Свет
(Видео) Авион се запали на писта во Јужна Кореја, најмалку 120 мртви – објавена е снимка од несреќата

Најмалку 120 лица загинаа кога патнички авион се запали на пистата на аеродромот во јужнокорејскиот град Муан, соопшти Националната противпожарна агенција.
Несреќата се случила во неделата во 9:03 часот по локално време кога летот на Jeju Air од Бангкок со 175 патници и шест членови на екипажот слетувал на меѓународниот аеродром Муан на југозападот на земјата.
Horrifying footage emerging of a Jeju Air Boeing 737-800 (not a Max) with 175 onboard involved in a crash at Muan International Airport in South Korea — video shows the aircraft attempting a ‘belly landing’ (without its landing gear extended) before impacting the perimeter wall pic.twitter.com/C3JCUz8Iw8
— Alex Macheras (@AlexInAir) December 29, 2024
Противпожарната служба предупреди дека бројот на жртви може да биде поголем бидејќи авионот е тешко оштетен. На фотографиите од јужнокорејските медиуми се гледаат остатоците од авионот во пламен и чад.
Опремата за слетување на „Боинг 737-800“ откажала, најверојатно поради удар на птица, шпекулира новинската агенција Јонхап. Пилотот наводно не успеал да слета при првиот обид, па се обидел да го подигне авионот и да слета повторно.
Портпаролот на Jeju Air рече дека тие сè уште собираат информации за несреќата. Боинг не одговори веднаш на барањето на Ројтерс за коментар за несреќата, а потоа изрази сочувство за починатите.
— The Boeing Company (@Boeing) December 29, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Нападнат декан на факултет во Нови Сад; Брнабиќ: Кој сака да живее во ваква држава?

На протестите во Нови Сад нападнат бил деканот на Факултетот за спорт и физичко образование во Нови Сад, Патрик Дрид, кој со возило на брза помош бил пренесен во болница, објавија српските медиуми.
Според медиумите, демонстрантите кои се собрале пред Факултетот за спорт и физичко образование (ДИФ) во Нови Сад не им дозволиле на деканот на Факултетот, Патрик Дрид, и на професорите да влезат во зградата на факултетот.
Премиерката на Србија, Ана Брнабиќ, го осуди нападот.
„Згрозена сум од насилството, садистичкото, нечовечко дивеење и напдот врз професорот Дрид во Нови Сад. Ајде повторно – кој сака да живее во ваква земја? Кој сака Србија да стане земја каде што полудени бандити линчуваат луѓе по улиците и се радуваат затоа што се повредени? Какви луѓе се овие што блокираат амбулантно возило во кое е повреден човек, што и да мислите за нив?! Во исто време додека го напаѓаат професорот Дрид во Нови Сад затоа што влегол на државен факултет како ДЕКАН, блокадорите во Ниш го нападнаа Клиничкиот центар Ниш, со цел физички да ги спречат студентите на Медицинскиот факултет да посетуваат клинички курсеви и да лекуваат луѓе! Монструозно. Секој што учествува во вакво безумно дивеење на улиците на Србија мора да биде повикан на одговорност! СТОП НА НАСИЛСТВОТО!
Zgrožena sam i zapanjena nasiljem, sadističkim, neljudskim divljanjem blokadera nad profesorom Dridom u Novom Sadu. Hajdemo ponovo – ko želi da živi u ovakvoj državi? Ko želi da Srbija postane zemlja u kojoj pomahnitali nasilnici linčuju ljude na ulici i raduju se zato što su… pic.twitter.com/NwUk5i9TQa
— Ana Brnabic (@anabrnabic) April 28, 2025
Министерот за правда Ненад Вујиќ, изјави дека денешното однесување на демонстрантите е јасен напад врз таа институција и насилно спречување на вработените да работат.
„Неприфатливо е насилни поединци да си даваат право да ја спречуваат работата на факултетите и професорите да си ја вршат својата работа“, рече Вујиќ.
Тој додаде дека очекува надлежните органи да реагираат и да им овозможат на деканот и професорите непречено да ги извршуваат своите работни задачи, како и да ги гонат одговорните за нападот.
Свет
Прекинот на електричната енергија во Португалија и Шпанија предизвикан од редок атмосферски феномен

Португалскиот оператор на електричната мрежа – РЕН објави дека прекинот на електричната енергија што ги погоди Португалија и Шпанија е предизвикан од дефект во шпанската електрична мрежа, поврзан со „редок атмосферски феномен“.
РЕН вели дека екстремните температурни разлики во Шпанија предизвикале „аномални осцилации“ на високонапонските далноводи.
Овој феномен се нарекува „индуцирана атмосферска варијација“, што потоа довело до осцилации што предизвикале дефекти во синхронизацијата на енергетските системи.
„Ова предизвика последователни прекини низ меѓусебно поврзаната европска мрежа“, додава РЕН.
Поради сложеноста на ситуацијата, РЕН предупредува дека целосната нормализација на електричната мрежа може да потрае и до една недела.
Шпанскиот оператор на електричната мрежа „Ред Електрика“ објави дека напонот е обновен во одредени трафостаници во северниот, јужниот и западниот дел од земјата.
„Продолжуваме да работиме со сите расположиви ресурси за што поскоро да го вратиме снабдувањето со електрична енергија на целата територија“, соопштија од „Ред Електрика“.
Шпанската национална железничка компанија „Ренфе“ соопшти дека сите возови остануваат во прекин поради прекин на електричната енергија.
Во меѓувреме, мадридското метро, исто така, известува дека сите линии остануваат затворени.
Свет
(Видео) Долгиот прекин на струјата во Шпанија и Португалија предизвика хаос

Сообраќаен хаос низ Шпанија и Португалија предизвика долгиот прекин на електричната енергија. Прекинот на струја зафати големи области од овие две држави, а меѓу погодените градови се Барселона, Лисабон, Мадрид, Порто и Севиља. Делови од Баскија исто така накратко беа погодени од прекинот.
Хаос има на метро станиците, улиците, аеродромите, семафорите се исклучени. Оневозможена е интернет и мобилната мрежа, банкоматите за плаќања, лифтовите се заглавени. Не се во функција ниту полначите за електрични возила и бензинските пумпи.
Градоначалникот на Мадрид, Хозе Луис Мартинез-Алмеида ги повика граѓаните да останат таму каде што се и да го намалат движењето на апсолутен минимум.
„Ги замолувам сите жители на Мадрид да излегуваат што е можно помалку и, ако воопшто е можно, да останат таму каде што се во моментов. Сакаме да ги задржиме сите патишта слободни“, рече Мартинез-Алмеида во видео пораката објавена на социјалните мрежи.
Говорејќи од интегрираниот центар за вонредни ситуации во Мадрид, тој рече дека покрај исклучувањето на семафорите, морале да ги затворат и тунелите на некои автопати.
Мрежите на мобилната телефонија исто така беа погодени.
Новинарите на АФП од Мадрид и Барселона известија дека луѓето излегле на улиците, држејќи ги мобилните телефони високо во воздухот за да се обидат да фатат сигнал.
Според агенцијата, многумина ги следеле вестите преку радио, а не преку мобилни уреди.
Се појави и видео од жичница во Билбао, Шпанија, каде луѓето морале да слезат и да продолжат пеш.
Gente bajando a pie del funicular de Artxanda en Bilbao#apagon pic.twitter.com/PthoY01CNq
— Javi Regalado (@djobi71) April 28, 2025
Португалската авиокомпанија ТАП Ер Португалија ги предупреди патниците да не се упатуваат кон аеродромите до понатамошно известување.
Во соопштението објавено на својата Фејсбук страница, ТАП наведува дека некои летови не се одвиваат според распоредот и бара од патниците да чекаат нови информации.
Пристигнуваат бројни извештаи дека многу граѓани на Шпанија и Португалија останале без вода.
Неколку луѓе изјавија за „Скај њуз“ дека забележале панично купување вода и други потреби во супермаркетите во Лисабон.