Свет
(Видео) Американски научник седум дена заробен во турската пештера: спасувачката операција може да трае уште 12 дена

Спасувачите од Европа пристигнаа во Турција за да почнат операција за спасување на американски истражувач кој е оддалечен речиси 1.000 метри од влезот на пештерата.
Искусниот американски спелеолог, Марк Дики, кој има 40 години, ненадејно се разболел додека бил на експедиција со уште неколку луѓе, меѓу кои и тројца Американци, во пештерата Морка во јужните планини Таур во Турција, соопшти Европската организација за спасување пештери.
Falling ill, American explorer Mark Dickey stuck in Türkiye’s third-deepest cave some 1,276 meters (4,186 feet) below surface, help quickly dispatched https://t.co/gkVjmcwMiC pic.twitter.com/ld6L7hfClt
— Anadolu English (@anadoluagency) September 8, 2023
Во спасувачката операција учествуваат спасувачки екипи од Бугарија, Хрватска, Унгарија, Италија, Полска и Турција, јавува Гласот на Америка.
Вернер Заглер, потпретседател на Европската организација за спасување пештери, вели дека засега мисијата се одвива успешно.
Фотографиите покажуваат дека Марк е во добра состојба, со оглед на крварењето во стомакот.
Заглер се надева дека неговото здравје и понатаму ќе биде добро за да го извлечат од таму.
Тој додава дека доколку се потребни носилки, тогаш тие треба да се носат низ тесни премини.
„Носилката со пациент е потешка отколку кога е празна, тоа е јасно, така што најголемиот предизвик е кога пациентот на носилка поминува низ тесни премини. Ако неговата здравствена состојба е стабилна, можеби постои можност сам да ги помине сите тие тесни премини и да не биде на носилки“, вели Заглер.
Тој додава дека тоа би го скратило времето, но ако тоа не е можно и Дики мора да биде на носилка, тогаш премините мора да се прошират со чекан и со пила, доколку е потребно и со мали експлозии, за да може пациентот на носилка да помине.
„Дополнително отежнува и длабочината на самата пештера која е повеќе од 1.000 метри“, вели Заглер.
Додава дека не знае точно кога ќе почне транспортот на Дики, но тоа треба да биде веднаш штом лекарите ќе одобрат.
Според Заглер, ако Дики е надвор од носилка, можеби ќе биде надвор за три или четири дена, но ако е на носилка, тоа може да потрае 12 или 14 дена.
Дики бил на експедиција чија цел била да го проучува системот на пештерата Морка, која е длабока 1.276 метри, но му се слошило на илјада метри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Србија ќе се приклучи на развојот на руската вакцина против рак

Претседателот на Србија, Александар Вучиќ, изјави дека разговарал со Александар Кецман, директор на Институтот „Гамалеја“ во Москва, кој го информирал дека во Русија се развива вакцина против рак.
„Ми објаснија одредени работи. Имаме голем процент на заболени од рак. Оваа вакцина е поинаква, бидејќи им помага на веќе болните луѓе — не е превентивна. Може да биде успешна до 85 проценти,“ рече Вучиќ.
Тој додаде дека Србија ќе се вклучи во проектот веднаш штом Русија го дозволи тоа:
„Ќе подготвиме целосна инфраструктура за да бидеме спремни за два до три месеци. Не можеме уште да ја произведуваме, но ќе направиме сè за да бидеме подготвени.“
Вучиќ нагласи дека во Србија има повеќе случаи на малигни заболувања отколку во другите земји, што, според него, е поврзано со последиците од бомбардирањето во 1999 година.
Свет
Ројтерс: Зеленски ќе му презентира на Трамп план за користење на ракетите „Томахавк“

Украинскиот претседател Володимир Зеленски подготвува презентација за Доналд Трамп во која ќе објасни како Украина би ги користела крстосувачките ракети „Томахавк“ доколку САД одобрат нивна испорака, објави Ројтерс повикувајќи се на висок извор.
Според агенцијата, Киев смета дека овие ракети со домет од над 1.600 километри би можеле да го променат текот на војната, овозможувајќи напади врз цели длабоко во Русија, вклучувајќи енергетски постројки и воени бази.
Сепак, не е извесно дали Трамп ќе ја прифати украинската аргументација. Тој вчера изјави дека на САД им се потребни сопствените залихи на „Томахавк“ и изрази загриженост поради нивното исцрпување.
Свет
Орбан и Путин разговарале за можниот самит со Трамп во Будимпешта

Унгарскиот премиер Виктор Орбан телефонски разговарал со рускиот претседател Владимир Путин за планираниот состанок меѓу Путин и американскиот претседател Доналд Трамп во Будимпешта, соопшти Кремљ. Според соопштението, иницијативата за разговорот дошла од унгарската страна.
„Орбан ја изрази подготвеноста да помогне во организирањето на можниот руско-американски самит во Будимпешта“, се наведува во соопштението на Кремљ.
Путин го информирал Орбан за неговиот неодамнешен телефонски разговор со Трамп и изјавил дека планираниот состанок ќе го искористи за дискусија околу „алгоритамот на понатамошни чекори“ со цел пронаоѓање начин за завршување на војната во Украина.
По разговорот, Орбан на социјалните мрежи напиша дека „подготовките се во полн ек“, очигледно алудирајќи на можниот самит во унгарската престолнина.
Трамп и Путин разговарале вчера, првпат по речиси два месеца. Американскиот претседател потоа најави дека планира состанок со рускиот лидер во Будимпешта — што би билa првa неговa посетa на главен град на земја членка на ЕУ од почетокот на инвазијата врз Украина.
Трамп изјави дека Путин не ја поддржува идејата САД да ѝ испорачаат на Украина ракети „Томахaвк“ и додаде дека „можеби сега не е совршен момент“ за воведување дополнителни санкции насочени кон руските енергетски приходи.