Свет
Венс: Војната во Украина нема да заврши набргу

Американскиот потпретседател Џеј-Ди Венс вчера за „Фокс њуз“ изјави дека војната во Украина нема да заврши набргу, а американскиот државен секретар Марко Рубио рече дека Русија и Украина сега се поблиску, но сепак далеку од мировен договор.
„Сега кога секоја страна ги знае мировните услови на другата страна, на Русите и на Украинците е да се договорат и да го запрат овој брутален, брутален конфликт“, рече Венс во интервју.
BREAKING: JD Vance says the Russia / Ukraine war isn’t going to end anytime soon.
It’s been 24 hours X 101 already! Now they don’t think it will end anytime soon? pic.twitter.com/U1z092QSS9
— Ed Krassenstein (@EdKrassen) May 1, 2025
„Ова нема да заврши набргу“, додаде Венс.
„Секако дека Украинците се лути поради инвазијата, но дали ќе продолжат да губат илјадници и илјадници луѓе за неколку километри територија во еден или друг правец?“, рече Ванс.
Американскиот државен секретар Марко Рубио вчера за истата телевизија изјави дека „набргу треба да има вистински пробив во врска со војната во Украина или претседателот на САД, Доналд Трамп, ќе мора да одлучи колку повеќе време ќе посвети на ова прашање“.
„Мислам дека знаеме каде е Украина и знаеме каде е Русија во моментот… Тие се поблиску, но сепак се далеку“, рече Рубио во интервју за програмата „Ханити“ на „Фокс њуз“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Пропадна најавениот самит меѓу Трамп и Путин

Планираниот самит меѓу американскиот претседател Доналд Трамп и рускиот претседател Владимир Путин, кој требаше да се одржи во Будимпешта до крајот на месецот, е одложен на неопределено време.
Висок функционер од Белата куќа изјави дека „во блиска иднина нема планови за средба меѓу претседателите Трамп и Путин“, пренесе „Ројтерс“. Истата информација ја потврди и дописникот на „Аксиос“, Барак Равид.
Според него, телефонскиот разговор меѓу американскиот државен секретар Марко Рубио и рускиот министер за надворешни работи Сергеј Лавров бил „продуктивен“, но дополнителен личен состанок засега не е потребен.
White House official: “No plans for President Trump to meet with President Putin in the immediate future. Rubio and Lavrov had a productive call. Therefore, an additional-in-person meeting between the Secretary and Foreign Minister is not necessary”
— Barak Ravid (@BarakRavid) October 21, 2025
Самитот, кој беше најавен како нов обид за постигнување мировен договор за Украина, се соочи со пречки поради откажување на подготвителниот состанок меѓу надворешнополитичките советници на двете страни.
Според извори на Си-Ен-Ен, Рубио и Лавров не успеале да се усогласат околу целите и можниот исход на војната. Белата куќа соопшти дека Трамп и понатаму работи на „мирно и дипломатско решение за завршување на бесмислената војна“, додека американските функционери оценуваат дека руските позиции не се промениле.
Кремљ, пак, тврди дека разговорите биле конструктивни и дека продолжува работата на спроведување на договорите од претходната средба во Анкориџ.
Иако Трамп последниве недели нагласува дека Русија и Украина треба „веднаш да го запрат војувањето“, досегашните дипломатски обиди не донесоа конкретен резултат.
Свет
Израел до Канада: Преиспитајте ја изјавата за апсење на Нетанјаху

Израел ја повика владата на Канада да ја преиспита изјавата на канадскиот премиер Марк Карни, кој во интервју за „Блумберг“ изјави дека ќе го почитува налогот на Меѓународниот кривичен суд (МКС) и би го уапсил израелскиот премиер Бенјамин Нетанјаху доколку дојде во Канада.
„Веруваме дека премиерот Карни треба да ја преиспита оваа одлука и да му посака добредојде на премиерот Нетанјаху, лидер на единствената еврејска држава и демократска земја на Блискиот Исток“, изјави портпаролката на израелската влада Шош Бедросијан.
МКС минатата година издаде налог за апсење на Нетанјаху поради обвиненија за воени злосторства и злосторства против човештвото во Газа, што Израел го отфрла, не признавајќи ја надлежноста на судот.
Бедросијан додаде дека одлуката на Канада да ја признае палестинската држава е „награда за тероризмот“ и дека „само долила масло на антисемитската омраза во Канада“.
Свет
Во тек е украински воздушен напад врз Русија

Украински и руски извори на социјалните мрежи попладнево известуваат за обемен напад со украински проектили и дронови врз руска територија.
Според воените блогери од двете земји, во рускиот воздушен простор навлегле голем број дронови од различни типови и големини, како и повеќе далекуметни проектили, меѓу кои британските Storm Shadow и украинските Neptun и Flamingo.
❗️Flight of the 🇺🇦Peklo missile-drone in the sky over the 🇷🇺Bryansk region a few minutes ago https://t.co/XOQtR7dZ8j pic.twitter.com/K4abtmXYmF
— 🪖MilitaryNewsUA🇺🇦 (@front_ukrainian) October 21, 2025
На социјалните мрежи се појави и фотографија од украинскиот дрон „Пакao“, снимен над Брјанската област во Русија. Овој тип дрон има дострел до 700 километри, лета со брзина од околу 0,55 Мах и носи боева глава од 50 килограми.
Украинскиот канал Dronbomber на Телеграм објави карта што прикажува насока на движење на дроновите и проектилите од Украина кон Русија. На неа, црвените стрелки ги означуваат борбените дронови, сините дронови на млазен погон, а зелените крстосувачките ракети, дел од кои се насочени кон московската област.