Свет
Важен украински генерал го посети Бахмут: „Битката достигна највисок интензитет“

Генерал полковник, Олександр Сирски, командант на Украинската копнена армија и еден од најважните украински генерали, вчера го посети источниот град Бахмут, соопшти украинското Министерство за одбрана.
„Вчера, генерал-полковник Олександар Сирски, командант на копнената армија, уште еднаш ги посети единиците кои го бранат Бахмут, како и предградијата“, се вели во соопштението на украинското Министерство за одбрана.
„Според неговите зборови, битката за Бахмут достигнала највисок степен на интензитет, се вели во соопштението.
„Непријателот испрати дополнителни борци во битка. Нашите војници храбро ги бранат своите позиции северно од Бахмут и се обидуваат да го спречат опкружувањето на градот“, изјави Сирски, соопшти украинското Министерство за одбрана.
Тој не зборуваше за можно повлекување на украинските сили, но рече дека вооружените сили на Украина им нанеле „значителни загуби“ на Русите во изминатите месеци.
„Сето ова време, обидите на непријателот да го освои градот беа отфрлени благодарение на издржливоста на нашите војници. Нашите бранители му нанесоа значителни загуби на непријателот и уништија голем број возила. Ги принудивме најдобрите единици на Вагнер да се борат и го намаливме офанзивниот потенцијал на непријателот“, изјави украинскиот генерал.
Сирски ја организираше и водеше одбраната на Киев, а украинската армија под негово водство успешно ги поттисна руските сили кои речиси целосно го опколија главниот град на почетокот на руската инвазија. Сирски редовно ги посетува единиците на фронтот во Донбас и на други места, вклучувајќи го и Бахмут. Последен пат го посети Бахмут на крајот на минатата недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Руски научници развија ново соединение за борба против ракот

Експерти од Државниот универзитет во Мари и Федералниот истражувачки центар „Уфа“ при Руската академија на науките развија ново хемиско соединение што би можело да стане основа за создавање иновативни лекови против тумори, објави Министерството за наука и образование на Русија.
Ова соединение дејствува селективно на туморските клетки, речиси без да ги оштети здравите клетки, а неговата молекуларна структура комбинира фенотијазинска и трифенилфосфониумска група.
Благодарение на оваа комбинација соединението ја таргетира слабата точка на туморските клетки – митохондриите и ја нарушува нивната работа, објавува „РИА новости“.
„Резултатите од истражувањето покажаа дека новото соединение ефикасно го потиснува растот на разни малигни клетки, вклучувајќи рак на црниот дроб, аденокарцином на белите дробови, колоректален карцином и леукемија. Активноста се манифестира дури и при ниски концентрации, што го прави соединението особено ветувачко за развој на лекови“, рече Константин Белослудцев, доктор по биолошки науки и проректор за иновации на Државниот универзитет во Мари, објавува „Танјуг“.
Како дополнителна предност, Белослудцев ја истакна едноставноста на синтезата на соединението, што овозможува негово производство во доволни количини за претклинички и клинички испитувања. Овие студии се спроведени во рамките на програмата „Приоритет 2030“, пренесува медиумот.
Свет
Стаб: Се надевам дека кај Трамп набргу ќе го снема трпението за Путин

Финскиот претседател Александар Стаб денес изјави дека се надева дека трпението на американскиот претседател Доналд Трамп со рускиот претседател Владимир Путин наскоро ќе исчезне и додаде дека европските земји ќе продолжат да се залагаат за траен мир во Украина.
Според него, единствениот начин да се принуди Путин да ја заврши војната во Украина е преку неговите сојузници, со проценка дека оние кои можат да го убедат рускиот претседател да постигне примирје се на Истокот, објавува „ Ile“.
Финскиот претседател, исто така, рече дека го предупредил Трамп дека Путин користи „типични руски тактики на одложување“ за да избегне средба со украинскиот претседател Володимир Зеленски.
Фото: принтскрин
Свет
Мерц: Германија нема да ја признае палестинската држава на Генералното собрание на ОН

Германскиот канцелар Фридрих Мерц денес изјави дека Германија нема да се придружи на иницијативата на западните сојузници за признавање на палестинската држава на Генералното собрание на Обединетите нации следниот месец.
Мерц го објави ова на заедничка прес-конференција со канадскиот премиер Марк Карни, кој минатиот месец изјави дека Канада планира да ја признае државата Палестина на Генералното собрание по слични најави од Франција и Велика Британија, пренесува „Ројтерс“.
„Ставот на федералната влада е јасен во врска со евентуалното признавање на државата Палестина. Канада го знае тоа. Ние нема да се придружиме на оваа иницијатива. Не гледаме дека условите се исполнети“, рече Мерц.
Фото: принтскрин