Свет
(Видео) Асанж во Стразбур: Ја избрав слободата наместо неостварливата правда

Џулијан Асанж, основачот на медиумската група „Викиликс“, денеска им рече на европските пратеници дека признавањето на вината за шпионажа, обвинение што го поведоа САД против него, е неопходно бидејќи правните и политичките напори за заштита на неговата слобода се покажаа како недоволни.
Асанж денеска се обрати пред Комитетот за правни прашања и човекови права на Парламентарното собрание на Советот на Европа (ПССЕ) во Стразбур.
Julian Assange “As I emerge from the dungeon of Belmarsh the truth now seems less discernible and I regret how much ground has been lost during that time period. How expressing the truth has been undermined, attacked, weaken and diminished. I see more impunity, more secrecy, more… pic.twitter.com/qUrUm439WJ
— Rocket Man (@man_rocket97805) October 1, 2024
„Се изјаснив за виновен што се занимавам со новинарство. На крајот, ја избрав слободата наместо недостижната правда“, рече Асанж (53) во своето прво јавно обраќање по ослободувањето од затвор.
Тој беше обвинет дека примил и објавил стотици илјади документи со детали за воените злосторства на САД во Ирак и Авганистан.
„Сакам да бидам јасен: денес не сум слободен затоа што системот функционира, туку затоа што по многу години, се изјаснив за виновен за новинарството, затоа што барав информации и затоа што ја информирав јавноста за овие информации“, рече Асанж.
Тој исто така додаде дека за него правдата е засекогаш заклучена бидејќи американската влада инсистирала дека тој не може да поднесе тужба до Европскиот суд за човекови права.
„Затоа е толку важно институциите за поставување норми, како ПССЕ, да дејствуваат за да појаснат дека она што ми се случи мене не треба да им се случува на другите“, рече тој.
„Да се обврземе сите да го направиме нашиот дел за да се осигуриме дека светлината на слободата никогаш не згаснува, дека потрагата по вистината продолжува и дека интересите на малкумина не ги замолчуваат гласовите на мнозинството“.
Асанж исто така рече дека преминот од држење во затвор со максимално обезбедување на говор пред комисија е голем и длабок, но дека искуството да се биде изолиран во мала ќелија е тешко да се пренесе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.