бидат подеднакво смртоносни.“

Пожар што избувна в неделата го оштети рудникот од римско време во Лас Медулас на северозападот на Шпанија, познат по впечатливиот црвен пејзаж и кој е на списокот на светско наследство на УНЕСКО, предизвикувајќи евакуација на стотици жители.

Una comarca olvidada y un patrimonio natural e histórico destruido. La causa y la consecuencia de la negligencia y el abandono de una tierra maltratada. Cualquier palabra es poco. Arden Las Medulas, llora El Bierzo y llora León. #lasmedulas #ElBierzo #LeonEsp #IFYeres pic.twitter.com/ailxntvDxc

— Raúl Rodríguez 🦁 (@raauulrgz) August 11, 2025

„Високите температури и ветровите до 40 километри на час создадоа големи предизвици за пожарникарите кои се борат со огнот“, изјави Хуан Карлос Суарез-Кинонес, регионален министер за заштита на животната средина на Кастиља и Леон. „Нема да им дозволиме на луѓето да се вратат додека безбедноста во нивните заедници не биде целосно загарантирана“, рече тој на прес-конференција, проценувајќи дека околу 700 луѓе ги напуштиле своите домови.

Шпанија минатата недела беше погодена од топлински бран со температури кои во многу области се приближуваа до 40°C, што предизвика шумски пожари. Во јужниот туристички град Тарифа беа евакуирани повеќе од 2000 луѓе, дел од нив од хотели и плажи, откако пожарот што беше изгаснат во петокот се разгоре повторно, а повеќе од 100 пожарникари се бореа со пламенот.

Во соседна Португалија пожарникарите се борат со три големи шумски пожари во централниот и северниот дел на земјата, додека Мароко испрати два авиони за помош во гаснењето, откако два португалски авиони се расипаа. Во Италија околу 190 пожарникари и војска се борат со пожар на Везув кој доведе до затворање на националниот парк за туристи.

🌲 SEA OF FLAMES SWEEPS THROUGH VILA REAL, PORTUGAL 🌲🔥

Good afternoon, everyone.

In the early hours of this morning, the normally peaceful city of Vila Real in northern Portugal awoke to an unreal, terrifying sight, a wall of fire consuming mile after mile of forest. From the… pic.twitter.com/Uo5lA8LsY4

— Kernow Weather Team (@KWTWeather) August 11, 2025

🧑‍🚒 #Wildfires continue to rage across #Europe, with firefighters in #Spain, #Italy and #Scotland working hard to control the blazes.

In #France, the worst wildfire experienced in decades in the department of #Aude was finally brought under control on Sunday.

📹 @bsquinn pic.twitter.com/n80HKGHbnF

— FRANCE 24 English (@France24_en) August 11, 2025

Луѓе беа евакуирани од десетици домови на југоистокот на Европа додека пожарникарите се борат со пожари во Албанија, Црна Гора и Хрватска, каде што се прогласени црвени предупредувања. Во Албанија, стотици пожарникари и војници го изгаснаа поголемиот дел од скоро 40 пожари кои избувнаа во последните 24 часа, според Министерството за одбрана, но повеќе од десет се’ уште се активни.

🇭🇷🔥Šumski požar nadomak Splita izmakao kontroli

Šumski požar koji je izbio u blizini hrvatskog primorskog grada Splita proglašen je nekontroliranim zbog nepovoljnih vremenskih uslova.

Požar se proširio na područje od 3 kilometra između Krila, Jesenice i Dugog Rata u blizini… pic.twitter.com/lzYxr9MK8j

— Anadolu BHSC (@aa_balkans) August 11, 2025

Од почетокот на јули, речиси 34.000 хектари изгореле низ земјата, според Европскиот информациски систем за шумски пожари (EFFIS). Полицијата тврди дека многу пожари се подметнати, а во последните недели уапсени се повеќе од 20 лица.

Во близина на главниот град на соседна Црна Гора, каде температурите се искачија до 40°C, тимовите на пожарникари успеаја да спасат десетици домови кога вчера изби пожар на непристапен терен. Во Хрватска пожарникарите ги бранеа домовите од пожарите близу Сплит.

Во северозападната турска провинција Чанаккале евакуирани се повеќе од 2000 луѓе, а 77 лица добија болничка помош поради вдишување на чад, откако избувнаа неколку пожари околу туристичкото место Гузелијали, соопштија властите.

11.08.2025#Turkey
Fires broke out one after another in four districts of Canakkale. The first fire in the region started in the city of Kepez. The fast-spreading flames quickly spread to residential areas, destroying dozens of cars and houses.@izmirhavadurmu @anadoluajansi pic.twitter.com/xWIzjLPl8j

— Climate Review (@ClimateRe50366) August 11, 2025

Неколку куќи и автомобили се запалија, според снимки објавени во турските медиуми, додека повеќе од 760 пожарникари, 10 авиони, девет хеликоптери и повеќе од 200 возила се распоредени во борбата против пожарите.

Температурни рекорди беа соборени на најмалку четири метеоролошки станици во јужна Франција, а владата повика на внимателност. Во градот Бордо на југозападот е забележана рекордна температура од 41,6°C, додека рекорди се соборени и на метеоролошките станици во Берже, Конјак и Сен-Жирон, според националната метеоролошка служба Метео Франс.

Овој топлински бран, втор по ред ова лето во земјата, започна в петок и се предвидува да трае до 19-ти или 20-ти август. Вчера 12 француски департмани беа под црвено предупредување, што е највисоко ниво на предупредување поради топлина во земјата, а денес се очекува тоа да важи за уште четири департмани.

Западот ја искористи Украина во неуспешен обид да ја ослаби Русија, рече словачкиот премиер Роберт Фицо во видео обраќање објавено на Фејсбук за време на викендот, велејќи дека украинското раководство, исто така, носи одговорност за поддршка на западниот план за штета на Москва со учество во воените напори.

„Украина беше искористена од Западот во обид да ја ослаби Русија, што не успеа – и за што, се чини, Украина ќе плати скапо“, рече Фицо.

„Секој веќе знае дека овој конфликт нема воено решение… и дека членството на Украина во НАТО е невозможно“, додаде тој.

Москва го прикажува конфликтот во Украина како војна на НАТО и долго време ја осудува западната воена помош за Киев, тврдејќи дека проширувањето кон исток на воениот блок предводен од САД, како и амбицијата на Украина да му се придружи, е еден од клучните двигатели на непријателствата.

Словачкиот премиер постојано го критикуваше пристапот на Западот, предупредувајќи дека тоа ја загрозува глобалната безбедност. Неговата последна изјава доаѓа пред состанокот меѓу рускиот и американскиот лидер на 15 август, кога ќе разговараат за можно решение на конфликтот.

Кремљ соопшти дека обезбедувањето траен и стабилен мир ќе биде главна тема на претстојните преговори во петок во Алјаска.