Свет
(Видео) Австралија: Луѓето евакуирани поради поплавите, стотици пајаци се упатиле кон куќите

Исплашени луѓе снимале стотици пајаци како ги преплавуваат нивните домови и имоти откако поплавите погодија делови на Нов Јужен Велс во Австралија.
Меланија Вилијамс забележала пајаци како се качуваат на оградата пред нејзината куќа, бегајќи од водата, пренесува „Дејли мејл“.
Пајаците беа снимени и како се качуваат на вратата од гаражата и стигнуваат до врвот.
„Како што се покачуваше нивото на водата, ги видов овие мали, црни суштества и си помислив: „О Боже, тоа се пајаци “, рече Вилијамс.
Таа додаде дека порано ги видела овие инсекти, но никогаш нешто слично на ваквата инвазија.
Нов Јужен Велс за време на викендот беше погоден од бура каква не е видена веќе 100 години, што доведе до масовна евакуација на луѓето.
Професорот од Универзитетот во Сиднеј, Дитер Хочули објасни дека пајаците бараат терен за да избегаат од поплавите.
„За време на поплавите, животните што живеат на копно не можат повеќе да живеат таму. Како и луѓето, тие се обидуваат да се искачат на повисок терен“, додаде Хочули.
Експертите за диви животни предупредуваат и дека од домовите на луѓето ќе се појават и змии затоа што влажните и студени услови создаваат совршено ловиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Додик: Ќе се повлечам од политиката 10 години под еден услов

Милорад Додик, на кој Централната изборна комисија на Босна и Херцеговина му го одзеде мандатот како претседател на Република Српска врз основа на конечна пресуда на Судот на Босна и Херцеговина, понуди да се повлече од функцијата во парламентот на РС за десет години под услов претставниците да ја поддржат одлуката за распишување на претседателските избори од страна на ентитетската изборна комисија, а не од Централната изборна комисија.
„Предлагам претседателот на ентитетската изборна комисија да биде од СДС или ПДП. Но, вие нема да го направите тоа. Вие сакате Централната изборна комисија да ги брои гласовите“, рече Додик.
Тој тврди дека Централната изборна комисија нема овластување да распишува предвремени избори или да му го одземе мандатот: „Централната изборна комисија не може да распишува избори, тоа може да го направи само ентитетската изборна комисија. Нема да добиете нов претседател ако Централната изборна комисија распише избори“, рече Додик.
Тој ја отфрли пресудата на Судот на Босна и Херцеговина, тврдејќи дека станува збор за политички прогон поради неговото противење на префрлањето на државниот имот на ниво на Босна и Херцеговина. Тој ја обвини меѓународната заедница и дел од бошњачката политичка елита дека го оспоруваат Уставот на РС, а опозицијата дека работи против интересите на ентитетот.
Тој уште еднаш го оспори легитимитетот на високиот претставник во Босна и Херцеговина, Кристијан Шмит, и неговите таканаречени бонски овластувања, врз основа на кои беше осуден. „Ние го внесовме нашиот суверенитет во Босна и Херцеговина, имавме своја држава. Милорад Додик не е РС, но Додик е претседател на РС“, рече Додик, нарекувајќи го Дејтонскиот договор „измама за српскиот народ“.
фото: принтскрин
Регион
(Видео) Вучиќ објави снимка, им даде понуда на студентите, доби веднаш одговор

Српскиот претседател Александар Вучиќ им се обрати на студентите кои речиси осум месеци протестираат против неговиот режим и ги покани нивните претставници на јавна ТВ дебата.
„Предлагам разговор и дебата на сите наши телевизии и портали, со легитимни претставници што тие ќе ги изберат. Подготвен сум да влезам во дијалог, дебата јавно, со тројца или четворица кои размислуваат поинаку. Тие имаат право да го бараат ова од својот претседател, вклучувајќи избори и сè друго“, рече Вучиќ.
Тој додаде дека целта не е да се победи во дебатата, туку да се најде решение заедно: „Време е секој од нас да си ги покаже своите лица, да се покажат нашите лица и програми. Сакам борба за визии, борба за иднината, да го решиме ова преку дијалог и разговор, без конфликти и насилство. Да ја обновиме земјата и да ја вратиме на вистинскиот пат. Ќе се потрудам да покажам тоа почитување“, напиша тој на Инстаграм.
Можда кад распишеш изборе!@avucic pic.twitter.com/cNZE2Ko6LR
— Poljoprivredni blokada (@agrifblokira) August 22, 2025
Реакцијата на студентите дојде брзо. Студентите на Земјоделскиот факултет во Белград накратко твитнаа: „Можеби кога ќе распишете избори!“
Predsednik nas je pozvao na javnu debatu. Očigledno da nema odgovor na narodni bunt, pa bi sad i da razgovara sa nama koje mesecima naziva teroristima. O vizijama i programima za budućnost ćemo debatovati, u predizbornoj kampanji, kad raspiše izbore.
— Filozofi u Blokadi (@FFUBublokadi) August 22, 2025
Студентите од Филозофскиот факултет, исто така, се изјаснија: „Претседателот нè покани на јавна дебата. Очигледно, тој нема одговор на народното востание, па сега би разговарал со нас, кои со месеци ги нарекува терористи. Ќе дебатираме за визиите и програмите за иднината во изборната кампања, кога ќе распише избори.“
фото: принтскрин
Свет
Генералниот секретар на ОН: Во Газа е жив пекол

Генералниот секретар на ОН, Антонио Гутереш, денес ја опиша ситуацијата во Појасот Газа како катастрофа предизвикана од човекот, откако Глобалната иницијатива за безбедност на храната официјално прогласи глад во дел од крајбрежната енклава.
Во извештај објавен денес, Интегрираната класификација за безбедност на снабдување со храната (IPC) соопшти дека има „убедливи докази“ дека гладот е распространет во административниот регион што го вклучува градот Газа од 15 август. Реагирајќи на соопштението на IPC, Гутереш ги опиша условите во Газа како „жив пекол“.
Just when it seems there are no words left to describe the living hell in Gaza, a new one has been added: “famine”.
This is not a mystery — it is a man-made disaster, a moral indictment and a failure of humanity itself. Famine is not only about food; it is the deliberate… pic.twitter.com/1MYaxhJl4Z
— António Guterres (@antonioguterres) August 22, 2025
Во објава на Икс, тој нагласи дека ситуацијата не е мистерија, туку „катастрофа предизвикана од човекот, морално обвинение и неуспех на самото човештво“: „Луѓето гладуваат. Деца умираат. А оние чија должност е да дејствуваат не го прават тоа“.
Генералниот секретар на ОН рече дека Израел, како окупаторска сила, е должен според меѓународното право да обезбеди храна и медицински материјали. „Не смееме да дозволиме оваа ситуација да продолжи неказнето“, додаде тој.
фото: принтскрин