Свет
(Видео) Во близина на Москва изгоре зграда – осум загинати, луѓето во паника скокаа од прозорците

Се запали зграда во Фрјазин, град кој се наоѓа на 25 километри североисточно од Москва. Најмалку осум лица загинаа, јави ТАСС.
Итната помош потврдила дека дошло до уривање на градежната конструкција.
Девет лица останале заробени во зградата за време на пожарот. Снимката објавена од Канал 112 на Телеграм покажува како некои луѓе кршат прозорци додека црниот чад излегува од зградата.
There was an explosion in the burning building in Fryazino
Roselectronics said that the building burning in Fryazino has nothing to do with the Platan Research Institute, it was transferred to private ownership back in the 1990s.
The area of the fire in the building on the… pic.twitter.com/OH2FUKNf1y
— NEXTA (@nexta_tv) June 24, 2024
На социјалните мрежи се прошири видео на кое се гледа како маж скока од прозорец од голема височина. Друг, со тешки изгореници, паднал од горните катови.
„Напорите се насочени кон спасување луѓе и гаснење на пожарот“, изјави претходно извор од службата за итни случаи. На местото беше испратен хеликоптер Ка-32 од Московскиот авијациски центар за да помогне во гаснењето на пожарот, потврди прес-службата на руското Министерство за вонредни ситуации.
Според последните податоци, пожарот зафатил четири ката. Во гаснењето учествувале повеќе од 100 луѓе, а работата на спасувачите ја отежнале високите температури и густиот чад.
Најпрвин руските медиуми објавија дека гори истражувачкиот институт Платан, но државната компанија Роселектроника објави дека зградата нема никаква врска со истражувачките институти и одбранбената индустрија, туку „станала приватна сопственост кон крајот на 90-тите“. Пожарот избувнал во канцеларијата на шестиот кат, изјави очевидец за ТАСС.
„Луѓето на петтиот или пониските катови успеаја да побегнат од зградата“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макронови: Кандис Овенс лаже дека Брижит е родена како маж за да добие влијание на интернет

Емануел и Брижит Макрон ја обвинија десничарската подкастерка Кандис Овенс дека намерно шири лажни тврдења дека првата дама е родена како маж, со цел да ја зголеми својата видливост на интернет.
Семејството Макрон веќе поднесе тужба за клевета во САД, која сега е проширена на 250 страници. Според нив, Овенс продолжува да ја користи својата платформа за ширење лаги, продавање производи што ги исмејуваат и прибирање донации.
Овенс, која има милиони следбеници на „Икс“ и „Јутјуб“, во септември објави нова сезона на серијата Стани Брижит. Таа дури тврдела дека постои завера во која се вклучени и Макронови.
Тврдењата потекнуваат од мал француски десничарски магазин, а авторката Натача Реј во 2024 беше осудена за клевета. Сепак, тоа не ја спречи Овенс да ја продолжи приказната.
Во тужбата се вели дека брачната двојка е изложена на немилосрдно светско малтретирање. Овенс, пак, ја отфрла тужбата и најавува жестока правна битка.
Свет
Европска комисија испратила инспекција во компанија за вакцини

Европската комисија соопшти дека ненадејно извршила претрес во простории на една компанија од секторот за вакцини, поради сомнеж за кршење на правилата за конкуренција преку „омаловажување“ на ривалите. Не се открива името на компанијата, ниту земјата членка.
Во соопштението се потсетува дека неодамна се заклучени две истраги во фармацевтскиот сектор – против израелската Teva (лекот Copaxone за мултипла склероза) и против Vifor (лекот Monofer за недостаток на железо).
Teva минатата година доби казна од 462,2 милиони евра за злоупотреба на доминантна позиција во неколку земји на ЕУ, а во јануари 2025 поднесе жалба пред Општиот суд на ЕУ.
Свет
Трамп: Хамас има три или четири дена да одговори, ако не го стори тоа ќе биде тажен крај

Американскиот претседател Доналд Трамп изјави дека палестинската милитантна група Хамас има околу три или четири дена да одговори на неговиот мировен предлог за Појасот Газа или ќе се соочи со последиците.
На заминување од Белата куќа, Трамп им рече на новинарите дека израелските и арапските лидери го прифатиле планот и дека само се чека Хамас. Тој рече дека Хамас има околу „три или четири дена“ да одговори.
„Хамас ќе го стори тоа или не, а ако не го стори тоа, тоа ќе биде многу тажен крај“, рече тој. На прашањето дали има простор за преговори за мировен план, Трамп одговори: „Не многу“.
Мировниот план на Белата куќа за Газа предвидува, меѓу другото, крај на конфликтот меѓу Израел и Хамас и враќање на сите заложници, мртви или живи, во рок од 72 часа откако Израел јавно ќе го прифати договорот. Откако ќе бидат ослободени заложниците, Израел, според американскиот план, би ослободил повеќе од 1.000 палестински затвореници, вклучувајќи неколку стотици осудени на доживотен затвор.
Палестинската територија би била управувана од привремена „технократска и аполитична“ влада која би управувала со секојдневните работи. Хамас би бил исклучен од таа влада. Привремената влада предвидена со американскиот предлог би била под надзор на „мировен комитет“ со кој претседава самиот Доналд Трамп, а во кој би играл улога и поранешниот британски премиер Тони Блер.
Планот наведува дека „членовите на Хамас кои ќе се обврзат на мирен соживот со Израел и ќе го предадат своето оружје ќе бидат амнестирани“, а оние кои „сакаат да ја напуштат Газа ќе имаат заштитен премин до нивните земји на дестинација“, пренесуваат светските медиуми.
Фото: принтскрин