Свет
(Видео) Град на Хаваите целосно срамнет со земја во пожарите: „Се качив на покривот и гледав како огнот се приближува кон куќата“
Во големите пожари што го зафатија хавајскиот голем остров Мауи, градот Лахајна, каде живеат околу 13.000 луѓе, целосно е уништен, покажуваат сателитските снимки.
Засега е познато дека шест лица загинале во пожарот кој се’ уште неконтролирано се шири.
Целиот град е евакуиран, а судејќи според фотографиите и видеата објавени на социјалните мрежи, градот е буквално изгорен.
Видеата беа објавени од жителите на Лахајна кои сведочат за катастрофата.
„Веќе ја немаме Лахајна. Ја нема“, изјави еден жител за Си-Ен-Ен.
Maui Devastated from Fires (Video Below)
The devastation in Maui Hawaii is just horrible. So far at least 6 people have been killed and the area along the coast looks like an absolute war zone.
Additionally Maui Memorial Medical Center is treating 5 patients, 2 of which have… pic.twitter.com/g9acwW3nnq
— Brian Krassenstein (@krassenstein) August 10, 2023
Надлежните ги советуваа туристите што поскоро да го напуштат опожарениот град и целиот остров.
Гувернерот на Хаваи, Џош Грин рече дека нема доволно засолништа за долгорочен престој и дека противпожарните засолништа се достапни само неколку дена.
„Она што се обидуваме да го направиме сега е да се погрижиме секој што нема потреба да биде на Мауи, да не оди во Мауи. Ќе ги пречекаме туристите кога ќе завршат пожарите. Ни требаат што повеќе хотелски соби и други засолништа што е можно повеќе да ги вдомиме нашите луѓе“, рече тој.
Footage from earlier today showing the utter Devastation in the City of Lāhainā on the Hawaiian Island of Maui due to Wildfires spread quickly by Heavy Winds from Hurricane Dora to the South; the Governor of Hawaii, Josh Green has stated that at least 6 People were Killed just in… pic.twitter.com/7JioGRtoRs
— OSINTdefender (@sentdefender) August 10, 2023
Објавени се и фотографии направени од воздух, на кои јасно се гледа колку градот е уништен.
Купишта урнатини од кои што се издигнува чад лежат натрупани покрај брегот, бродовите во пристаништето се изгорени.
„Тоа е ужасно. Летам овде 52 години и никогаш не сум видел нешто слично. Плачевме, другите пилоти, механичарот и јас“.
Жителот на Мауи, Даниел Саливан, изјави за „Си-ен-ен“ дека сцените биле апокалиптични. Тој раскажа како се качил на покривот од куќата во која живее со своите деца и гледал како се приближуваат пламените јазици, а не можеле да избегаат бидејќи патиштата биле блокирани.
All of Lahaina pretty much wiped out.
#lahaina #maui #hawaii #frontstreet #lahainafire #vigilattemaui pic.twitter.com/miRUD4xaVq
— CBKNEWS (@CBKNEWS121) August 10, 2023
Пожарот на крајот не стигнал до неговата куќа, но ги проголтал домовите на многу негови пријатели.
„Пожарот блокираше сè, а засолништата каде што одеа луѓето мораа да бидат евакуирани бидејќи пожарот ги зафати и нив. Тоа беше апокалипса. Никогаш не сме виделе такво нешто“, рече тој.
Националната метеоролошка служба соопшти дека ураганот Дора, кој минувал јужно од островот и со удари на ветер од повеќе од 60 километри на час, е делумно одговорен за ескалацијата на пожарот.
Lahaina, Maui, has been absolutely devastated by this fire that ripped across the city, driven by Hurricane Dora’s winds.
Heartbreaking for Hawaii.
— KanekoaTheGreat (@KanekoaTheGreat) August 9, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Германија го суспендираше новиот извоз на воено оружје во Израел
Германија го суспендираше новиот извоз на оружје за Израел додека се справува со правните предизвици, според анализата на податоците на Ројтерс и извор близок до Министерството за економија.
Извор близок до министерството цитираше висок владин функционер дека работата за одобрување дозволи за извоз на оружје во Израел е стопирана поради правниот и политичкиот притисок од правните случаи кои тврдат дека таквиот извоз од Германија го прекршува хуманитарното право.
Министерството за економија соопшти дека нема и нема да има забрана за извоз на оружје во Израел, а одлуките се носат од случај до случај по внимателно разгледување, додавајќи дека меѓународното право, надворешната и безбедносната политика се клучни фактори во нивните оценки.
– Нема бојкот на германскиот извоз на оружје против Израел – изјави владиниот портпарол во средата, коментирајќи го извештајот.
Минатата година Германија одобри извоз на оружје за Израел во вредност од 326,5 милиони евра, вклучувајќи воена опрема и воено оружје, што е десеткратно зголемување во споредба со 2022 година, покажуваат податоците на Министерството за економија, кое одобрува извозни дозволи.
Но, годинава одобренијата паднаа, а од јануари до 21 август се дадени само 14,5 милиони евра, покажуваат податоците на Министерството за економија како одговор на пратеничко прашање.
Регион
Вархеји: Добра средба со Вучиќ за спроведување на следните чекори, планот за раст во полн ек
Европскиот комесар за соседска политика и проширување Оливер Вархеји денеска изјави дека имал добра средба со српскиот претседател Александар Вучиќ во Брисел за да ги подготви следните чекори во време кога се започнуваат „амбициозните реформи засновани на реформската агенда на Србија“.
Вархеји на социјалната мрежа Х оцени дека новиот План за раст на Западен Балкан вреден шест милијарди евра е во полн ек.
„На маргините на состанокот на лидерите од Западен Балкан, имав добар состанок со претседателот Александар Вучиќ за да ги подготвам следните чекори додека започнуваме амбициозни реформи врз основа на реформската агенда на Србија. Новиот план за раст од 6 милијарди евра е веќе во полн ек. Повеќе реформи, повеќе поддршка!“, рече Вархеји.
Свет
Фолксваген сака да укине до 30.000 работни места во Германија и да ги намали инвестициите
Производителот на автомобили Фолксваген сака да укине до 30.000 работни места во Германија и да ги намали инвестициите, објави германскиот деловен портал Менаџер.
Како што се наведува, поддржувачите на радикалните мерки во менаџментот на Фолксваген очекуваат бројот на работници да се намали од сегашните 130.000 за речиси една четвртина.
Се најавува дека и Фолксваген поради заштеди ќе ги намали инвестициите за речиси 20 милијарди евра, а можни се отпуштања и во одделот за истражување и развој, пренесува Bild.