Свет
(Видео) Бајден: Она што го направи Хамас е чисто зло

Во бурното обраќање до нацијата вечерва, американскиот претседател Џо Бајден рече дека Израел има недвосмислена, кристално чиста поддршка од Соединетите Американски Држави. Тој додаде дека САД ќе се погрижат Израел да го има она што му треба за „да се грижи за своите граѓани, да се брани или да одговори на напад на Хамас“.
„Хамас не се залага за правото на палестинскиот народ на достоинство и самоопределување“, рече Бајден, велејќи дека групата не нуди ништо друго освен „терор и крвопролевање без разлика кој ќе ја плати цената“.
Бајден вели дека САД ја зајакнале својата воена сила во регионот. „Му наложив на мојот тим да сподели разузнавачки информации и да распореди дополнителни експерти од целата влада на САД за да се консултираат и советуваат“ за напорите на Израел да ги врати заложниците.
Тој додаде дека 14 американски државјани се меѓу убиените во Израел.
„Нека нема сомнеж, САД го чуваат грбот на Израел. Ќе се погрижиме еврејската и демократска држава Израел да може да се брани денес, утре, како што секогаш правевме“, рече тој.
Американскиот претседател, нападот на Хамас врз Израел го нарече чин на чисто зло. Тој ја нарече радикалната исламистичка група „крвожедна, велејќи дека овие настани потсетуваат на најлошите злосторства извршени од ИСИЛ (Исламска држава) и го осуди Хамас за убиството на повеќе од 1.000 цивили.
„Хамас не се залага за палестинскиот народ“, рече Бајден. „Тие ги користеа Палестинците како жив штит“.
„За еврејскиот народ, за жал, ова не е ново“, продолжува тој. „Овие настани исфрлаат на површина болни сеќавања на антисемитизмот од минатиот век“, додаде тој.
Бајден потоа спомна некои од ужасните приказни што излегоа од Појасот Газа овие денови. „Родителите заклани користејќи ги нивните тела за да ги заштитат своите деца, извештаи за убиени бебиња, силувани жени прикажани како трофеи…“
„Ние стоиме со Израел, Америка стои со Израел“, рече Бајден во бурното обраќање. „Израел ќе има се што е потребно за да одговори на нападот на Хамас“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите

Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на која доделуваше ордени за Видовден, претседателот Вучиќ кажа дека граѓаните не треба да се грижат за она што ќе се случува вечерва.
„Денес е убав ден, денес е голем ден, денес е празник, денес е Видовден. Ќе видите, ведро е, што е тоа мал број на луѓе на литературното попладне, или вечер, весели луѓе кои го слават празникот, кои го слават Видовден, весели луѓе бидејќи знаат дека Србија победила. А вечер ќе видите бесни луѓе, некои кои на крајот ќе завршат во насилство затоа што не си оставиле друг избор“, рече Вучиќ и додаде: “Немам страв за конечниот исход, Јас уште еднаш ја користам оваа прилика, ги молам како татко да не го прават тоа. Секогаш е подобро да се повлечете во некој момент отколку да направите некаква лудост поради која ќе се каете цел живот. Но, тука завршувам. Немам баш никаков страв за тоа каков е конечниот исход. Само сакам да ја сочувам целата ситуација, пред се младите луѓе и овие постари“, рече претсетдателот Вучиќ.
Зборувајќи за најавениот протест на студентите кажа и точно кога очекува да почне насилството.
„Од 15 до 9 до 15 до 10 очекувајте почеток на насилство“, рече претседателот Вучиќ.
Почетокот на протестот на студентите во Белград е најавен за вечерва во 18 часот. Ќе трае три часа, а студентите се оградија од сите настани што ќе се случуваат по 21 часот.
Свет
Голем видовденски протест вечерва во Белград, студентите се огласија за ненадлежни за она што ќе се случува по 21 часот

Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18 часот и ќе трае три часа, а најголема енигма е што ќе се случува потоа, бидејќи студентите порачаа дека не се надлежни за ништо по 21 часот, објави Нова.рс.
Студентите пред неколку дена објавија дека ако Владата не ги исполни нивните два барања, најавена е и граѓанска непослушност.
Првото барање е распуштање на Народното собрание, со цел да се распишат предвремени парламентарни избори до 21 часот денес, а второто барање е Владата да апелира до Министерството за внатрешни работи до 21:00 часот на 28 јуни, во согласност со член 18 од Законот за јавни собири, кој се однесува на чл. 8 од истиот Закон, да се прекине наводно пријавениот собир во Пионирскиот парк и плоштадот Никола Пашиќ.
Свет
Трамп повторно би го бомбардирал Иран ако извештаите покажат загрижувачки заклучоци за збогатување на ураниум

Претседателот на САД, Доналд Трамп, денес изјави дека апсолутно ќе го преиспита бомбардирањето на нуклеарните објекти на Иран доколку смета дека е потребно, пишува „Си-ен-ен“
„Секако, без сомнение, апсолутно“, им рече Трамп на новинарите во брифингот во Белата куќа, кога директно беше прашан дали би размислил за бомбардирање на земјата доколку идните разузнавачки извештаи покажат загрижувачки заклучоци за збогатувањето на ураниум на Иран.
Трамп рече дека не верува дека Иран би можел „повторно да влезе во нуклеарната програма во скоро време“ по нападите на САД врз неговите нуклеарни објекти минатата недела.
Администрацијата продолжи да изразува доверба во успехот на тие напади, но не понуди никакви разузнавачки податоци за да го поткрепи тврдењето на Трамп дека нуклеарната програма на Иран е, според неговите зборови, уништена.
„Може ли да ви кажам – тие се исцрпени. И Израел е исто така исцрпен. Разговарав со едната и со другата земја, и двете сакаа тоа да се реши – и двете – и ние направивме одлична работа. Но, тие се исцрпени. Последното нешто за кое размислуваат во моментов е нуклеарното оружје. Знаете за што размислуваат? Тие размислуваат за утре, за тоа како да преживеат“, рече американскиот претседател.