Свет
(Видео) Водач на месијански култ кој тврди дека е реинкарнација на Исус уапсен во Русија
Водачот на еден на месијански култ, кој се смета себеси за реинкарнација на Исус, е уапсен во Русија. Сергеј Тороп (59) ќе се соочи со обвиненија за организирање нелегална религија и изнудување пари од членовите на неговиот култ, кои, наводно, емоционално ги злоупотребил, пренесува „Њујорк пост“.
Федералните безбедносни сили на Русија спровеле специјална операција со хеликоптери и вооружени полицајци за напад на култот во регионот на Краснојарск, во Сибир, и апсењето на Тороп, поранешен сообраќаен полицаец познат на своите илјадници следбеници како Висарион, и двајца негови соработници.
Властите, исто така, го уапсиле и Вадим Редкин, десната рака на Тороп, и уште еден соработник по име Владимир Ведерников.
Истражниот комитет на Русија го обвини Тороп, кој носи долга коса и брада, за користење на парите на следбеници и психолошко насилство за нанесување штета, објави „Москоу тајмс“.
Russia’s FSB is storming the Siberian settlement of the Church of the Last Testament and has arrested its leader Vissarion, who says he’s a reincarnation of Jesus Christ and has some 4,000 avowed followers. Vissarion and his aides were taken away in helicopters, Mash reports. pic.twitter.com/CiION9ml7x
— Matthew Luxmoore (@mjluxmoore) September 22, 2020
Откако ја изгубил работата како сообраќаен полицаец во 1989 година, Тороп рекол дека доживеал „будење“ што го инспирирало да почне движење наречено Црква на последниот Завет, кое го меша христијанството со екологијата и со другите вредности.
„Јас не сум Бог. И, грешка е да се гледа Исус како Бог. Но, јас сум живиот збор на таткото Бог. Сè што Бог сака да каже, тој вели преку мене “, изјавил тој за „Гардијан“ во 2002 година.
Here's a nice Guardian photo-essay on the Vissarion cult, one of hundreds of religious cults that emerged in Russia when the Soviet Union – and the set of convictions it enshrined – collapsed in 1991 https://t.co/yJpG2xkPwL
— Matthew Luxmoore (@mjluxmoore) September 22, 2020
Тој, наводно, тврдел дека „Бог го испратил на земјата да го подучува човештвото за злата на војните и за уништувањата што ги предизвикуваме во животната средина“.
Култот има околу 20 рурални населби длабоко во јужната сибирска дивина, каде што живеат околу 4.000 следбеници – или „висарионити“, пишува „Москоу тајмс“. Црквата на последниот Завет тврди дека нејзините изолирани населби во сибирската шума се најголемиот верски резерват на светот. Покрај 4000 следбеници кои живеат таму, црквата има уште 6.000 следбеници низ светот.
Во 2017 година, Висарион изјави за Би-би-си: „Овде имаме училиште за благородни девици. Ги подготвуваме девојките да станат идни сопруги, идни невести за достојни мажи”, додавајќи дека жените треба да разберат дека не треба да се издигнуваат над мажот, да не бидат горди на својата независност, туку да бидат срамежливи, незабележителни и слаби“.
Висарион има шест деца со две жени, а во една фаза се оженил со 19-годишна девојка која живеела со него од седумгодишна возраст“, пишува „Дејли мејл“.
Претходно годинава, заменикот на Висарион, Вадим Редкин, изјави за „Москоу тајмс“ дека барањата за членство во црквата се зголемиле тројно за време на епидемијата на коронавирус.
Не е веднаш јасно што ги поттикнало властите да тргнат против Тороп. Руската православна црква го критикуваше култот во минатото иако организацијата во голема мерка помина без проблеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Гувернерот на Калифорнија сака да биде претседател на САД
Гувернерот на Калифорнија, демократот Гавин Њусом, изјави во интервју за „Си-Би-Ес“ дека сериозно размислува за кандидатура за претседател на САД во 2028 година, пренесе „Хина“.
Тој нагласи дека конечната одлука ќе ја донесе по изборите за Претставничкиот дом и Сенатот во 2026 година. „Да, би лажел кога би рекол поинаку“, рече Њусом на прашањето дали планира да се кандидира.
Како што потсетува агенцијата, Њусом оваа година ја зацврсти својата позиција во Демократската партија, особено поради честите судири со актуелниот претседател Доналд Трамп.
Инаку, според Уставот на САД, Трамп нема право на трет претседателски мандат.
Изборите за американскиот Конгрес ќе се одржат во ноември 2026 година.
California Gov. Gavin Newsom says he’s open to a presidential run.
The Democrat and frequent Trump critic said he’ll give serious thought to a White House bid after next year’s midterms. “I’d be lying otherwise,” Newsom said, adding that “fate will determine” his decision and a… pic.twitter.com/uD8OqNrnHE
— CBS Sunday Morning 🌞 (@CBSSunday) October 26, 2025
Регион
„Ројтерс“: Нафтата за Србија заглави во Хрватска, американските санкции го блокираа танкерот на НИС
Американските санкции воведени против Нафтната индустрија на Србија (НИС), која е во мнозинска руска сопственост, ја спречиле клучната испорака на сурова нафта, што може да доведе до запирање на единствената рафинерија во земјата доколку не се обезбедат нови залихи, пренесе „Ројтерс“, цитира „Индекс“.
Според неименувани извори запознаени со ситуацијата, Србија има само уште неколку дена пред рафинеријата на НИС во Панчево да мора да го прекине процесот на преработка на сурова нафта. Од компанијата не дале коментар.
Претседателот Александар Вучиќ уште на 9 октомври предупреди дека рафинеријата, која снабдува голем дел од пазарот со горива, вклучувајќи бензин и авио-гориво, ќе има тешкотии по 1 ноември. Сепак, Вучиќ порача дека складиштата се полни и дека постојните резерви ќе бидат доволни до крајот на годината.
„Нема да има недостиг од сурова нафта, нејзини деривати ниту енергетска криза“, изјави тој минатата недела.
Испораката запрена во Хрватска
Како што наведува „Ројтерс“, танкерот Maran Helios, кој превезувал околу еден милион барели казахстанска сурова нафта (KEBCO) за НИС, пристигнал во хрватското пристаниште Омишал на 9 октомври — токму на денот кога стапиле во сила санкциите. Меѓутоа, товарот никогаш не стигнал до Србија.
Хрватскиот оператор „Јанаф“ соопштил дека до 8 октомври ја испорачал целата нафта што се наоѓала во неговиот систем и била во сопственост на НИС, и дека по тој датум немало нови испораки за Србија.
Ова, според агенцијата, укажува дека казахстанската нафта купена од НИС воопшто не била примена во системот. „Ројтерс“ не успеал да потврди дали товарот, кој бил истоварен во вторникот по две недели чекање пред пристаништето, е складиран во Омишал или препродаден на друг купувач.
Можна енергетска криза во Србија
Блокираната пратка на сурова нафта би била доволна за работа на рафинеријата во Панчево околу десет дена. Иако моменталните резерви се речиси целосни, нивното намалување ќе ја направи Србија сè позависна од увоз.
Русија и Србија, како што наведува „Ројтерс“, се обидуваат да најдат решение со кое би се укинале американските санкции што стапија на сила по истекот на последното изземање.
„За мене тоа не е прашање. Рафинеријата мора да работи, а бензинските пумпи мора да останат оперативни“, изјавила за „Ројтерс“ Надежда Кокотовиќ, поранешна раководителка на канцеларијата на НИС за односи со Европската унија.
Регион
Словенечката влада во криза поради смртта на маж претепан пред локал
Словенечката јавност е потресена поради трагичниот настан во Ново Место, каде што во петокот вечерта 48-годишен маж бил претепан до смрт пред угостителски објект на улицата Розманова.
Според првичните информации, жртвата дошла да го земе својот син, кој претходно ја повикал полицијата поради закани од група млади лица. Полицијата уапсила 21-годишен осомничен од општината Шентјернеј, а како што изјавил Матјаж Штерн од криминалистичката полиција, „поводот бил неколку изговорени зборови“. Против осомничениот ќе биде поднесена кривична пријава за тешки телесни повреди со смртна последица, дело за кое е предвидена казна од 5 до 15 години затвор, пренесува „Индекс“
Директорот на Полициската управа Ново Место, Игор Јуршич, изразил сочувство до семејството и најавил засилено полициско присуство во наредните денови.
„Не очекуваме ескалација, но сме подготвени на сите сценарија“, изјавил Јуршич, пренесува „Индекс“.
Оставки на двајца министри и кризен состанок
Премиерот Роберт Голоб свикал итен состанок на државниот врв, по кој министерката за правда Андреја Катиќ и министерот за внатрешни работи Боштјан Поклукар поднеле оставки. Тие навеле дека заминуваат поради објективна одговорност и желба да придонесат за смирување на напнатата ситуација.
„Секое насилство е неприфатливо. Преземам одговорност и поднесувам оставка“, изјавил Поклукар, додека Катиќ додала: „Секој мора да размисли за својата одговорност – јас тоа го направив“.
Голоб: Луѓето имаат право на безбедност
Премиерот Голоб изразил сочувство до семејството на жртвата и најавил нов пакет законски мерки за подобрување на безбедноста во земјата.
„Луѓето имаат право на сигурност, а тоа право вчера не беше исполнето. Виновникот ќе одговара, но не смееме болката да ја претвориме во омраза или одмазда“, изјавил Голоб, одбивајќи ги повиците на опозицијата за негова оставка.
Остра реакција на опозицијата
Опозициските партии ја обвинија владата за неефикасност. Од СДС порачаа дека премиерот Голоб и неговата коалиција „индиректно ја имаат оваа смрт на совест“, барајќи оставка на целата влада. Сличен став изразија и НСи, како и лидерот на Демократите, Анже Логар, кој изјави дека министерот за внатрешни работи „повеќе нема легитимитет“.
Повик за смиреност и осуда на насилството
Советот за национална безбедност предложил засилено полициско присуство во Ново Место. Државниот секретар Војко Волк истакнал дека „кога некој ќе изврши кривично дело, тоа е криминалец – без разлика дали е Ром или Словенец“.
Претседателката на државата Наташа Пирц Мусар свикала итна седница на парламентот и апелирала трагедијата да не се користи за политички поени.
„Ни треба трезвена и одговорна расправа“, рекла таа.
Реагирале и ромските здруженија – Јожек Хорват Муч, претседател на Советот на ромската заедница, го осудил убиството и повикал на соживот, додека Дарко Рудаш од Форумот на ромските советници нагласил дека „насилството нема националност“ и побарал поголема полициска видливост за сигурност на сите граѓани.

