Свет
(Видео) „Борците на Хамас излегоа од тунелот, бевме опколени од неколку страни“, израелски војник опишува како изгледаат борбите на теренот во Газа

Израелските одбранбени сили (ИДФ) објавија на социјалните мрежи видео од разговор со војник кој наводно во текот на ноќта се судрил со припадниците на Хамас.
Тој рече дека борците на Хамас скокнале од тунелот, лансирале противтенковски ракети врз израелските сили и се обиделе да се качат на израелско оклопно возило.
На тој напад одговориле израелските војници и ги насочиле авионите и нападите врз членовите на Хамас, при што некои од нив убиле, а другиот дел избегал.
Soldiers from the Golani Brigade’s 13th Battalion and the Armored Corps’ 53rd Battalion clashed with multiple terrorist squads inside Gaza overnight.
The terrorists fired anti-tank missiles at the troops, activated a number of IEDs and attempted to climb onto one of the troop’s… pic.twitter.com/0hH6KzEvpO
— Israel Defense Forces (@IDF) November 3, 2023
„Борците на Хамас излегоа од тунелот и бевме опколени од неколку страни. Почнаа да пукаат со минофрлачи. Благодарение на добрата подготовка успеавме да им се спротивставиме и убивме еден дел од милитантите, а другите ги избркавме. Продолжуваме со копнени напади“, рече војникот на ИДФ.
Израелските лидери изјавија дека Хамас ќе биде избришан од лицето на Земјата и дека Газа никогаш нема да се врати на она што беше.
Влегувањето во Појасот Газа значи борби од куќа до куќа и носи огромни ризици за повеќе од два милиона цивили. Официјални лица во Газа, управувана од Хамас, велат дека повеќе од 8.000 луѓе веќе се убиени, а стотици илјади други ги напуштиле своите домови.
ИДФ има дополнителна задача – спасување на повеќе од 200 заложници, кои се држат на непознати локации во Газа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.