Свет
(Видео) Бајден направи неколку киксови во низа, на градоначалничката на Чикаго ѝ се обрати со „господине“
Aмериканскиот претседател, Џо Бајден, имаше неколку неприкладни коментари во телевизиски говор, во кој зборуваше за воведување задолжителни вакцини меѓу приватните работодавачи, како на пример оној кога на градоначалничката на Чикаго, Лори Лајтфут, ѝ се обрати со „господине“.
„Господине градоначалник, ви благодарам за поканата да го посетиме вашиот град. Ви велам, секој пат кога доаѓам во Чикаго сакам да украдам некого и да го вратам во Вашингтон. Ова го направив неколку пати”, рече Бајден (78) пред градоначалничката.
Некои од присутните сфатиле дека Бајден всушност мислел на градоначалникот на Елк Гроув Вилиџ, Крег Џонсон, пишува „Експрес“. Имено, за време на своето патување во таа населба во Илиноис, претседателот ги повикал приватните работодавачи да воведат задолжителна вакцинација.
Но, тоа не е крај на приказната. Бајден направил дополнителна грешка кога се обидел да се повика на претседателот на Сенатот во Илиноис, Дон Хармон.
Joe Biden in Illinois: “The Ohio Pennsylvania, the Ohio Pennsylvania *gestures to himself* Pennsylvania, the Illinois president” pic.twitter.com/wjAlK3xK4w
— RNC Research (@RNCResearch) October 7, 2021
Американскиот претседател потоа ја замени телевизијата со телефонски разговор кога им раскажа на гледачите за комуникација со вработен во болница.
„Синоќа бев на телевизија, на телевизија… Всушност, имав телефонски разговор со лице од одделот за итни случаи во една болница“, се присети тој.
Joe Biden: “Last night I was on the television, on television, i was on…the….telephone” pic.twitter.com/SsHOvHBenF
— RNC Research (@RNCResearch) October 7, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.
Свет
Еден загинат и 11 повредени во руски напад со дронови врз Киев, меѓу нив и дете
Најмалку едно лице загина синоќа, а 11 се повредени во руски напад со дронови врз Киев, соопштија градските власти.
Градоначалникот Виталиј Кличко изјави дека меѓу повредените е тринаесетгодишно момче.
Воената администрација на Киев ги предупреди жителите и на заканата од напад со балистички ракети и ги повика да останат во затворен простор.
Шефот на воената администрација на Кијева, Тимур Ткаченко изјави дека еден човек загинал во нападот, како и дека бројот на повредени не е конечен.

