Свет
(Видео) Генерален штрајк во Израел поради заложниците во Газа, масовни демонстрации против Нетанјаху

Големиот еднодневен штрајк повикан од семејствата на заложниците ќе започне во понеделник во Израел, откако во Газа беа пронајдени телата на шест лица заробени од Хамас на 7 октомври минатата година.
Семејствата на заложниците повикаа на национален штрајк во обид да ја принудат израелската влада да преговара за ослободување на заложниците кои се уште се држат во Газа.
Тоа доаѓа откако израелската армија во саботата пронашла тела на шест заложници во тунел во градот Рафах, јужна Газа.
На штрајкот се приклучуваат и неколку бизниси, а синџирот кина „Лев“ и некои ресторани одлучија да останат затворени во знак на солидарност.
Израелскиот синдикат Хистадрут в понеделник ќе учествува на генерален штрајк, јавува Ројтерс.
Претседателот на Работничката федерација, Арнон Бар-Давид, требаше да се сретне со семејствата на заложниците во 16 часот по локално време во седиштето на неговата организација во Тел Авив, објавија израелските медиуми.
VIDEO: 🇮🇱 Israeli protesters demand hostage deal, rally against Netanyahu
Thousands demanded a hostage deal at a rally in Tel Aviv against Prime Minister Benjamin Netanyahu. A day after the protest, Israel's military announced the discovery of six dead hostages in a Gaza tunnel pic.twitter.com/HRhT6aowrb
— AFP News Agency (@AFP) September 1, 2024
Форумот на заложници и семејства на исчезнатите претходно побара од најмоќниот синдикат во земјата да учествува во штрајкот, откако ја повика пошироката јавност „да се приклучи на масовните демонстрации“.
Шефот на синдикатот Арнон Бар-Давид вели дека аеродромот Бен Гурион ќе биде затворен од 08:00 часот по локално време во понеделник.
Самиот штрајк се планира да започне во шест часот наутро и да трае еден ден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.