Свет
(Видео) Американски актер го изгуби домот во пожарот: „Ќе се снајдеме, најважни ми се сопругата, бебето и кучето“

Американскиот актер Мајло Вентимиља (најпознат по улогата на Џек Пирсон во серијата „Ова сме ние“) и неговата сопруга Јара Маријано останаа без својот дом во Лос Анџелес, кој изгоре до темел за време на разорните пожари. Мајло и бремената Јара беа евакуирани.
Мајло ги сподели своите размислувања за трагедијата во интервју за Си-би-ес.
„Почнуваш да размислуваш за спомените, за разни делови од куќата, а потоа ги гледаш куќите на твоите соседи и срцето ти се крши. Во еден момент сфаќаш дека ова е реално и ова навистина се случува. Гледав на безбедносните камери како пожарот ја голта нашата куќа. Во еден момент ги исклучивме. Каква корист може да има гледањето такви снимки? Некако ја прифативме таа загуба“, рече 47-годишниот актер спротивставувајќи им се на солзите додека зборуваше за пожарот. По евакуацијата, тој се врати таму за да ја види штетата на опожарената куќа.
Додаде дека заедно со сопругата се обиделе да извлечат некои работи од куќата пред да изгори сè, но останале без некои неопходни работи, како бебешкото креветче. Но, најважно му е што тој, неговата бремена сопруга и нивното куче успеале да се спасат.
„Имаме добри пријатели и добри луѓе. Ќе се снајдеме. Најважни ми се сопругата, бебето и кучето“, заклучил актерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Објавена слика од масовниот убиец од Грац

Австриските власти бараат одговори зошто 21-годишното момче уби 10 лица во пукотница во неговото поранешно средно училиште пред да си го одземе животот, во еден од најлошите насилни инциденти во модерната историја на земјата. Австриските медиуми „Хојте“ и „Кронен Цајтунг“ објавија слика од убиецот.
Објавени се и нови детали за прошталното видео што убиецот од училиштето ѝ го испратил на мајка си преку мобилен телефон непосредно пред нападот: во него тој бара прошка за „она што ќе го правам сега“.
Полицијата соопшти дека убиецот, вооружен со пиштол и пушка, дејствувал сам. Тие го пребаруваат неговиот дом за индиции зошто отворил оган во вториот по големина град во Австрија, Грац, пред да се застрела во тоалетот.
Артур А., 21-годишен Австриец од Калсдорф во близина на Грац, го извршил масакрот во училиштето што самиот го посетувал, но никогаш не дипломирал, за 15 минути. Тој бил регистриран како невработен во канцеларијата за вработување.
Тој ден, без никакви пречки, влегол во две училници, од кои едната наводно била неговата поранешна, и почнал да пука со пиштол и пушка, кои легално ги поседувал. Пукал ладнокрвно одново и одново, таргетирајќи ученици и наставници. Телата на ранетите и убиените паѓале крвави, некои застрелани во главата.
„Инцидентот е тешко да се разбере“, рече Пол Ниче, наставник по веронаука во училиштето, кој ја напуштил училницата пред напаѓачот да се обиде да влезе и накратко го видел како се обидува да ја уништи бравата на друга врата со пиштол.
„Ова е нешто што не можев да го замислам порано“, изјави тој за јавниот радиодифузен сервис ORF. „Кога трчав по скалите, помислив: „Ова не е реално“.
Убиецот оставил проштална порака во која не се открива мотивот за нападот, соопшти полицијата, објавувајќи утрово дека во неговиот дом е пронајдена импровизирана експлозивна направа, која не била функционална.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Свет
Ден по масакрот во Грац евакуирани училиште и градинка

еден ден по најлошиот масакр во училиштата во австриската историја, во кој 21-годишен поранешен ученик во средното училиште „БОРГ Драјершуценгасе“ во Грац уби десет лица, а потоа се самоуби, австриските власти повторно интервенираа во истиот град.
Основното училиште „Тристер“ во округот Гриз беше евакуирано денес, заедно со блиската градинка поради сомнителен предмет.
Полицијата потврди дека пред училиштето е пронајдена сомнителна торба, што доведе до евакуација. „Операцијата е сè уште во тек“, соопшти полицијата. Се истражува дали предметот претставува реална закана.
Во евакуацијата учествуваа неколку стотици деца и нивните семејства. „Многу деца веќе се однесени дома, а останатите се добро згрижени. Сè е многу добро организирано“, соопшти канцеларијата на градскиот советник за образование, Курт Хоензинер.
Иако сè уште не е познато дали овој инцидент е поврзан со вчерашниот напад, властите не ја исклучуваат можноста за поврзаност. Полицијата е во состојба на зголемена готовност.
Во вторникот, 21-годишниот поранешен ученик Артур А. отвори оган во гимназијата „БОРГ Драјершуценгасе“, убивајќи девет ученици и еден наставник, пред да изврши самоубиство. Нападот траел 17 минути, а полицијата пристигнала на местото на настанот во рок од пет минути. Напаѓачот легално поседувал оружје, а во неговиот стан биле пронајдени нефункционална бомба и проштално писмо. Мотивот за нападот сè уште не е познат.
Австрискиот канцелар Кристијан Штокер прогласи тридневна национална жалост, а утрово низ целата земја беше одржана едноминутно молчење. Грац и Австрија сè уште се во шок поради овој трагичен настан.