Свет
(Видео) Бил Гејтс сликовито ја претстави својата идеја за пожарникари против пандемија

Коосновачот на „Мајкрософт“, Бил Гејтс, објави видео во кое повикува на воспоставување нов систем кој во иднина ќе помогне во спречување пандемии.
Според него, системот би вклучувал глобален систем за предупредување и т.н. пожарникари против пандемија, кои би биле целосно обучени професионалци подготвени веднаш да одговорат на потенцијална кризна состојба.
When it comes to preventing pandemics, scientific tools alone aren’t enough. We also need new capabilities, including a global alert system and infectious disease first responders (or what I like to call a pandemic fire squad): https://t.co/53Rf5uvjub pic.twitter.com/rTmM7STl6U
— Bill Gates (@BillGates) February 1, 2021
Гејтс исто така ја објасни својата идеја во годишното писмо што го објави на 27 јануари.
„Очекувам дека во текот на следните пет години ќе направиме огромен напредок во технологијата за развој на нови вакцини, во најголем дел поради успехот на mRNK-вакцините против Ковид-19. Исто така, верувам дека во иднина ќе видиме огромни подобрувања во дијагностицирањето и развојот на моноклонални антитела и предвидувам дека mRNK-вакцините во иднина ќе се развиваат побргу, во поголеми количини, и ќе бидат постабилни за складирање.
Тоа би бил голем чекор напред во справувањето со идните пандемии и за другите глобални здравствени предизвици. Овие вакцини нудат ветувачки резултати и за болести како што се ХИВ, туберкулоза и маларија. Напредокот во истражувањето и развојот, постигнат во борбата против Ковид-19, еден ден може да ни обезбеди алатки за конечно да ги запреме овие смртоносни болести“, вели во обраќањето познатиот милијардер и филантроп.
Сепак, како што нагласува тој, кога станува збор за спречување пандемија, само научниот напредок не е доволен.
Гејтс смета дека потребни ни се објекти на терен кои постојано ќе ги следат потенцијално опасните патогени микроорганизми. Додава и дека треба да се направат уште многу работи за да се дизајнираат нивниот изглед и функција, но исто така претставува и неколку негови идеи:
„Прво, треба да ги поставиме главните фокуси што е можно побргу. Ова ќе бара глобален систем за предупредување. ‘Рбетот на овој систем ќе бидат дијагностичките истражувања. Да речеме дека сте медицинска сестра во некоја локална амбуланта на село и забележувате дека пристигнуваат повеќе пациенти со кашлање отколку што очекувате во тој период од годината или можеби дури и повеќе луѓе умираат од нормалното – во тој случај би ги тестирале пациентите за вообичаените патогени микроорганизми. Доколку ниту еден тест не е позитивен, вашите примероци ќе бидат испратени на друго место за понатамошна анализа.
Ако вашиот примерок се покаже како супер инфективен или целосно нов патоген, тогаш на сцена стапува тимот што прв реагира на појавата на заразна болест. Замислете ги како пожарникари против пандемија. Исто како и пожарникарите, тие се целосно обучени професионалци, кои се подготвени веднаш да одговорат на потенцијална кризна состојба. Моја процена е дека ни требаат околу 3.000 такви вработени во светот“, вели Гејтс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Македонија ѝ понуди помош на Бугарија по катастрофалните поплави

Македонија е подготвена да обезбеди поддршка за справување со последиците од поплавите, објави претседателот на Бугарија, Румен Радев, на „Икс“, по телефонскиот разговор со македонската претседателка Гордана Сиљановска Давкова.
„Благодарност до претседателката Гордан Сиљановска Давкова за конструктивниот телефонски разговор и изразеното сочувство за жртвите од поплавите во Бугарија, како и за декларираната подготвеност на РСМ да обезбеди поддршка за справување со последиците од невремето“, напиша Радев.
Благодаря на президента Гордана Силяновска @gogamkd за конструктивния телефонен разговор и изразените съболезнования за жертвите при наводненията в България, както и за заявената готовност РСМ да окаже подкрепа за справяне с последиците от бедствието.
— President.bg (@PresidentOfBg) October 4, 2025
Бугарија се соочува со апокалиптични поплави. Снимките покажуваат како автомобилите се однесени од порои, а полицијата и жандармеријата се распоредени во критичните области.
Четвртата жртва од поплавите во реонот на туристичкото одморалиште Елените во Бугарија е откриена синоќа, изјави директорот на Регионалната дирекција на Министерството за внатрешни работи во Бургас, виш комесар Владимир Маринов.
БТА објави дека ситуацијата во одморалиштето Елените и поширокото подрачје на Бургас, во југоисточна Бугарија, полека се враќа во нормала.
Massive flooding due to heavy rainfall in Elenite, Burgas Province, Bulgaria 🇧🇬 pic.twitter.com/1w2cKP2lgA
— Disaster News (@Top_Disaster) October 3, 2025
Во невремето животот го загубија двајца спасувачи и еден граѓанин, кој во моментот на пристигнувањето на првиот голем бран се наоѓал во соба на приземјето од својата куќа.
Свет
Грета Тунберг изложена на суров третман во израелскиот притвор

Шведската активистка Грета Тунберг изјави дека била изложена на суров третман додека била во израелски притвор, откако израелските сили ја пресретнале хуманитарната флотила која носела помош за Газа и ги уапсиле членовите на екипажот.
Во е-писмо испратено од шведското Министерство за надворешни работи до луѓе блиски до Тунберг, а до кое имал пристап „Гардијан“, се наведува дека активистката била затворена во ќелија полна со креветни бубачки и со недоволно храна и вода.
Според очевидци, Тунберг се жалела дека била дехидрирана и дека не примала доволно храна и вода. Таа исто така пријавила дека развила осип, за кој смета дека е предизвикан од креветни бубачки.
Исто така, според сведочења од други членови на флотилата, израелските сили ја принудиле Тунберг да држи израелско знаме.
Турската активистка Ерсинчелик, која била сведок на настанот, изјавила дека Тунберг била влечена за коса, тепана и принудена да го бакне знамето. Според неа, ова било предупредување за другите активисти.
Новинарот Лоренцо Д’Агостино, исто така дел од флотилата, по враќањето во Истанбул ја опишал ситуацијата како „невозможно да се поверува“, бидејќи Тунберг била завиткана во израелско знаме и парадирала со него, што предизвикало гнев и неверица меѓу присутните.
Инаку, Тунберг е меѓу 437 активисти, пратеници, адвокати, кои беа дел од флотилата „Глобал Сумуд“, која се состоеше од повеќе од 40 бродови што носеа хуманитарна помош, чија цел беше да се пробие 16-годишната израелска поморска блокада на Газа.
Израелските сили ги пресретнаа сите бродови и ги уапсија сите членови на екипажот на бродот. Повеќето од нив се наоѓаат во Кезиот, познат и како Ансар III, затвор со висок степен на безбедност во пустината Негев, кој првенствено се користи за држење палестински затвореници, од кои многумина Израел ги обвинува за вмешаност во милитантни или терористички активности.
Свет
(Фото+видео) Масовен руски напад врз Украина, Полска подигна борбени авиони

Русија изврши серија напади врз Украина во текот на ноќта, при што беа убиени и повредени неколку лица. Полска распореди борбени авиони поради опасноста по својот воздушен простор, јавуваат локалните медиуми.
Украина објави дека во рускиот напад врз Запорожје едно лице било убиено, а шест други ранети, меѓу кои и 16-годишно девојче.
There are water and electricity outages in Zaporozhye after a combined attack by multiple drones and KAB bombs struck the city. pic.twitter.com/Tg3X5eUEYR
— Gabe (@GabeZZOZZ) October 5, 2025
Шефот на југоисточниот украински регион, Иван Федоров, објави дека во рускиот „комбиниран напад“ (напад со ракети и беспилотни летала) една жена била убиена, а шест други лица ранети. Според Федоров, лекарите им обезбедиле неопходна медицинска помош на повредените.
Во времето на нападот, во 4:09 часот по локално време, низ цела Украина била прогласена национална воздушна тревога.
🇷🇺🇺🇦 Large fire is burning in Lviv following Russian missiles and drones strikes.
In addition to reported strikes on Lviv, Zaporozhye, and Odessa. Russian strikes also took place in Kharkiv, Dnepropetrovsk, Ivano-Frankivsk, Rivne, and the Chernihiv regions. pic.twitter.com/WfpWQdvUgy
— Heyman_101 (@SU_57R) October 5, 2025
Полските вооружени сили објавија дека ставиле во готовност воздушна одбрана и распоредиле борбени авиони за заштита на својот воздушен простор, особено во близина на украинската граница.
Во последните денови, Русија ги интензивираше нападите врз енергетската инфраструктура на Украина, со оглед на намалените температури и приближувањето на зимата. Овој викенд, Москва го спроведе најголемиот напад досега на украинската гасна мрежа. Нападите во саботата предизвикаа прекин на снабдувањето со електрична енергија за околу 50.000 домаќинства во северниот регион Чернигов.
Another massive attack on the west of Ukraine. Missiles and drones.
Every night Ukraine stands between russia and Europe.
When Ukraine can’t – who will protect you? pic.twitter.com/feoWYvW8Hm— Tetїana 🇺🇦 (@TPSpindel) October 5, 2025
Во Лавовската област, најмалку две лица биле убиени, а две повредени во напад со руски дрон и ракета во текот на ноќта. Командата на украинските воздухопловни сили и системите за противвоздушна одбрана соопштија дека Киев и голем број други региони беа мета на воздушни напади од страна на Русија.
Покрај Киев, нападите ги погодија и следниве региони: Хмелницки, Деражња, Сатанив, Виницки регион, Вапњарка, Немиров, Жмеринка, Козјатин, Запорожје, Днепар, Одеса.