Свет
Вакцината на „Модерна“ е ефикасна повеќе од 94 отсто, побарано одобрение за итна употреба
Компанијата „Модерна“ соопшти дека ќе побара итно одобрување на нејзината вакцина против коронавирус од американската Администрација за храна и лекови (ФДА), откако последните податоци покажале дека е ефикасна повеќе од 94 проценти.
„Модерна“ е втор производител на лекови што побара од ФДА да добие одобрение за итни случаи. Пред неа, тоа го стори „Фајзер“, една од водечките компании кога станува збор за вакцината против коронавирусот.
Ова значи дека во рок од неколку недели, Американците би можеле да ги примат првите дози на оваа вакцина.
Новата анализа спроведена од „Модерна“ покажа 196 потврдени инфекции кај 30.000 луѓе кои учествувале во доцната фаза на студијата. Во плацебо групата, евидентирани се 185 случаи на коронавирус, а во онаа што всушност ја примила вакцината, имало само 11 заразени. Овие резултати зборуваат за ефикасност од 94,1 процент.
Исто така, вакцината е целосно ефикасна кога станува збор за тешка форма на болеста со оглед на тоа дека од 30 тешки случаи кои учествувале во студијата, никој не примил вакцина освен плацебо. Исто така, има една смртен случај како резултат на инфекција со коронавирус во плацебо групата.
„Модерна“, исто така, соопшти дека ефикасноста на вакцината е конзистентна кај луѓе од различна возраст, раса и пол.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп нема да се кандидира за потпретседател на изборите за 3 години
Доналд Трамп нема да се кандидира за потпретседател на изборите за 3 години. Во последните недели, неговите поддржувачи шпекулираа дека неговиот сегашен потпретседателски кандидат, Џ.Д. Венс, би можел да биде номиниран за претседател во 2028 година, а потоа да се повлече во корист на второпласираниот кандидат на гласачкото ливче, Трамп.
На авионот „Ер Форс Уан“, американскиот шеф на државата изјави дека таков потег е дозволен, но дека тој нема да го преземе: „Не мислам дека на луѓето ќе им се допадне“
Според 22-от амандман на Уставот на САД, претседателот може да служи максимум два мандати. Сепак, капи со натпис „Трамп 2028“ беа видени на неодамнешни настани во Белата куќа.
Регион
Рама: Министерката создадена со вештачка интелигенција „ќе роди“ 83 дигитални помошници за парламентот
Албанскиот премиер Еди Рама соопшти дека нивната министерка создадена со помош на вештачка интелигенција, Диела, ќе „роди“ 83 дигитални помошници кои ќе работат како виртуелни асистенти на пратениците од Социјалистичката партија.
Според Рама, тие асистенти ќе ја подобрат ефикасноста и транспарентноста на парламентот, водејќи евиденција за седниците, подготвувајќи анализи и предлагајќи политики засновани на податоци.
Диела, која беше именувана во мај 2025 година, е првата виртуелна министерка во светот создадена со помош на вештачка интелигенција. Нејзината задача е да ја следи законитоста и транспарентноста на државните тендери и да спречи корупција, со користење алгоритми што одлучуваат без човечко влијание.
Рама ја опиша иницијативата како чекор кон „целосно транспарентна и безкорупциска“ администрација, а метафората за „трудна министерка“ симболично го претставува ширењето на вештачката интелигенција во повеќе сектори на управувањето во Тирана.
Свет
Орбан оди кај Трамп поради руската нафта
Унгарскиот премиер Виктор Орбан следната недела ќе отпатува во Вашингтон за да се сретне со американскиот претседател Доналд Трамп и да разговара за санкциите против руската нафтена индустрија, изјавил шефот на унгарската дипломатија Петер Сијарто.
Сијарто рече дека Унгарија оваа недела ќе ја анализира „правната и физичката последица“ од санкциите што САД ги воведоа против руските компании минатата недела, додавајќи дека Орбан ќе може лично да разговара со Трамп ако биде потребно.
Средбата треба да се одржи во втората половина на следната недела, но точниот датум не е познат.
Трамп претходно изјави дека Европа мора целосно да се откаже од руската нафта и гас и воведе санкции против „Росњефт“ и „Лукоил“, додека Орбан најави дека Унгарија ќе бара начини да ги заобиколи американските ограничувања.

