Свет
(Видео) Бајден ќе му ја остави одлуката за забрана на „Тик-ток“ на Трамп
Претседателот на САД, Џо Бајден, нема да спроведе забрана на платформата за социјални медиуми „Тик-ток“, која треба да стапи во сила еден ден пред да ја напушти функцијата в понеделник, изјави вчера неименуван американски функционер. Судбината на апликацијата на тој начин останува во рацете на новоизбраниот претседател Доналд Трамп, пишува АП.
Минатата година, Конгресот, во нацрт-законот потпишан од Бајден, побара од кинеската матична компанија на „Тик-ток“, „Бајтденс“, да ја продаде компанијата до 19 јануари, ден пред инаугурацијата на новиот претседател. Официјалниот претставник рече дека администрацијата во заминување му го препушта спроведувањето на законот – и можното спроведување на забраната – на Трамп.
Службеникот, кој зборуваше под услов да остане анонимен, даде детали за внатрешните планови на администрацијата на Бајден. Трамп, кој претходно повика на забрана на апликацијата, оттогаш вети дека ќе ја осигури нејзината достапност во САД, иако неговиот транзициски тим допрва треба да открие како планираат да го постигнат тоа.
Извршниот директор на „Тик-ток“, Шоу Жи Чу, се очекува да присуствува на инаугурацијата на Трамп и да добие истакната позиција, а советникот за национална безбедност на Трамп ја сигнализира можноста новата администрација да преземе чекори за да спречи исклучување на „Тик-ток“, според АП.
Извршниот директор на „Тик-ток“ се очекува да седи заедно со други технолошки лидери, вклучувајќи ги Илон Маск, извршен директор на „Спејс Икс“, Марк Цукерберг, извршен директор на „Мета“, Сем Алтман, извршен директор на „Опен АИ“, и основачот на „Амазон3, Џеф Безос, според извори блиски до инаугурацијата.
Joe Biden now says they won’t enforce the TikTok ban on January 19
They are leaving it up to Donald Trump to figure it out
“Our position on this has been clear: TikTok should continue to operate under American ownership … it will be up to the next administration to… pic.twitter.com/GdtMezw7Km
— Culture Crave 🍿 (@CultureCrave) January 16, 2025
Новоименуваниот советник за национална безбедност, Мајк Волц, вчера изјави за „Фокс њуз“ дека федералниот закон, кој може да го забрани „Тик-ток“ до недела, исто така „дозволува продолжување доколку има остварлив договор на маса“.
Напорите да се спаси „Тик-ток“, како и обидите да се забрани во САД, имаат поддршка од двете страни на политичкиот спектар. Демократскиот лидер во Сенатот, Чак Шумер, рече дека разговарал со Бајден за можноста за продолжување на забраната.
JUST IN: The Biden administration signals it won’t enforce the TikTok ban, will let the Trump administration deal with it, according to ABC News.
Good.
“Our position on this has been clear: TikTok should continue to operate under American ownership. Given the timing of when it… pic.twitter.com/YjYPP62DWs
— Collin Rugg (@CollinRugg) January 16, 2025
„Јасно е дека е потребно повеќе време за да се најде американски купувач и да се избегне нарушување на животот на милиони Американци и на многубројни инфлуенсери, кои изградија силна мрежа на следбеници“, рече Шумер вчера во Сенатот.
Демократите се обидоа да донесат закон во средата, со кој ќе се продолжи рокот, но републиканскиот сенатор Том Котон од Арканзас го блокира предлогот. Котон, претседател на Комитетот за разузнавање на Сенатот, рече дека „Тик-ток“ имал доволно време да најде купувач.
„’Тик-ток’ е кинеска комунистичка шпионска апликација, која ги заробува нашите деца, ги собира нивните податоци, ги таргетира со штетна содржина и шири комунистичка пропаганда“, рече Котон.
Минатата недела Врховниот суд сослуша усни аргументи во правно оспорување на законот поведен од „Тик-ток“, „Бајтденс“, и од корисниците на апликацијата, пренесе АП. Се чини дека судот ќе го поддржи законот, кој бара од „Бајтденс“ да го продаде „Тик-ток“ врз основа на националната безбедност или ќе се соочи со забрана на еден од најголемите пазари.
.@SenMarkey: “Today, Senator Booker, Senator Van Hollen and I have sent a letter to President Biden urging him to trigger a provision in the statute to extend the TikTok deadline by 90 days. TikTok has become an integral part of our lives…” pic.twitter.com/gZnHJKs6RY
— CSPAN (@cspan) January 16, 2025
„Ако Врховниот суд пресуди во корист на законот, претседателот Трамп јасно стави до знаење дека, прво, ‘Тик-ток’ е одлична платформа што ја користат многу Американци и која ѝ помогна на неговата кампања и, второ, тој ќе ги заштити нивните податоци“, рече Волц во средата.
„Тој е преговарач. Не сакам да прејудицирам за извршните наредби, но создаваме простор да постигнеме договор“, додаде тој.
Во средата, Пем Бонди, изборот на Трамп за државен обвинител, избегна да одговори на прашање за време на сослушувањето во Сенатот за тоа дали ќе поддржи забрана на „Тик-ток“.
Трамп го промени својот став за популарната апликација откако се обиде да го забрани за време на својот прв мандат поради загриженост за националната безбедност. За време на претседателската кампања во 2024 година тој се приклучи на „Тик-ток“, а неговиот тим го искористи за да се поврзе со помладите гласачи, особено со младите мажи, промовирајќи содржини со цел да станат вирални. За време на кампањата тој вети дека ќе го спаси „Тик-ток“ и ѝ припиша заслуга на платформата за освојување повеќе гласови од младите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Американски генерал: Руската армија е поголема денес отколку кога ја започнаа војната во Украина
На НАТО ќе му требаат повеќе ракети со долг дострел во својот арсенал за да ја одврати Русија од напад врз Европа, бидејќи се очекува Москва да го зголеми производството на оружје со долг дострел, изјави американскиот генерал Џон Раферти за Ројтерс.
Ефикасната употреба на ракети со долг дострел од страна на Русија во војната во Украина ги убеди западните воени претставници за нивната важност за уништување на командни пунктови, транспортни центри и лансери за ракети длабоко зад непријателските линии.
„Руската војска е поголема денес отколку кога ја започнаа војната во Украина“, рече генерал-мајор Раферти во интервју во американската воена база во Висбаден, Германија. „Знаеме дека тие ќе продолжат да инвестираат во ракети со долг дострел и софистицирана воздушна одбрана. Затоа поголемите капацитети на алијансата се навистина, навистина важни.“
Војната во Украина ја истакна големата зависност на Европа од Соединетите Држави за снабдување со ракети со долг дострел, бидејќи Киев се обидува да ја зајакне својата воздушна одбрана.
Раферти неодамна го заврши својот мандат како командант на 56-та артилериска команда на американската армија во германскиот град Мајнц-Кастел, која се подготвува за привремено распоредување на американски ракети со долг дострел на европско тло од 2026 година.
На состанокот со американскиот секретар за одбрана Пит Хегсет во понеделник, се очекува германскиот министер за одбрана Борис Писториус да се обиде да разјасни дали ваквите распоредувања, договорени меѓу Берлин и Вашингтон кога Џо Бајден беше претседател, ќе бидат имплементирани сега кога Доналд Трамп се врати во Белата куќа.
Свет
ОН тврди дека најмалку 798 Палестинци се убиени во Газа додека примале помош
Најмалку 798 луѓе во Газа се убиени додека примале хуманитарна помош во изминатите шест недели, соопшти канцеларијата на ОН за човекови права.
Како што пишува „Скај њуз“, портпаролот на Високиот комесар на ОН за човекови права изјави дека 615 од убиствата – помеѓу 27 мај и 7 јули – се случиле „во близина“ на локации управувани од контроверзниот Хуманитарен фонд за Газа (ГХФ) поддржан од САД и Израел.
Други 183 лица „веројатно се убиени по рутата на конвоите со помош“, според Равина Шамдасани.
Канцеларијата соопшти дека нејзините податоци се собрани од различни извори, вклучувајќи болници, гробишта и семејства во Појасот Газа, како и невладини организации, партнери на терен и здравствени власти управувани од Хамас.
ГХФ, според „Скај Њуз“, тврди дека податоците се „лажни и погрешни“ и постојано негира какво било насилство на или околу нивните локации.
Организацијата започна со дистрибуција на пакети со храна во Газа кон крајот на мај, откако Израел ја ублажи 11-неделната хуманитарна блокада на крајбрежната енклава.
ГХФ има четири дистрибутивни центри, од кои три се во јужниот дел на Појасот Газа. Локациите се недостапни за независните медиуми, чувани од приватни компании за обезбедување и се наоѓаат во области каде што дејствува израелската војска.
Свет
Поранешен шеф на МИ6: Путин се прецени и нема воено решение
Рускиот претседател Владимир Путин свиреше на американскиот претседател Доналд Трамп „како виолина“ за неговите планови за Украина, но сега „претера“, според поранешен шеф на МИ6.
Сер Алекс Јангер, кој ја водеше британската тајна разузнавачка служба од 2014 до 2020 година, верува дека обидите на Путин да го измами американскиот претседател дека се пријатели му се удрија од глава.
Тој предупреди дека сè поинтензивното бомбардирање на Киев и другите украински градови би можело целосно да го уништи односот меѓу Трамп и Путин. Зборувајќи за BBC Newsnight, поранешниот шеф на разузнавањето нагласи дека е „збунет“ што поранешниот офицер на КГБ Путин „претерал“.
„Досега го играше Трамп како виолина. Тој создаде идеја дека тие се пријатели и дека се еднакви и дека заедно можат да ги решат сите светски проблеми. Но, на Доналд Трамп му станува многу јасно дека Путин нема друг план освен да ја покори Украина и дека самиот тој ќе изгледа како марионета на крајот ако Путин продолжи, а тоа не е прифатливо“, рече Јангер.
„Путин се прецени себеси… И нема воено решение. Изгуби милион луѓе за три години, а има помалку територија отколку што имаше во 2022 година, во ред? Значи, Трамп е неговото единствено решение. Тој игра многу опасна игра тука“, продолжи тој.
Трамп денес потврди дека САД ќе испратат нови пратки оружје во Украина, вклучувајќи моќни системи за воздушна одбрана „Патриот“.
„Ќе ги испратиме ‘Патриотите’ во НАТО, а потоа НАТО ќе ги дистрибуира понатаму“, изјави Трамп за Ен-би-си Њуз, додавајќи дека алијансата ќе ги покрие сите трошоци.
„НАТО ќе ги надомести трошоците“, истакна тој.
„Ќе глумиме дека не сме виделе?! Ќе чекаме некој да биде убиен за да се освестиме?!“, праша Јакимовски
Градоначалникот на општина Карпош, Стевчо Јакимовски се огласи на социјалните мрежи, по нападот врз градоначалничката Данела Арсовска. „Она што ѝ...
(Видео) Арсовска објави снимка од нападот: Јас го напаѓам него или тој мене?
Градоначалничката на Град Скопје, Данела Арсовска објави снимка од денешниот напад врз неа, на социјалните мрежи. Во објавата на социјалните...
(Видео) „Тошковски ако се плашиш бе момче дај си оставка“: Арсовска обвини дека МВР функционира во одбрана на криминалци
Градоначалничката Данела Арсовска се огласи преку социјалните мрежи, откако излезе од полициската станица, по денешниот напад врз неа. „Штотуку излеговме...
Шест часа од бруталниот напад врз градоначалничката на Скопје, а од ВМРО-ДПМНЕ и Мицкоски сè уште нема ни збор за осуда, вели Филипче
Претседателот на Социјалдемократкиот сојуз на Македонија, Венко Филипче, повика на итна одговорност и поведување постапка против насилниците кои денеска брутално...
„Истрага за полициските службеници што не го спречиле нападот врз градоначалничката Арсовска“, бара Хелсиншкиот комитет
Хелсиншкиот комитет за човекови права најостро го осудува физичкиот и вербалниот напад врз градоначалничката на Град Скопје, Данела Арсовска, што...
(Видео) СДСМ со осуда за нападот на Арсовска: Тоа е срам за државата и порака до сите граѓани дека ако зборуваат за криминал и неправда, ќе бидат замолчени со сила
Социјалдемократскиот сојуз на Македонија, најостро го осудува нападот врз официјални лица од Градот Скопје. Овој брутален напад е последица на...
Aрсовска нападната во Чаир додека извршувала работни задачи: побарала лекарска помош
Градоначалничката на град Скопје, Данела Арсовска, денеска е физички нападната при извршување работни задачи во Чаир. Кон неа биле упатени...
Сторителот од Батинци е идентификуван, но е во бегство, соопшти ОЈО
Дежурен јавен обвинител извршил увид на местото на настанот во Батинци, каде што денеска се случил трагичен инцидент. Од Обвинителството...
Мицкоски треба да најде начин да се извини, вели бугарскиот премиер
Наративот и изразувањето на премиерот Христијан Мицкоски ќе им го оставам на оние што го познаваат Езоп. Република Македонија мора...
Припадник на Армијата загина во трагичен настан во Батинци: Mинистерството за одбрана го потврди случајот
Од Министерството за одбрана информираат дека лицето со иницијали А. М. од скопското село Батинци, кое било нивен припадник, е...
Фон дер Лајен: ЕУ знае дека е одговорна за неуспехот да се спречи геноцидот во Сребреница
Европската унија никогаш нема да заборави што се случи во Сребреница пред 30 години, ја признава својата одговорност за неуспехот...
Поставен камен-темелник на новата фабрика на „Чагатај кабло“, инвестиција вредна 6 милиони евра
Поставен е камен-темелник на новата фабрика на „Чагатај кабло“, инвестиција вредна 6 милиони евра и 200 нови работни места, изјави...
Детали за драмата на пазарот во Битола: го избол со нож по расправија за тезга
Полицијата објави детали за настанот на пазар во Битола во кој едно лице со кујнски нож избоде продавач на тезга...
Пожари во Чучер Сандево, Прилеп, Македонски Брод, Дојран, Тетово – тестиран системот за масовно известување
До утрово, во земјава се евидентирани вкупно 38 пожари на отворен простор. Од нив, седум се активни, четири се ставени...
ВМРО-ДПМНЕ: Бугарија има јасна агенда за бришење на јазикот и идентитетот
Бугарија е разобличена пред Европа и светот, се потврди уште една неправда кон Македонија дека не станува збор за Бугарите...
Бугарското МНР реагира откога беше повикан нивниот амбасадор: „Се демонстрира непочит кон нашата земја“
Министерството за надворешни работи на Бугарија реагираше на, како што ги оцени, „навредливите, неприфатливи и непријателски“ изјави од страна на...
Делови од Скопје утрово ќе останат без струја
Поради технички зафати во електродистрибутивната мрежа, денес, без електрична енергија ќе останат: · од 07:00 до 12:00 часот, дел од...
Трамп: Мислам дека ќе дадам важна изјава за Русија в понеделник
Претседателот на САД, Доналд Трамп, вчера објави дека ќе даде важна изјава за Русија во понеделник, но не изнесе никакви...
„Прогласена е кризна состојба“ – СМС порака која стигна до граѓаните е тест за масовно известување во кризни состојби
Во текот на попладневните часови, дел од граѓаните добија СМС порака со следната содржина: „Ве известуваме дека има прогласена кризна...
Спасовски: СДСМ ги повлекува сите амандмани, бараме средства за справување со пожарите и настраданите во Кочани
Координаторот на пратеничката група на СДСМ, Оливер Спасовски, на денешната прес-конференција најави дека СДСМ и коалицијата ќе ги повлечат сите...
