Свет
(Видео) Во Канада протести за поддршка на иранските жени

Десетици илјади лица вчера излегоa на протести во Монтреал и другите канадски градови во знак на поддршка на протестите што веќе над две недели го потресуваат Иран по смртта на 22-годишната Махса Амини, која на 16 септември беше претепана од „моралната полиција“ поради непочитување на строгите правила за облекување.
Протестното движење во Иран трае веќе 16 дена, а почна кога Махса Амини почина, откако претходно беше уапсена затоа што не ја покривала косата во согласност со строгиот ирански кодекс за облекување за жените.
Десетици илјади лица вчера учествуваа на собирите на силидарност низ неколку градови на Канада, вклучувајќи ги Ванкувер, Торонто и главниот град Отава.
Incredible scenes as thousands gather in #Richmondhill to demand justice for #MahsaAmini and freedom for women in #Iran, and an end to the repression of the Iranian regime. #womenlifefreedom #IranProtests2022 pic.twitter.com/sWRxpVti5C
— Michael Levitt ???????? (@LevittMichael) October 1, 2022
Во Торонто, јавната телевизија Си-би-си прикажа слики на демонстрантите кои носат маици со пораката „Правда за Махса Амини“ и вееја ирански знамиња.
Во Монтреал, неколку жени ја потстрижаа косата додека повеќе од 10.000 лица држеа транспаренти на кои пишуваше „Правда“ и „Не за Исламската Република“.
Protest in Vancouver BC Canada in support of the women and girls fighting for their rights against the Islamic Republic of Iran. pic.twitter.com/p3YesYZmGa
— George Assaf (@fyrguy58) October 1, 2022
-Тоа беше за Иранките кои се борат за својата слобода, за својот живот во Иран, изјави 30-годишна иселеничка која го даде само своето име Син, откако ја скрати косата.
Неколку луѓе од толпата повикаа на промена на режимот во Техеран и за построги канадски санкции кон Иран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп призна: Се разделив од Епштајн кога направи нешто несоодветно

Американскиот претседател Доналд Трамп даде објаснување зошто ја прекина врската со педофилот Џефри Епштајн.
„Не сум разговарал со Џефри Епштајн со години. Не сум разговарал со него затоа што направи нешто несоодветно. Тој вработи мои луѓе, а јас му реков: „Никогаш повеќе не го прави тоа“.
„Драго ми е што го направив тоа, ако сакате да ја знаете вистината“, додаде американскиот претседател, зборувајќи во еден од неговите комерцијални голф клубови.
Епштајн, осуден сексуален предатор, почина во 2019 година додека чекаше судење. Трамп се соочи со притисок да го објави целото досие за Епштајн, но досега не успеа да го стори тоа, предизвикувајќи критики од демократите и некои од неговите поддржувачи.
Повторно беше прашан за можноста за помилување на долгогодишната соработничка на Епштајн, Гислен Максвел, која отслужува 20-годишна казна затвор за трговија со луѓе.
„Имам право да ја помилувам. Но, никој не ми го предложи тоа. Никој не ме праша за тоа. Беше во медиумите. Но, не е соодветно сега да зборувам за тоа“, рече Трамп.
Максвел разговараше со заменик-главниот обвинител Тод Бланш двапати минатата недела. Според извештаите, таа добила ограничен имунитет и испитувана е од најмлку 100 луѓе, но Министерството за правда не објави детали за тие разговори.
Свет
(Видео) Земјотрес од 8,8 степени за време на операција, докторите останаа смирени

Силниот земјотрес со магнитуда од 8,8 степени го погоди полуостровот Камчатка на далечниот исток на Русија, предизвикувајќи цунами високо до четири метри, оштетувајќи згради и активирајќи тревоги и евакуации низ Тихиот Океан.
Снимки од моментот на земјотресот во Камчатка се шират на социјалните мрежи.
Се појави и видео, за кое се тврди дека е снимено во болницата. На него се гледа како лекарите остануваат смирени за време на силниот земјотрес и не ја прекинуваат операцијата.
Doctors in Kamchatka kept calm during the powerful quake — and never stopped the surgery.
The patient is doing well, according to the Health Ministry#China #Tsunami #Earthquake #Russia #Hawaii #Japan #Sismo #Temblor #Tsunamiwarning #揺れ #地震 pic.twitter.com/fWiVKfxNbt
— Chaudhary Parvez (@ChaudharyParvez) July 30, 2025
Свет
И Кина издаде предупредување за цунами по земјотресот од 8,8 степени во Русија

Силен земјотрес со магнитуда од 8,8 степени го погоди полуостровот Камчатка на далечниот исток на Русија, предизвикувајќи цунами високо до четири метри, оштетувајќи згради и активирајќи предупредувања и евакуации низ Тихиот Океан.
Неколку лица беа повредени во тој оддалечен руски регион, а на населението на поголемиот дел од источниот брег на Јапонија, кое силно страдаше во катастрофалниот земјотрес и цунамито од 2011 година, му беше наредено да се евакуира. „Денешниот земјотрес беше сериозен и најсилен во последните десет години“, објави гувернерот на Камчатка на Телеграм.
Регионалниот министер за вонредни ситуации Сергеј Лебедев објави дека по земјотресот е регистрирано цунами од 3 до 4 метри. „Сите мора да се оддалечат од брегот“, рече Лебедев во видео на социјалните медиуми.
Американскиот сеизмолошки институт објави дека земјотресот бил на длабочина од 19,3 км, околу 125 км од Петропавловск, град со 165.000 жители на брегот на заливот Авача.
Кинескиот центар за предупредување од цунами објави дека се очекува бранови со висина помеѓу 30 сантиметри и еден метар да го погодат источниот брег на земјата.
Во официјалното соопштение на центарот се вели: „Врз основа на најновите предупредувања и резултатите од анализата, Центарот за советување за цунами при Министерството за национални ресурси утврди дека земјотресот предизвикал цунами, за кое се очекува да предизвика штета во одредени крајбрежни области на Кина“.
Предупредувања за цунами без издадени и за Јапонија и Хаваите.