Свет
(Видео) Вулкан еруптира во Индонезија, најмалку 11 мртви, многу исчезнати

Спасувачите пронајдоа тела на 11 жртви по ерупцијата на вулканот Марапи на индонезискиот остров Суматра, соопшти портпаролот на спасувачките служби, а потрагата по 12-те исчезнати е прекината од безбедносни причини.
Во моментот на ерупцијата во областа имало 75 планинари, од кои 49 биле евакуирани во понеделникот, а многумина сега се лекуваат поради изгореници, изјави портпаролката на службата за пребарување и спасување, Џоди Харјаван.
Заедно со телата на 11 планинари спасувачите пронајдоа тројца преживеани, додаде Харјаван, а потрагата по 12-те исчезнати беше прекината поради подоцнежната мала ерупција.
Во пресрет на активирањето на вулканот властите го подигнаа нивото на будност и воспоставија зона за забранет пристап на три километри од кратерот.
Марапи еруптира во неделата исфрлајќи колона од пепел висока три километри на небото. Небото беше покриено со огромен облак од вулканска пепел покривајќи и автомобили и патишта, покажуваат снимките.
Вулканот е меѓу најактивните на Суматра, а најмногу жртви зеде во април 1979 година кога во ерупцијата загинаа 60 луѓе. Еруптира и на почетокот на оваа година, забележува „Ројтерс“.
Индонезија има 127 активни вулкани и се наоѓа на пацифичкиот Огнен прстен, според Агенцијата за вулканологија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Вицепремиерката на Велика Британија поднесе оставка поради даночно затајување

Вицепремиерката на Велика Британија, Ангела Рејнер, денес поднесе оставка откако призна дека платила помалку данок на својот нов дом.
Рејнер е осмиот висок функционер кој ја напушта владата на Стармер. Премиерот на Лабуристите претходно ѝ даде целосна поддршка кога беше обвинета дека намерно избегнува плаќање на целосен данок.
„Длабоко жалам за мојата одлука да не барам понатамошни даночни совети. Преземам целосна одговорност за оваа грешка“, напиша 45-годишната жена во писмо до својот шеф.
Стармер одговори дека жали што нејзиниот мандат завршил на овој начин, но дека донела правилна одлука. Британскиот премиер беше потресен од анкетите за популарност во кои неговата партија беше значително надмината од антиимигрантското движење „Реформа на Велика Британија“ на Најџел Фараж и од појавата на нова партија основана од поранешниот лидер на Лабуристите, Џереми Корбин, и поранешната пратеничка на Лабуристите, Зара Султана.
Во време кога Лабуристичката партија беше критикувана дека премногу се оддалечила од своите левичарски корени, загубата на Рејнер е особено штетна бидејќи таа беше политичарка од работничката класа која, како таква, беше посредник помеѓу левиот и центристичкиот дел од партијата, според анализите во написите.
Некои аналитичари веруваа дека таа е потенцијален наследник на Стармер.
Рејнер основа фонд за еден од нејзините синови со попреченост, а потоа го продаде својот удел во семејната куќа на северот од Англија на фондот за да купи стан, верувајќи дека нема да мора да плаќа повисока даночна стапка при купување на друг имот.
Фото: принтскрин
Свет
(Видео) Поранешниот американски претседател Џозеф Бајден опериран од рак на кожа

Поранешниот американски претседател Џозеф Бајден неодамна беше опериран од рак на кожа, потврди неговата портпаролка, пренесуваат медиумите во регионот.
Сега се појавија неговите снимки, за кои се тврди дека се направени по операцијата.
President Biden appeared far more coherent and healthy greeting fans in Delaware over the weekend than Dumpy in today’s speech… pic.twitter.com/Jsa7cdTiHc
— SayMay (@saymaysmith) September 2, 2025
Иако не е познато точно кога е извршена процедурата, на крајот на август, Бајден беше фотографиран како излегува од црква во Делавер со голем лузна на главата.
Неговиот портпарол изјави за NBC News дека 82-годишниот поранешен американски претседател се опоравува добро.
Бајден бил подложен на хируршката техника на Мос, во која слоевите на кожата постепено се отстрануваат и се испитуваат под микроскоп сè додека трагите од канцерогените клетки повеќе не се видливи.
Ова не е прв пат Бајден да се соочи со рак на кожа. Во 2023 година, базалноклеточниот карцином, една од најчестите форми на рак на кожа, беше отстранет од неговите гради. Неговиот лекар потоа потврди дека целото канцерогено ткиво е успешно отстрането.
Оваа вест доаѓа само неколку месеци откако Бајден објави во мај оваа година дека му е дијагностициран рак на простата во четврт стадиум, кој се проширил на неговите коски.
Неговата канцеларија објави дека ракот на простата е откриен откако Бајден посетил лекар поради уринарни симптоми и дека разгледува „повеќе опции за лекување“.
„Иако ова претставува поагресивна форма на болеста, се чини дека ракот е чувствителен на хормони, што овозможува ефикасен третман“, се наведува во соопштението.
Тој како што анализираат медиумите, се повлече од јавноста откако ја напушти Белата куќа во јануари оваа година.
Фото: принтскирн
Регион
Три земјотреси во Србија за час и половина – „Се затресе добро“

За само час и половина, Србија беше погодена од 3 земјотреси, од кои најсилниот беше 4,4 степени според Рихтеровата скала.
Денес, во 14:43 часот, земјотрес со магнитуда од 4,2 степени според Рихтеровата скала беше регистриран во областа Голија, околу 20 километри источно од Сјеница. Според прелиминарните податоци, теоретскиот интензитет на епицентарот беше проценет на шестиот степен според Меркалиевата скала. Околу дваесет минути подоцна, следеше уште еден, послаб земјотрес со магнитуда од 2 степени, а помалку од час и половина по првиот, на истото место беше регистриран и трет земјотрес со магнитуда од 1,9 степени, пренесуваат медиумите во соседството.
Земјотресот беше почувствуван во Нови Пазар, Трстеник, Чачак, Краљево, Ужице, Крагуевац, Јагодина, Алексинац, Аранѓеловац, Ниш, Панчево, па дури и во Белград и во Скопско, според написите.
Првиот земјотрес е регистриран во планинскиот регион Голија, на половина пат помеѓу Рашка и Сјеница, поточно околу селото Црчево.
Републичкиот сеизмолошки завод објави дека во 14:43 часот е регистриран земјотрес со јачина од 4,4 степени според Рихтеровата скала на длабочина од 3 километри во регионот Сјеница.
„Добро се затресе“, „Ормарите се тресеа“, „Се почувствува мало нишање на креветот“, пишуваат граѓани кои го почувствувале земјотресот.
Тие исто така известуваат дека земјотресот е почувствуван во Трстеник, Чачак, Краљево, Ужице, Крагуевац, Љиг, Јагодина, Алексинац, Аранѓеловац, Ниш, Панчево, па дури и во Белград и Скопје.
Граѓаните на Пријепоље и Нова Варош, исто така, го почувствуваа потресот, но засега нема информации за материјална штета или повредени. Експертите истакнуваат дека земјотресите со овој интензитет најчесто можат да предизвикаат помали штети на зградите во епицентралното подрачје, но тие не се невообичаени за овој регион.
„Се тресеше добро, навистина бевме исплашени бидејќи сè се тресеше за секунда“, изјави жител на Сјеница за агенцијата РИНА, опишувајќи го моментот на земјотресот.
Надлежните служби продолжуваат да ја следат ситуацијата и апелираат до граѓаните да останат смирени. Во случај на посилни последователни потреси, се препорачува сите да се придржуваат до основните упатства за однесување за време на земјотрес – да бараат засолниште под цврст мебел, да се држат подалеку од стаклени површини и да избегнуваат користење лифтови.