Свет
(Видео) Во ослободената Балаклија жителите ги гушкаат украинските војници

Видеа од градот Балаклија во близина на Харков, кои се појавија на социјалните мрежи, покажуваат дека жителите ги пречекуваат украинските војници, кои го зазедоа градот.
Балаклија се наоѓа на 70-ина километри југоисточно од градот Харков, во центарот на територијата во која Украина почна голема контраофанзива. На видеото објавено на „Твитер“ од украинската новинарка Наталија Гумењук се гледаат мажи и жени што излегуваат од зградата за да ги прегрнат војниците. Некои од нив ги пречекуваат во солзи, пишува „Гардијан“.
Bittersweet to watch the videos of residents’ reactions to the Ukrainian soldiers liberating cities from Putin’s fascist regime. This is #Balakliya near #Kharkiv. ???? pic.twitter.com/sNYVFycBuT
— Igor Sushko (@igorsushko) September 9, 2022
„Дамите ги поздравуваат војниците во ослободената Балаклија по 6 месеци окупација: ‘Момци, ни останаа уште неколку палачинки, ги сакате’? Војниците одговараат: ‘Малку подоцна, подобро да се засолниш, гранатирањето сè уште е можно. Можам да го гледам одново и одново’“, напиша Гумењук на „Твитер“.
Ladies greet ???????? soldiers in liberated Balakliya after 6 months of ???????? occupation. “Boys, we have some pancakes left, would you like?” “A bit later, please, better still hide, shelling is still possible”. I can watch endlessly pic.twitter.com/n6XVRI8YfX
— Nataliya Gumenyuk (@ngumenyuk) September 8, 2022
Киев во изминатите 24 часа ја зазеде Балаклија, која половина година беше под руска окупација. Украина го затвори важниот логистички и снабдувачки центар Купјанск, а Институтот за проучување на војната (ISW) верува дека, најверојатно, ќе го освои во наредните денови.
ISW наведува дека украинската војска „веројатно ќе го заземе Купјанск во следните 72 часа, што може да доведе до сериозно, но не и целосно прекинување на руските линии за снабдување до Ижиум“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.